Efallai eich bod yn cofio ein bod wedi ail-agor y Byd Dŵr yn swyddogol nôl yn niwedd 2017 ar ôl gwaith ailwampio gwerth £1.5m.
Un o’r newidiadau na fu modd i ni ei wneud yn ystod y gwaith – rhan o brosiect £2.7m i adnewyddu holl gyfleusterau Freedom Leisure ar draws y fwrdeistref sirol – oedd adnewyddu ystafelloedd newid y dynion ger y gampfa.
Rydym yn falch o allu dweud y bydd rhagor o waith adnewyddu yn yr ystafelloedd newid yn dechrau ddydd Llun 3 Rhagfyr, gyda’r nod o gwblhau’r holl waith cyn diwedd y mis.
Bydd y gwaith yn cynnwys creu ardal agored newydd gyda meinciau; cawodydd unigol; ciwbiclau cawod gyda drysau gwydr a goleuadau LED.
Gofynnir i’r dynion ddefnyddio’r ardal newid ar y llawr cyntaf er mwyn newid a chael cawod tra bod y gwaith yn mynd yn ei flaen.
Dywedodd y Cyng. Andrew Atkinson, Aelod Arweiniol Gwasanaethau Ieuenctid a Gwrth-dlodi, sydd â chyfrifoldeb dros Hamdden: “Fe wyddom mai un o’r prif newidiadau y mae cwsmeriaid wedi bod eu heisiau ers y gwaith adnewyddu ehangach ym Myd Dŵr oedd gwella ystafelloedd newid y dynion ger y gampfa ar y llawr gwaelod, felly rydym yn falch iawn o allu cyhoeddi’r gwaith yma.
“Rydym yn obeithiol y bydd y gwaith yn cael ei gwblhau cyn y Flwyddyn Newydd, ac fe hoffem ddiolch i ddefnyddwyr ymlaen llaw am eu hamynedd a’u cydweithrediad yn ystod y gwaith”.
[button color=”” size=”large” type=”square_outlined” target=”new” link=”http://www.yourvoicewrexham.net/KMS/elab.aspx?noip=1&CampaignId=766&SessionId=7W3XW8KTF6&language=cy”]DWI ISIO MYNEGI FY MARN[/button]
[button color=”” size=”large” type=”square_outlined” link=”https://newyddion.wrecsam.gov.uk”]DOES DIM OTS GEN I[/button]
