Erthygl gwadd – Iechyd cyhoeddus Cymru
Dros 800,000 o bobl yng Nghymru sydd wedi cael eu brechu hyd yma, ond mae achosion o ffliw wedi cynyddu’n ddiweddar, a disgwylir mwy o achosion yn y cyfnod cyn y Nadolig.
Mae nifer uchel iawn o achosion sydd wedi’u cadarnhau ymhlith plant dan bump oed ar hyn o bryd.
Pam mae’n bwysig:
- Gall y ffliw fod yn ddifrifol i blant, ond mae’r brechlyn chwistrell trwyn yn lleihau’r risg o salwch difrifol. Hyd yn oed os bydd plant yn dal ffliw, mae’r brechlyn chwistrell trwyn yn golygu y bydd y symptomau’n debygol o fod yn ysgafnach ac yn fyrrach.
- Mae’r brechlyn ffliw chwistrell trwyn yn ddiogel, yn ddi-boen, ac wedi helpu i amddiffyn dros 230,000 o blant oedran ysgol yng Nghymru y llynedd.
- Mae’r brechlyn ffliw chwistrell trwyn yn helpu i atal y salwch rhag lledaenu i frodyr a chwiorydd, neiniau a theidiau a pherthnasau sy’n wynebu mwy o risg o salwch difrifol.
- Bydd y rhan fwyaf o blant wedi’u hamddiffyn o fewn 14 diwrnod o gael y chwistrell trwyn ffliw.
- Mae un chwistrell trwyn cyflym yn helpu i gadw plant yn iach – gan leihau’r risg o afiechydon a allai amharu ar eu dysgu, eu chwarae a’ch bywyd teuluol.
- Mae’r ffliw hefyd yn rhoi pwysau ychwanegol ar y GIG bob gaeaf, gan gynyddu’r galw am welyau a gwasanaethau gofal brys – mae brechu’n helpu i leddfu’r straen hwnnw.
Am fwy o wybodaeth:
Ar wefan Iechyd Cyhoeddus Cymru gallwch weld manylion sut i gael y brechlyn ffliw am ddim i’ch plentyn os ydynt wedi’i golli yn yr ysgol neu os na chafodd y ffurflen ganiatâd ei chwblhau mewn pryd.
