Rydym wedi derbyn adroddiadau newydd o bobl yn derbyn negeseuon testun neu alwadau ffôn sy’n cynnig ad-daliad iddynt ar Dreth y Cyngor.
“Twyll ydi’r rhain!”
Maent yn ffurfiau cyffredin o dwyll ac mae’n rhaid i ni bwysleisio eto nad yw’r negeseuon testun na’r galwadau ffôn yn wir.
Rydym yn gwybod bod unrhyw beth sy’n dweud ei bod yn bosib eich bod wedi talu gormod o Dreth y Cyngor yn gallu ymddangos yn atyniadol, a gall fod yn demtasiwn i ddilyn negeseuon o’r fath neu roi gwybodaeth dros y ffôn.
Fe wnaeth aelod o’r cyhoedd glicio ar y ddolen o fewn y neges destun ac fe gawsant eu cyfeirio at beth oedd yn ymddangos fel gwefan Cyngor Wrecsam. Yna gofynnwyd am eu manylion banc.
Yn syml – nid ydym yn anfon negeseuon testun nac yn gwneud galwadau ffôn i drigolion am Dreth y Cyngor.
Felly, gallwch fod yn sicr bod unrhyw neges destun neu alwad ffôn sy’n dweud wrthych eich bod wedi talu gormod o Dreth y Cyngor yn amheus.
Fel gydag unrhyw dwyll, dylech ystyried ambell reol syml –
Peidiwch â chlicio ar unrhyw ddolenni, peidiwch byth â rhoi unrhyw fanylion – fel cyfrineiriau neu rif cyfrif banc – a chofiwch fod gennych hawl i anwybyddu unrhyw negeseuon amheus. Os cysylltir â chi dros y ffôn peidiwch â rhoi na chadarnhau unrhyw fanylion. Yn hytrach na hynny dywedwch wrthynt y byddwch yn ffonio rhif y llinell gymorth isod i wirio’r manylion.
Ond beth os byddaf yn meddwl fy mod mewn credyd?
Os ydych yn meddwl eich bod mewn credyd gyda’ch cyfrif Treth y Cyngor, yna mae yna ffordd syml iawn i gael gwybod.
Ffoniwch ein llinell gymorth ariannol ar 01978 298992 neu e-bostiwch counciltax@wrexham.gov.uk
Fe fyddant yn hapus iawn i wirio eich cyfrif a rhoi unrhyw gymorth rydych ei angen.
Arhoswch yn ddiogel a byddwch yn ymwybodol o dwyll.
Derbyniwch y wybodaeth ddiweddaraf o ran graeanu yn syth i’ch mewnflwch
[button color=”” size=”large” type=”square_outlined” target=”new” link=” https://public.govdelivery.com/accounts/UKWCBC_CY/subscriber/new”] COFRESTRWCH FI RŴAN [/button]
