Beth mae heneiddio’n dda yn ei olygu i chi?”
Bod yn hapus? Yn Iach? Bod â pherthnasoedd ystyrlon? Bod â phwrpas?
Gall olygu gwahanol bethau i wahanol bobl ac nid oes dull cyffredin i bawb o’i sicrhau.
Dewch draw i Tŷ Pawb ar 26 Mehefin, 12-2pm, i gael gwybod pa wasanaethau sydd ar gael yn Wrecsam i bobl 50 oed a hŷn.
Bydd dros 15 o asiantaethau yn cael eu cynrychioli i wneud yn siŵr bod gennych bopeth sydd ei angen arnoch i wneud y newidiadau a’r penderfyniadau cywir i chi.
Byddwch yn gallu clywed mwy am Freedom Leisure, iechyd galwedigaethol, cymorth gyda’r clyw a’r golwg, atal cwympiadau, iechyd esgyrn a thlodi/costau byw bwyd ymhlith llawer o bethau eraill.
Dywedodd y Cynghorydd John Pritchard, aelod arweiniol dros ofal cymdeithasol i oedolion: “Mae’r digwyddiad hwn yn gyfle gwych i siarad ag ystod eang o weithwyr proffesiynol a sefydliadau i glywed mwy am sut y gallwch gynnal eich iechyd a’ch lles wrth i chi heneiddio. Rwy’n annog unrhyw un dros 50, neu sydd â theulu a ffrindiau dros 50, i ddod draw i gael gwybod mwy.”
Mae’r digwyddiad am ddim ac nid oes angen cadw lle.
Derbyniwch y newyddion a’r wybodaeth ddiweddaraf yn syth i’ch mewnflwch.
