Mae hi’n amser hynny o’r flwyddyn eto… gall breswylwyr dalu am gasgliad o’u gwastraff gardd o fis Medi 2023 tan Awst 2024.
Mae adnewyddu ar gyfer y flwyddyn gwasanaeth nesaf ar agor, ewch i wrexham.gov.uk/gwastraffgardd i wneud eich taliadau ar-lein. Dyma’r ffordd fwyaf cyflym a hawdd i dalu, ac rydych chi’n cael gwneud hynny ar adeg sy’n gyfleus i chi. Sicrhewch eich bod wedi cofrestru mewn digon o amser i osgoi methu unrhyw gasgliadau pan fydd y gwasanaeth yn dechrau ym mis Medi.
Mae’r ffi ar gyfer 2023/24 yn £35 am bob bin gwyrdd y flwyddyn, ac mae’r gwasanaeth yn rhedeg o ddydd Llun, 4 Medi, 2023 tan ddydd Gwener, 30 Awst, 2024. Fe fyddwn ni’n parhau i adolygu’r gwasanaeth yn y dyfodol.
Os oeddech wedi talu ar gyfer casglu gwastraff gardd y llynedd (2022/23), bydd eich bin/biniau gwyrdd yn parhau i gael eu casglu tan 1 Medi.
Meddai’r Cynghorydd Hugh Jones, Aelod Arweiniol yr Amgylchedd, “Roedd yn benderfyniad anodd ei wneud ond rydym yn cynyddu ffi casglu gwastraff gardd i £35 i bob bin gwyrdd ar gyfer y flwyddyn wasanaeth nesaf. Roeddem wedi gobeithio gallu rhewi ffi’r gwasanaeth am flwyddyn arall, ond yn anffodus ni fydd hyn yn bosibl. Mae’r cynnydd yn angenrheidiol i’n caniatáu i ddarparu’r gwasanaeth ac i ddiogelu ein gwasanaethau allweddol rheng flaen. Rydym wedi ymrwymo i gadw’r ffi mor isel â phosib a bydd y ffi o £30 yn ein lleoli fel un o’r isaf os ydym yn cymharu gydag awdurdodau lleol eraill yng Nghymru a Lloegr.”
Talwch ar-lein ble’n bosibl
Y ffordd orau o dalu am y gwasanaeth yw trwy fynd i wrecsam.gov.uk/gwastraffgardd.
Os oes unrhyw breswylwyr a fyddai’n hoffi cael cefnogaeth i wneud taliad ar-lein, yna gallant fynd i Galw Wrecsam yn Llyfrgell Wrecsam, neu gallwch alw heibio eich swyddfa ystâd tai lleol. Rhowch wybod i’n staff eich bod eisiau talu am eich casgliadau gwastraff gwyrdd a byddant yn gallu eich helpu drwy’r broses.
Mae’n rhaid i chi gael cyfeiriad e-bost i adnewyddu ar-lein. Os nad oes gennych un, gallwch ffonio’r Gwasanaethau Stryd ar 01978 298989 i wneud taliad â cherdyn.
Sticeri newydd ar gyfer 2023/24
Bydd pawb sydd yn cofrestru yn cael pecyn sticer gyda sticer newydd lliw coch golau, a dylid arddangos y rhain ar gaead eich bin o fis Medi ymlaen.
Gofynnwn i breswylwyr i BEIDIO â rhoi eu sticer newydd ar gaead eu bin nes bod y gwasanaeth newydd yn cychwyn ym mis Medi. Daliwch i arddangos sticeri 2022/23 tan 1 Medi ac (os yw’n bosibl) ei dynnu cyn i chi roi’r sticer newydd.
Dim taliadau arian parod na sieciau
Yn y blynyddoedd diwethaf, cawsom nifer o gwsmeriaid a geisiodd dalu am y gwasanaeth drwy anfon arian parod neu sieciau atom. Mae’n rhaid i ni bwysleisio nad oes modd i ni dderbyn y math yma o daliadau.
Nid wyf eisiau adnewyddu’r gwasanaeth – a wnewch chi gael gwared ar fy min gwastraff gardd?
Gellir cael gwared ar unrhyw finiau gwastraff gardd ddiangen os gofynnwch chi. Ar ôl gofyn am gael gwared â’r bin, gall gymryd nifer o wythnosau i’r bin gael ei gasglu. Yn y cyfamser, gwnewch yn siŵr bod eich bin yn parhau i fod yn wag, yn hygyrch, ond heb ei adael allan gan achosi rhwystr.
Efallai y byddai’n werth cadw gafael ar eich hen fin gwastraff gardd am y tro oherwydd, os ceir gwared ar eich bin gwastraff gardd a’ch bod chi’n newid eich meddwl yn y dyfodol, codir tâl am un newydd.
Beth allai ei wneud gyda fy ngwastraff gardd os nad ydw i eisiau talu am y gwasanaeth casglu?
Gallwch fynd â’ch gwastraff gardd i un o’n canolfannau ailgylchu gwastraff y cartref (yn rhad ac am ddim). Fel arall, fe allech gompostio’r gwastraff gardd gartref. Ewch i ganllaw ‘Sut i sefydlu compostio gartref’ Cymru yn Ailgylchu sydd gyda gwybodaeth ddefnyddiol.
I gael rhagor o wybodaeth ewch i www.wrexham.gov.uk/gwstraffgardd
Pryd mae fy miniau’n cael eu casglu? Gwiriwch ddiwrnod casglu eich bin a chofrestrwch i gael nodiadau atgoffa
