Mae RPM Fitness, dan arweiniad y cyd-sylfaenwyr Gavin a Jon, yn gampfa sy’n canolbwyntio ar gryfder a chyflyru. Maen nhw’n croesawu pobl o bob gallu ac yn parhau i dyfu ei gynnig yn y gymuned leol.
Mae’r gampfa yn adnabyddus am ddarparu hyfforddiant o ansawdd uchel mewn amgylchedd cefnogol, cymunedol, gan weithio gyda phawb o ddechreuwyr llwyr i athletwyr profiadol.
Trwy hyfforddiant personol i grwpiau bach, hyfforddiant un-i-un a rhaglenni wedi’u teilwra, mae RPM Fitness yn cefnogi aelodau i adeiladu cryfder, gwella ffitrwydd a datblygu arferion iach cynaliadwy, hirdymor. Mae ei ddull yn canolbwyntio nid yn unig ar berfformiad corfforol, ond hefyd ar hyder, cysondeb a lles cyffredinol.
Ochr yn ochr â’i wasanaethau hyfforddi craidd, mae RPM Fitness yn ehangu ei gynnig cymorth i bobl ifanc. Mae’r gwaith hwn yn canolbwyntio ar greu amgylchedd cadarnhaol â strwythur lle gall pobl ifanc feithrin hyder, datblygu disgyblaeth a gwella lles corfforol a meddyliol trwy hyfforddiant a mentora rheolaidd. Nod y rhaglen yw cefnogi canlyniadau cryfach y tu mewn a’r tu allan i’r gampfa, gan helpu pobl ifanc i ddatblygu sgiliau a gwydnwch sy’n fanteisiol iddyn nhw yn eu bywydau bob dydd.
Mae’r busnes wedi cael cymorth gan y Tîm Busnes a Buddsoddi yng Nghyngor Bwrdeistref Sirol Wrecsam, sydd wedi gweithio’n agos gyda RPM Fitness i gefnogi ei gynlluniau twf a helpu i gryfhau ei gyfraniad at iechyd, lles a datblygiad cymunedol lleol.
Dywedodd Nigel Williams, yr Aelod Arweiniol ar gyfer yr Economi, Busnes a Thwristiaeth yng Nghyngor Bwrdeistref Sirol Wrecsam:“Roedd yn wych ymweld â Gavin a Jon yn eu Campfa a gweld sut mae tîm busnes CBSW wedi helpu a’u cefnogi i symud yn llwyddiannus i’w huned newydd yn Pandy. “Rydw i’n siŵr y byddan nhw’n parhau i dyfu o nerth i nerth yn y dyfodol.”
