Ydych chi wedi cwblhau ein Ymgynghoriad Strategaeth Ymgysylltu Mynediad Cwsmeriaid eto? Nid oes llawer o amser ar ôl i gymryd rhan.
Mae’r arolwg yn cau Ddydd Gwener 21 Awst, felly bydd angen i chi wneud hynny’n fuan os ydych chi am helpu i lunio ein gwasanaethau ar gyfer y dyfodol.
Bydd pob barn yn cael ei ystyried, felly cymerwch ran a’n helpu i wella a datblygu’r gwasanaethau rydym yn eu cynnig.
Mae eich barn yn cyfrif
Yn syml, eich barn a’ch profiadau o ddefnyddio ein gwasanaethau fydd yn sbarduno’r ffordd y byddan nhw’n edrych yn y dyfodol.
Os ydym yn gwneud rhywbeth yn dda, mae angen i ni wybod fel y gallwn adeiladu arno, ac yn yr un modd os oes rhywbeth y gallem ei wneud ychydig yn well mae angen i ni wybod fel y gallwn wneud newidiadau.
Ond dim ond os ydych chi’n dweud wrthym ni y gallwn wneud newidiadau, a dyna pam mae’n bwysig iawn eich bod chi’n cymryd yr amser i gwblhau’r arolwg.
Yr hyn mae arnom angen ei wybod
Mae rhai o’r pethau rydyn ni’n eisiau eu darganfod yn cynnwys:
- Y ffyrdd y mae’n well gennych gysylltu â ni, a pham
- Eich profiadau pan rydych wedi bod angen cysylltu â ni
- Sut rydych chi’n cael gwybodaeth gennym ni
- Y pethau sy’n bwysig i chi
- Eich barn chi am y ffordd rydym yn defnyddio technoleg ddigidol
- Pa wasanaethau yr hoffech eu cyrchu ar-lein
- Eich barn am ein strategaethau a’n mentrau
“Cyfle gwych i ddweud eich dweud”
Dywedodd y Cynghorydd John Pritchard, yr Aelod Arweiniol dros Wasanaethau Corfforaethol: “Rydyn ni eisiau tynnu ynghyd gymaint o farn ag y gallwn, y byddwn yn ei defnyddio i ddatblygu gwasanaethau niferus y cyngor yr ydyn ni’n eu darparu. Ni allwn bwysleisio digon y bydd pob syniad yn cael ei ystyried, felly mae’n gyfle gwych i ddweud eich dweud.
“Yr ymgynghoriad ar y Strategaeth Ymgysylltu â Mynediad i Gwsmeriaid yn fyw tan 21 Awst ac mae’n cymryd tua 10-15 munud i’w gwblhau, felly cymerwch ran os gallwch chi.”
Gallwch gymryd rhan yn yr ymgynghoriad ar-lein ar Eich Llais. Neu os yw’n well gennych, gallwch argraffu copi papur o’r ymgynghoriad ar gais yn Cysylltu Wrecsam yn eich swyddfa dai leol.
Gymryd rhan yn yr ymgynghoriad ar-lein ar Eich Llais
Derbyniwch y newyddion a’r wybodaeth ddiweddaraf yn syth i’ch mewnflwch.
