Allech chi ymuno â’n Diwrnod Cynorthwyo Ceidwad nesaf a helpu i wneud gwahaniaeth yn eich cymuned?
Dewch draw ddydd Iau, Tachwedd 14, 2024 ym Mharc Gwledig Dyfroedd Alun i helpu un o’n ceidwaid a dod i adnabod eich cymuned.
Beth yw Diwrnodau Cynorthwyo Ceidwad?
Cynhelir diwrnodau Cynorthwyo Ceidwad mewn parciau lleol yn Wrecsam. Byddwch yn cael y cyfle i gwrdd â phobl newydd tra’n gweithio gyda’ch gilydd i gwblhau amrywiaeth o dasgau awyr agored.
Fe allai’r tasgau yma gynnwys clirio llwybrau, cael gwared ar rywogaethau goresgynnol, adeiladu ac ailosod ffensys, cynnal a chadw gwrychoedd, gwaith cynnal a chadw cyffredinol yn y parc, a threfnu sesiynau casglu sbwriel. Mae pob parc yn wahanol felly fe fydd y tasgau penodol yn amrywio.
Er mwyn sicrhau hygyrchedd i gymaint o bobl â phosibl, byddwn ni’n cynnal ein diwrnod Cynorthwyo Ceidwad ar ddiwrnodau gwahanol o’r wythnos ac mewn parciau amrywiol bob mis.
Pwy all helpu?
Unrhyw un 12 oed neu drosodd (rhaid i blant fod yng nghwmni oedolyn) sydd eisiau ymuno! Gosodir y tasgau ar y diwrnod yn dibynnu ar sgiliau a galluoedd y bobl dan sylw.
Dywedodd y Cynghorydd Terry Evans, Aelod Arweiniol y Gwasanaethau Amgylcheddol, “Dyma gyfle gwych i gymryd rhan a deall gwaith y mae ein ceidwaid yn ei wneud i gynnal a chadw ein parciau, cyflawni gwaith cadwraeth i gefnogi’r bywyd gwyllt a sicrhau eu bod yn parhau i fod yn lleoliadau gwych i bawb eu mwynhau”.
Sut ydw i’n ymuno y mis hwn?
Os gallwch chi helpu, dewch i gwrdd â ni yng Nghaffi Cyfle ar ochr Gwersyllt Parc Gwledig Dyfroedd Alun (Ffordd yr Wyddgrug LL11 4AG) am 10 fore Iau, Tachwedd 14.
Bydd y sesiwn yn para rhwng 10am a 2pm a gallwch aros cyhyd ag y dymunwch.
Y tâl maes parcio dyddiol yw £1 gan ddefnyddio’r peiriannau talu ac arddangos (gydag arian parod neu gerdyn, neu drwy ddefnyddio JustPark – system talu heb arian).
Am ragor o wybodaeth am y digwyddiad hwn e-bostiwch: LocalPlacesForNature@Wrexham.gov.uk
Efallai yr hoffech hefyd ddarllen:
