Mae’r wefan hon yn defnyddio cwcis. Trwy ei defnyddio, rydych yn cytuno i’w defnydd. Am fwy o wybodaeth, darllenwch ein Polisi Preifatrwydd.
Derbyn
Newyddion Cyngor Wrecsam
  • Busnes ac addysg
  • Y cyngor
  • Pobl a lle
  • Digwyddiadau
  • Fideo
  • Arall
  • English
Darllen Nodyn briffio Covid-19 – cofiwch y pethau sylfaenol dros ŵyl y banc (dwylo, wyneb, pellter, awyr iach)
Rhannu
Notification Show More
Newyddion diweddaraf
CYFLWYNO CORON A CHADAIR EISTEDDFOD GENEDLAETHOL WRECSAM
CYFLWYNO CORON A CHADAIR EISTEDDFOD GENEDLAETHOL WRECSAM
Digwyddiadau Pobl a lle
Adfywio treftadaeth barhaus yn cefnogi adeiladau allweddol yn Ardal Gadwraeth Wrecsam
Adfywio treftadaeth barhaus yn cefnogi adeiladau allweddol yn Ardal Gadwraeth Wrecsam
Pobl a lle Y cyngor
Gwersyllt Community Resource Centre
Canolfan Adnoddau Cymunedol Gwersyllt – cau am bythefnos
Pobl a lle Y cyngor
Alwen Williams has been appointed as Chief Executive of the North Wales Corporate Joint Committee (CJC) – known as Ambition North Wales.
Uchelgais Gogledd Cymru yn penodi Prif Weithredwr
Arall Busnes ac addysg
Allech chi wneud unrhyw un o'r swyddi hyn?
Allech chi wneud unrhyw un o’r swyddi hyn?
Busnes ac addysg
Newyddion Cyngor Wrecsam
Search
  • Busnes ac addysg
  • Y cyngor
  • Pobl a lle
  • Digwyddiadau
  • Fideo
  • Arall
  • English
Dilynwch NI
© 2023 Cyngor Bwrdeistref Sirol Wrecsam
Newyddion Cyngor Wrecsam > Blog > Arall > Nodyn briffio Covid-19 – cofiwch y pethau sylfaenol dros ŵyl y banc (dwylo, wyneb, pellter, awyr iach)
ArallY cyngor

Nodyn briffio Covid-19 – cofiwch y pethau sylfaenol dros ŵyl y banc (dwylo, wyneb, pellter, awyr iach)

Diweddarwyd diwethaf: 2021/05/06 at 4:49 PM
Rhannu
Darllen 10 funud
Covid-19
RHANNU

Rydym ni’n parhau i fod mewn lle da. Mae lefelau’r feirws yn isel ac mae bywyd yn teimlo ychydig yn fwy ‘normal’ ar hyn o bryd.

Cynnwys
Rhannu ceirPleidleisio’n ddiogel ddydd Iau, 6 MaiDyddiadau a newidiadau allweddolDydd Llun, 3 MaiY wybodaeth ddiweddaraf am frechuApwyntiadau ail ddosApêl i gyflogwyrCwestiynau am y brechlyn?Ewch i’ch apwyntiadY Coronafeirws yn eich ardal chiPecynnau hunan-brofi am ddim wedi’u danfon i’ch cartrefSymptomau neu wedi’ch nodi fel ‘cyswllt’?Ffynonellau gwybodaeth defnyddiol

Ond yr wythnos hon, rydym wedi gweld cynnydd bach yn nifer achosion y Coronafeirws yn Wrecsam, gyda 22.1 achos fesul 100,000 o bobl, o gymharu ag 11.8 yr wythnos ddiwethaf. Rydym ni hefyd wedi mynd i fyny o’r degfed safle yng Nghymru i’r trydydd.

Mae’r niferoedd yn hynod o isel, ond mae’n ein hatgoffa sut mae pethau’n gallu mynd o chwith…yn sydyn iawn.

Felly mae cadw at y pethau sylfaenol – pellter cymdeithasol, awyr iach, gwisgo mwgwd a golchi ein dwylo – yn bwysicach nag erioed, ac am ein helpu i gadw’r niferoedd yn isel.

- Cofrestru -
Eisteddfod Wrecsam 2025

Wrth i fwy ohonom ni gael ein brechu pob dydd, gobeithio y gallwn ni barhau ar y trywydd cywir i gael haf da.

Mwynhewch ŵyl y banc, ond cofiwch y pethau sylfaenol – dwylo, wyneb, pellter, awyr iach.

