Mae ymwelwyr â FOCUS Wales eleni yn cael eu hannog i alw heibio i’r Hwb Cymraeg ar Sgwâr y Frenhines yn ystod penwythnos yr ŵyl.
Ar gael drwy gydol FOCUS Wales 2026, bydd yr Hwb Cymraeg unwaith eto yn darparu gofod croesawgar, hamddenol a chynhwysol i bobl ddod at ei gilydd, mwynhau awyrgylch yr ŵyl a phrofi’r Gymraeg mewn lleoliad anffurfiol a chyfeillgar.
Ar agor bob dydd rhwng 9:30am a 10pm, mae’r Hwb Cymraeg yn lle delfrydol i ddysgwyr a siaradwyr newydd fagu hyder ac ymarfer eu Cymraeg. Mae lluniaeth hefyd ar gael drwy gydol y dydd.
Mae’r rhaglen yn cynnwys amrywiaeth eang o gerddoriaeth, sesiynau sgwrsio a gweithgareddau sy’n addas i deuluoedd, gan helpu i greu gofod dwyieithog sy’n agored i bawb – nid siaradwyr Cymraeg yn unig.
Dros y penwythnos, bydd ymwelwyr yn gallu mwynhau amserlen llawn dop o ddigwyddiadau.
Dydd Iau 7 Mai
Andy Hickie – 5:30pm
Malgola, No – 6:20pm
Tokomololo – 7:10pm
PWSI – 8pm
Bydd sesiwn Dysgu Cymraeg: Learn Welsh hefyd yn cael ei chynnal am 12pm
Dydd Gwener 8 Mai
Ceitidh Mac – 1pm
Arthur Coates a Kerran Cotterell – 1:45pm
Eleanor Dunsdon a Gregor Black – 2:30pm
Something Sleeps – 3:15pm
Carreg Lafar – 6:15pm
Panedeni – 7:05pm
Côr Pob Llais Wrecsam – 7:55pm
Bydd gweithgaredd chwarae blêr hefyd yn cael ei gynnal am 11am, a sesiwn gymysgu British Council Cymru am 5:30pm.
Dydd Sadwrn 9 Mai
Côr BSL Signing Sensations – 12:00pm
Choirs for Good Wrecsam – 12:30pm
Derwen On Tour – 1pm
Hazel Sian – 1:50pm
Elin a Carys – 2:45pm
Tom Campbell Trio – 3:40pm
Half/Time – 4:35pm
Spirited Followers – 5:25pm
Claire Vine – 6:15pm
Osgled – 7:05pm
Côr DAW – 7:55pm
Gall ymwelwyr hefyd fynychu sesiwn ‘Paned a Sgwrs’ gyda Doctor Cymraeg.
Mae rhagor o wybodaeth am yr Hwb Cymraeg ar gael yma.
Dywedodd Stephen Jones, Swyddog y Gymraeg Cyngor Wrecsam: “Mae’r Hwb Cymraeg yn ofod i bawb ei fwynhau yn ystod FOCUS Wales. P’un a ydych chi’n siaradwr Cymraeg profiadol, yn ddysgwr neu’n rhywun sydd eisiau clywed a phrofi mwy o’r iaith, cewch groeso mawr yn yr HWB.”
“Mae’n gyfle i ymlacio, cael hwyl, cwrdd â phobl a mwynhau cymysgedd gwych o berfformiadau a gweithgareddau yng nghanol y ddinas. Rydyn ni eisiau i’r Hwb Cymraeg fod yn rhywle lle mae pobl yn teimlo’n gyfforddus yn defnyddio faint bynnag o Gymraeg sydd ganddyn nhw, gan hefyd annog eraill i ddysgu mwy ac ymuno.”
