Bydd Tŷ Pawb yn cynnal carnifal dau ddiwrnod AM DDIM o gerddoriaeth fyw, perfformiadau, gweithdai a gweithgareddau i bob oed dros benwythnos Gŵyl y Banc mis Awst!
Mae’r digwyddiadau’n rhan o WREXFEST eleni – gŵyl drefol amlddiwylliannol sy’n pontio’r cenedlaethau a gynhelir mewn sawl lleoliad ar draws canol y ddinas sy’n cynnwys dros 100 o berfformwyr o bob rhan o’r byd yn ogystal â gweithgareddau a gweithdai am ddim i blant.
Blwyddyn orau erioed ar gyfer digwyddiadau cymunedol
Dywedodd trefnydd yr ŵyl, Brendan Griffiths: “Mae Tŷ Pawb yn lleoliad anhygoel ac yn ganolbwynt cymunedol hanfodol ac mae digwyddiad fel WREXFEST yn dangos ei bwysigrwydd yn ein cymuned.
“Mae gennym ni bum artist rhyngwladol enfawr ar y brig: Dub Pistols, Alabama 3, DJ Format, Band Pres Bollywood, Akram Abdulfattah ac fe wnaethom y penderfyniad i wneud dau o’r digwyddiadau matinee rhad ac am ddim hynny yn Tŷ Pawb i anfon y neges bod WREXFEST ar gyfer pawb mewn gwirionedd. .
- Cofrestru -
“Mae’r gefnogaeth rydyn ni wedi’i chael gan leoliadau eraill wedi bod yn anhygoel; mae pawb o The Rockin’ Chair i Farchnadoedd Wrecsam wedi ymuno; rydym wedi cael y flwyddyn orau erioed ar gyfer digwyddiadau cymunedol ac mae Wrecsam yn prysur ennill ei lle fel gwir ddinas diwylliant flaenllaw”.
“Diolch yn fawr i Gyngor Celfyddydau Cymru, Tŷ Cerdd, Race Council Cymru, Cyngor Bwrdeistref Sirol Wrecsam a Chronfa Ffyniant Gyffredin Llywodraeth y DU am gefnogi’r digwyddiad hwn.”
Dywedodd y Cynghorydd Hugh Jones, yr Aelod Arweiniol â chyfrifoldeb dros Tŷ Pawb: “Bydd WREXFEST eleni yn gyfle gwych i weld Wrecsam a Tŷ Pawb ar eu gorau. Cymunedau yn dod at ei gilydd ar gyfer dathliad o gerddoriaeth a pherfformiad o bob rhan o’r byd a fydd yn diddanu pob oed. Rwy’n siŵr, fel gyda blynyddoedd blaenorol, y bydd yr awyrgylch yn Nhŷ Pawb y penwythnos hwn yn rhywbeth arbennig iawn.
“Yn ogystal â’r ŵyl, bydd yr oriel, y marchnadoedd a’r cwrt bwyd ar agor fel arfer, gan ei wneud yn ddiwrnod allan gwych i bawb, i gyd o dan yr un to.”
Beth sydd ymlaen yn Tŷ Pawb
Dyma’ch canllaw llawn ar gyfer digwyddiadau AM DDIM yn ystod y dydd yn Tŷ Pawb (dydd Gwener a dydd Sadwrn).
Sylwer: Nid oes angen archebu lle ar gyfer y digwyddiadau a restrir isod, fodd bynnag bydd digwyddiadau WREXFEST eraill sy’n cael eu cynnal ar draws canol y ddinas y penwythnos hwn (gan gynnwys perfformiadau nos yn Tŷ Pawb) angen band arddwrn/tocyn yr ŵyl i gael mynediad. Ewch i wefan WREXFEST am fanylion llawn.
Dydd Gwener
12pm – 6pm Cerddoriaeth fyw
Andy Hickie
Sue Denim
Bollywood Brass Band
2pm-3pm
Gweithdy Dawns Bollywood Brass Band
AM DDIM! Croeso i bob oed.
3pm-4pm
Gweithdy Drymio Bollywood Brass Band
AM DDIM! Croeso i bob oed
Dydd Sadwrn
12pm-6pm
Gweithgareddau Celf a Chrefft i’r Teulu Galw Heibio AM DDIM gyda Cyswllt Crefftau Wrecsam / Craft Connect Wrecsam
12pm-6pm
Cerddoriaeth fyw:
Rebecca-Royal International
One Kabria
Barry Welsh
Terry Allen
Achille Jones
Emma Wharton
Patchwork Man
Andy Bellis Music
Panedeni (Gofod Perfformio)
Igloo hearts
Akram Abdulfattah Official (Gofod Perfformio)