Cadwch yn ddiogel.

Rhannu ceir

Yn gynharach yr wythnos hon, rhoddwyd cyngor newydd i weithwyr ar ôl i glwstwr o achosion gael eu cysylltu â rhannu ceir.

Mae canllawiau’r Llywodraeth yn dweud y dylid osgoi rhannu ceir. Mae eistedd mewn lle cyfyng gyda rhywun o aelwyd arall yn syniad drwg, a gallech ddal neu ledaenu’r feirws yn hawdd.

Efallai y bydd yn rhaid i chi hunanynysu, a gallech fod yn sâl iawn.

Felly, ceisiwch ei osgoi yn gyfan gwbl. Os na allwch chi weithio gartref, ceisiwch yrru i’r gwaith ar eich pen eich hun – neu gerdded neu feicio a mwynhau manteision awyr iach ac ymarfer corff.

Os oes rhaid i chi rannu ceir, dyma rai awgrymiadau:

• Cadwch ffenestri’r car ar agor.
• Gwisgwch fwgwd.
• Ceisiwch beidio â chyffwrdd pethau mae eraill yn eu trin – cadwch handlenni drysau a’r llyw’n lân.
• Os ydych chi’n dod o fewn dwy fetr i’r naill a’r llall, ceisiwch wneud hynny am gyn lleied â phosib’ o amser, osgowch gyswllt a cheisio wynebu oddi wrth eich gilydd.

Dewch i wybod am y newidiadau yn y cyfyngiadau Covid-19 yng Nghymru.

Pleidleisio’n ddiogel ddydd Iau, 6 Mai

Yr wythnos nesaf, bydd etholiadau’r Senedd a Chomisiynwyr yr Heddlu a Throsedd yn cael eu cynnal.

Mae llawer o waith wedi’i wneud i sicrhau bod gorsafoedd pleidleisio mor ddiogel â phosib’ ar 6 Mai, ond gallwch helpu trwy ddilyn ychydig o gamau syml wrth fynd i bleidleisio:

• Gwisgo gorchudd wyneb.
• Dewch â’ch beiro neu’ch pensil eich hun.
• Glanhewch eich dwylo wrth ddod i mewn ac wrth adael yr orsaf bleidleisio.
• Cadwch bellter diogel oddi wrth bobl eraill.

Peidiwch â mynd i’r orsaf bleidleisio os oes gennych chi unrhyw symptomau Covid, neu os ydych wedi cael gwybod bod angen i chi hunanynysu.

Os ydych yn datblygu symptomau neu os oes rhaid i chi hunanynysu funud olaf, mae gennych chi tan 5pm ar y diwrnod pleidleisio i wneud cais am bleidlais trwy ddirprwy oherwydd argyfwng. Mae hyn yn caniatáu i chi enwebu rhywun rydych chi’n ymddiried ynddynt i bleidleisio ar eich rhan.

Am wybodaeth ynglŷn â gwneud cais am bleidlais trwy ddirprwy oherwydd argyfwng, cysylltwch â’n tîm cofrestru etholiadol ar 01978 292020.

Dyddiadau a newidiadau allweddol

Dyma grynodeb sydyn o’r prif newidiadau yng Nghymru dros y dyddiau nesaf.

Dydd Llun, 3 Mai

• Bydd gweithgareddau dan do gyda goruchwyliaeth i blant (e.e. grwpiau a chlybiau), a gweithgareddau dan do wedi’u trefnu i hyd at 15 o oedolion (fel dosbarthiadau ymarfer corff), yn cael eu caniatáu.
• Bydd canolfannau cymunedol yn gallu ailagor.
• Bydd aelwydydd estynedig yn cael eu caniatáu eto, a fydd yn galluogi i ddwy aelwyd gyfarfod a dod i gyswllt dan do.
• Bydd campfeydd, canolfannau hamdden, cyfleusterau ffitrwydd, sbas a phyllau nofio yn gallu ailagor.

Yn Wrecsam, bydd canolfannau hamdden Byd Dŵr a’r Waun yn agor ar 3 Mai o 9am tan 4pm.

Bydd holl gyfleusterau eraill Freedom Leisure yn y sir yn agor ar 4 Mai.

Bydd dosbarthiadau ymarfer corff i grwpiau dan do yn dechrau ar safleoedd penodol ar 3 Mai, a dosbarthiadau Dysgu Nofio ar 4 Mai.

Am ragor o wybodaeth, cysylltwch â’ch canolfan hamdden leol.

