[button color=”” size=”large” type=”square_outlined” target=”new” link=”https://fynghyfrif.wrecsam.gov.uk/cy/service/care_jobs_in_wrexham”]DOD O HYD I SWYDDI GOFALU LLEOL[/button]
Rydym i gyd yn gwybod bod diffyg gweithwyr gofal mewn cymunedau ar hyd a lled Cymru ar hyn o bryd.
Efallai y byddwch chi wedi gweld ymgyrch genedlaethol Gofalwn Cymru, sy’n annog pobl i ystyried swyddi a gyrfaoedd yn y sector gofal.
Felly mae hi yn Wrecsam hefyd, ac rydym ni angen rhai sydd â’r rhinweddau cywir i gamu ymlaen i lenwi swyddi lleol.
Mae Cyngor Wrecsam yn gweithio gyda llawer o gyflogwyr i helpu i ddarparu gofal i bobl yn eu cartrefi ac mewn llety â chymorth – i’w helpu i fod yn annibynnol a byw fel maent yn dymuno.
Mae’n yrfa sydd, yn llythrennol, yn newid bywydau, a gallwch gael cymaint o foddhad ohoni.
Felly cysylltwch, ac fe wnawn ni helpu i’ch cyfeirio at swyddi lleol.
[button color=”” size=”large” type=”square_outlined” target=”new” link=”https://fynghyfrif.wrecsam.gov.uk/cy/service/care_jobs_in_wrexham”]DOD O HYD I SWYDDI GOFALU LLEOL[/button]
Gallwch hefyd ddod o hyd i swyddi ar borth swyddi Gofalwn Cymru…
Ym mis Awst gwnaethom bostio 800 o swyddi gwag ledled Cymru!
Dewch o hyd i swydd yn eich ardal chi ????https://t.co/Lngi6owyLr#GofalwnCymru pic.twitter.com/5odH4zmlOq
— GofalwnCymru (@GofalwnCymru) September 1, 2021
Mae Wrecsam eich angen chi
Dywedodd y Cynghorydd David A Bithell, Aelod Arweiniol Gofal Cymdeithasol i Oedolion:
“Mae Cymru gyfan yn wynebu diffyg gweithwyr gofal ar hyn o bryd, ac rydym ni angen pobl sydd â’r rhinweddau cywir i lenwi swyddi yn Wrecsam rŵan.
“Mae swydd ym maes gofal cymdeithasol yn gallu golygu helpu pobl yn eu cartrefi gyda thasgau dydd i ddydd, mynd â phobl i ganolfannau dydd neu weithgareddau neu ofalu am rai sydd ag anghenion iechyd cymhleth mewn cartrefi gofal neu lety â chymorth.
“Mae sawl rôl wahanol, a phob un yn gwneud gwahaniaeth mawr i fywydau pobl.
“Os ydych chi’n chwilio am yrfa newydd ac os hoffech chi helpu pobl yn eich cymuned, ystyriwch swydd gofal cymdeithasol.
“Cysylltwch ac fe wnawn ni eich helpu i ddysgu mwy am gyfleoedd lleol.”
