I ddathlu Pythefnos Maethu, mae ein tîm Gofal Maeth yn cynnal digwyddiad gwybodaeth yn Tŷ Pawb ar ddydd Mawrth, 14 Mai.
Mae’r digwyddiad i bawb sy’n ystyried bod yn Ofalwr Maeth neu unrhyw un a hoffai ychydig mwy o wybodaeth am faethu.
Allwch chi wella dyfodol plentyn mewn gofal?
Cynhelir digwyddiad gwybodaeth a drama yn Tŷ Pawb ar ddydd Mawrth, 14 Mai o 3.30pm tan 7pm. Gall unrhyw un alw heibio’r digwyddiad sy’n rhad ac am ddim i ddarganfod mwy am ofalwyr maeth a sut y gallwch chi ddod yn ofalwr maeth.
Bydd lluniaeth ar gael.
ALLECH CHI WNEUD GWAHANIAETH I FYWYD PLENTYN SYDD MEWN GOFAL?
Bydd y digwyddiad hefyd yn cynnwys y ddrama pobl ifanc “Tonight’s gonna be a good night” gan theatr Cat’s Paw.
Bydd gweithwyr cymdeithasol ac arbenigwyr ar gael i ateb eich cwestiynau yn ogystal â gofalwyr maeth a fydd yn gallu dweud wrthych yn y fan a’r lle sut brofiad yw maethu plant.
Bydd cyfle i’r rheiny sydd heb edrych ar faethu yn y gorffennol i gymryd mantais o’r cyngor sydd ar gael gan swyddogion hyfforddedig a chyn-ofalwyr.
Mae gofalwyr maeth yn cynnig magwraeth a chartrefi diogel i blant a phobl ifanc ac yn Wrecsam rydym yn galw am fwy o bobl i ddangos diddordeb ac i ystyried bod yn ofalwyr maeth.
Pythefnos Maethu
O 13 Mai tan 26 Mai bydd Pythefnos Gofal Maeth yn gofyn i’r rheiny sydd wedi bod yn ystyried maethu am gryn amser i weld yr hyn y gallan nhw ei roi i blant sydd angen gofal a chefnogaeth.
Penwythnos Gofal Maeth yw ymgyrch blynyddol y Rhwydwaith Maethu i godi proffil maethu ac i ddangos sut y mae gofal maeth yn trawsnewid bywydau. Dyma ymgyrch recriwtio gofalwyr maeth mwyaf y DU.
Am ragor o wybodaeth ar y digwyddiad neu i ddarganfod mwy o wybodaeth am sut i ddod yn ofalwr maeth cysylltwch â:
Rhif ffôn: 01978 295 316
Cyfeiriad e-bost: fostering@wrexham.gov.uk
DYSGWCH FWY AM FABWYSIADU