O ddydd Llun, gall campfeydd a chanolfanau hamdden ailagor, a gall gweithgareddau dan do i hyd at 15 o bobl ailddechrau.

Cewch hefyd ffurfio aelwyd estynedig gydag un cartref arall.

Nid yw’r coronafeirws wedi diflannu – drwy weithio gyda'n gilydd gallwn ddiogelu Cymru. pic.twitter.com/uBPbqdodJC

— Llywodraeth Cymru (@LlywodraethCym) April 30, 2021

Y wybodaeth ddiweddaraf am frechu

Mae tua 70% o oedolion yng Ngogledd Cymru bellach wedi derbyn o leiaf un dos o’r brechlyn.

Yr wythnos hon, mae’r bwrdd iechyd yn parhau i frechu pobl 18-49 oed (Grŵp Blaenoriaeth 10), yn ogystal ag eraill oedd yn methu â derbyn eu brechiad pan oedd yn cael ei gynnig iddynt y tro cyntaf.

Apwyntiadau ail ddos

Mae’n bwysig eich bod yn cael y ddau ddos o’r brechlyn er mwyn eich amddiffyn.

Ar hyn o bryd, mae bwlch o un ar ddeg wythnos rhwng y dos cyntaf a’r ail ddos, felly gofynnwn i chi fod yn amyneddgar.

Fodd bynnag, os ydych chi wedi bod yn disgwyl mwy nag un ar ddeg wythnos am eich ail ddos, dylech gysylltu ag:

• Eich meddyg teulu os cawsoch chi eich dos cyntaf mewn meddygfa.
• Y Ganolfan Gyswllt Frechu ar 03000 840004 os cawsoch eich dos cyntaf mewn unrhyw le arall (mae llinellau ar agor o ddydd Llun i ddydd Gwener, 8am tan 6pm a dydd Sadwrn a dydd Sul, 9am tan 1 pm).

Apêl i gyflogwyr

Os ydych chi’n helpu i redeg busnes, gofynnwn i chi fod yn gefnogol i geisiadau gan staff am amser o’r gwaith i fynd i apwyntiadau brechu.

Brechu yw’r ffordd orau i ni allan o’r pandemig, a bydd hefyd yn helpu i leihau unrhyw amser mae staff o’r gwaith yn sâl.

Cwestiynau am y brechlyn?

Os ydych chi’n nerfus ynglŷn â chael eich brechu neu os oes gennych gwestiynau, ymunwch â’r bwrdd iechyd lleol am sesiwn holi ac ateb ar-lein ddydd Mercher, 5 Mai.

Bydd y sesiwn yn cael ei chynnal gan ddefnyddio’r ap cyfarfodydd poblogaidd, Zoom, a bydd yn cael ei chynnal rhwng 6.30pm a 7.30pm.

Ewch i’ch apwyntiad

Os oes gennych chi unrhyw bryderon neu ofidiau munud olaf, gofynnwn i chi fynd i’ch apwyntiad brechu er hynny, fel y gall staff drafod y rhain gyda chi cyn i chi wneud y penderfyniad.

Gallwch ddarllen mwy am y rhaglen frechu yng Ngogledd Cymru ar wefan y bwrdd iechyd lleol.

Y Coronafeirws yn eich ardal chi

Mae Sir Wrecsam yn y trydydd safle trwy Gymru ar hyn o bryd, gyda 22.1 achos fesul 100,000 o bobl dros gyfnod o 7 diwrnod.

Os ydych am weld ffigyrau eich ardal chi, ewch i ddangosfwrdd data Iechyd Cyhoeddus Cymru, a chliciwch ar y tab ‘MSOA’.

Pecynnau hunan-brofi am ddim wedi’u danfon i’ch cartref

Os na allwch chi weithio gartref, gallwch archebu pecynnau hunan-brofi ‘llif unffordd’ am ddim i gael eu danfon i’ch cartref.

Cymerwch olwg ar wefan Llywodraeth Cymru i gael rhagor o wybodaeth.

Symptomau neu wedi’ch nodi fel ‘cyswllt’?

Os oes gennych chi symptomau’r coronafeirws – neu os ydych wedi’ch nodi’n ‘gyswllt’ gan y gwasanaeth Monitro, Olrhain a Diogelu – gofalwch eich bod yn hunanynysu ac yn cael prawf ‘PCR’.

Efallai mai dyma fydd y peth pwysicaf a wnewch chi byth.

