Cafodd tri o gynghorwyr lleol Wrecsam eu hethol i’r Senedd ar 7 Mai, sy’n golygu y bydd tri is-etholiad nawr yn cael eu cynnal ar 18 Mehefin.
Mae Carrie Harper (Queensway), Marc Jones (Grosvenor) a Becca Martin (Acton a Maesydre) i gyd wedi ymddiswyddo ac, os ydych chi’n byw yn un o’u wardiau, cewch chi gyfle i ethol eich cynghorydd newydd.
Bydd y tri is-etholiad yn cael eu cynnal ddydd Iau 18 Mehefin, ond os nad ydych chi wedi cofrestru, ni fyddwch yn gallu pleidleisio.
Dyma’r dyddiadau pwysig i’w cofio os nad ydych wedi cofrestru:
Y diwrnod olaf i gofrestru i bleidleisio: Dydd Mawrth 2 Mehefin
Y diwrnod olaf i wneud cais am bleidlais drwy’r post: 5pm ddydd Mercher 3 Mehefin
Y diwrnod olaf i wneud cais am bleidlais drwy ddirprwy: 5pm ddydd Mercher 10 Mehefin
Mynd ar wyliau?
Os ydych chi’n mynd i fod i ffwrdd ar unrhyw un o’r dyddiadau cau hyn, gwnewch yn siŵr eich bod yn gwneud cais cyn i chi fynd. Bydd pleidleisiau drwy’r post yn cael eu hanfon allan ddydd Iau 5 Mehefin, felly gwnewch yn siŵr eich bod yn gwirio dyddiadau eich gwyliau i benderfynu sut rydych chi’n mynd i bleidleisio.