Darllenwch fwy ar wefan Llywodraeth Cymru.

Ffynonellau gwybodaeth defnyddiol

  • Gwefan Bwrdd Iechyd Prifysgol Betsi Cadwaladr – y wybodaeth ddiweddaraf ynglŷn â brechu (Gogledd Cymru)
  • Gwefan Llywodraeth Cymru – cwestiynau cyffredin ynglŷn â chyfyngiadau yng Nghymru ar hyn o bryd
  • Gwefan Iechyd Cyhoeddus Cymru – datganiadau rheolaidd

???? Mae’r cyfyngiadau yng Nghymru’n llacio’n raddol. Gwnewch yn siŵr eich bod yn deall beth gewch chi ei wneud a beth na chewch chi ei wneud.????

Y RHEOLAU COVID DIWEDDARAF

Rhannu
Erthygl flaenorol Census 2021 Myfyrwyr yn cael eu hannog i gwblhau’r cyfrifiad ar gyfer eu llety yn ystod y tymor nawr
Erthygl nesaf Refugee Support Mae’r Groes Goch Brydeinig yn chwilio am ddau Weithiwr Cefnogi Ffoaduriaid

Cysylltu

590 Dilynwyr Hoffi
1k Dilynwyr Dilyn
500 Dilynwyr Dilyn
- Cofrestru -
Ad image

Y newyddion diweddaraf

CYFLWYNO CORON A CHADAIR EISTEDDFOD GENEDLAETHOL WRECSAM
CYFLWYNO CORON A CHADAIR EISTEDDFOD GENEDLAETHOL WRECSAM
Digwyddiadau Pobl a lle Mehefin 18, 2025
Adfywio treftadaeth barhaus yn cefnogi adeiladau allweddol yn Ardal Gadwraeth Wrecsam
Adfywio treftadaeth barhaus yn cefnogi adeiladau allweddol yn Ardal Gadwraeth Wrecsam
Pobl a lle Y cyngor Mehefin 17, 2025
Gwersyllt Community Resource Centre
Canolfan Adnoddau Cymunedol Gwersyllt – cau am bythefnos
Pobl a lle Y cyngor Mehefin 16, 2025
Alwen Williams has been appointed as Chief Executive of the North Wales Corporate Joint Committee (CJC) – known as Ambition North Wales.
Uchelgais Gogledd Cymru yn penodi Prif Weithredwr
Arall Busnes ac addysg Mehefin 16, 2025

Efallai yr hoffech weld y rhain hefyd

Adfywio treftadaeth barhaus yn cefnogi adeiladau allweddol yn Ardal Gadwraeth Wrecsam
Pobl a lleY cyngor

Adfywio treftadaeth barhaus yn cefnogi adeiladau allweddol yn Ardal Gadwraeth Wrecsam

Mehefin 17, 2025
Gwersyllt Community Resource Centre
Pobl a lleY cyngor

Canolfan Adnoddau Cymunedol Gwersyllt – cau am bythefnos

Mehefin 16, 2025
Alwen Williams has been appointed as Chief Executive of the North Wales Corporate Joint Committee (CJC) – known as Ambition North Wales.
ArallBusnes ac addysg

Uchelgais Gogledd Cymru yn penodi Prif Weithredwr

Mehefin 16, 2025
'Cyfnod cyffrous i'r ddinas' wrth i atyniad ymwelwyr cenedlaethol newydd sbon Wrecsam gymryd siâp
ArallPobl a lle

‘Cyfnod cyffrous i’r ddinas’ wrth i atyniad ymwelwyr cenedlaethol newydd sbon Wrecsam gymryd siâp

Mehefin 12, 2025
Wrexham County Borough Council
//

Mae Newyddion y Cyngor yn darparu’r holl newyddion diweddaraf gan Gyngor Bwrdeistref Sirol Wrecsam.

Dolenni cyflym

  • Rhestr ddarllen
  • Fy Niweddariadau
  • Cysylltwch â’r cyngor
  • Polisi preifatrwydd

Prif storiau

Tanysgrifiwch i’n bwletin newyddion a chael y newyddion a’r wybodaeth ddiweddaraf gan Gyngor Wrecsam.

Newyddion Cyngor Wrecsam
Dilynwch NI

© 2023 Cyngor Bwrdeistref Sirol Wrecsam

Wedi’i dynnu oddi ar y rhestr ddarllen.

Undo
Wrexham Council News
Welcome back!

Sign in to your account

Lost your password?
  • Cymraeg
  • English