Mae Wrecsam yn paratoi i ddathlu Dydd Gŵyl Dewi gyda diwrnod llawn gweithgareddau ar draws canol y ddinas, gyda’r Orymdaith Dydd Gŵyl Dewi flynyddol yn rhan flaenllaw o raglen ehangach o gerddoriaeth, marchnadoedd, bwyd, crefftau a digwyddiadau diwylliannol.
Yr Orymdaith Dydd Gŵyl Dewi Flynyddol
Bydd yr Orymdaith Dydd Gŵyl Dewi flynyddol yn cychwyn am 1.00pm, gan ddod â lliw, cerddoriaeth ac ysbryd cymunedol i strydoedd Wrecsam.
Bydd y rhai sy’n cymryd rhan yn yr orymdaith yn ymgynnull o 12.45pm y tu allan i Neuadd y Dref cyn mynd ar hyd llwybr o amgylch canol y ddinas. Mae grwpiau cymunedol, sefydliadau a thrigolion i gyd yn cael eu hannog i gymryd rhan neu ddod draw i ddangos eu cefnogaeth ar hyd y ffordd.
Marchnad Stryd Dydd Gŵyl Dewi
Bydd fersiwn arbennig o Farchnad Stryd Fisol Wrecsam yn cael ei chynnal i ddathlu Dydd Gŵyl Dewi ar Sgwâr y Frenhines rhwng 10.00am a 5.00pm.
Gall ymwelwyr bori drwy gymysgedd o fasnachwyr annibynnol, cynnyrch lleol a bwyd stryd, gan ei gwneud yn lle hawdd i stopio cyn yr orymdaith, rhwng gweithgareddau, neu yn hwyrach yn y prynhawn.
Wrexfiesta
Bydd Sgwâr y Frenhines hefyd yn cynnal Wrexfiesta, cydweithrediad rhwng Wrexfest ac Afro Fiesta, gan ddod â cherddoriaeth fyw a setiau DJ i ganol y dathliadau.
Perfformiadau byw ar Sgwâr y Frenhines:
Rebecca Royal: 11-11.40am
The Scene: 12-12.40pm
Panedeni: 2-2.40pm
Eve Goodman: 2.45-3.15pm
Morgan Elwy: 3.30-4.15pm
Bydd DJs Afro Fiesta yn chwarae trwy gydol y dydd, gan gadw’r egni i fynd a rhoi digon o resymau i bobl aros a mwynhau’r awyrgylch.
Gwasanaeth Dewi Sant a Chanu’r Gloch yn Eglwys San Silyn
Draw yn Eglwys San Silyn, cynhelir gwasanaeth Dydd Gŵyl Dewi am 11.00am.
Ar ôl y gwasanaeth, bydd clychau’r eglwys yn canu am 12.40pm, gan gynnig achlysur traddodiadol sy’n helpu i ddod â’r ddinas at ei gilydd ychydig cyn i’r orymdaith ymgynnull.
Tŷ Pawb
Bydd Tŷ Pawb yn nodi Dydd Gŵyl Dewi gyda gweithgareddau galw heibio rhwng 11.00am a 4.00pm, gan gynnwys crefftau a cherddoriaeth fyw. Mae’n ofod hamddenol, addas i deuluoedd lle mae croeso i bobl o bob oed.
Chapter Court
Bydd Chapter Court yn dathlu rhwng 10.00am a 4.00pm gyda rhaglen sy’n cynnwys sesiynau blasu bwyd Cymreig, dosbarthiadau coginio a mwy.
Rhan o Flwyddyn o Ryfeddod Wrecsam, ac edrych tuag at 2029
Mae ein dathliadau Dydd Gŵyl Dewi yn un o nifer o ddigwyddiadau sy’n cael eu cynnal fel rhan o Flwyddyn o Ryfeddod Wrecsam. Drwy gydol y flwyddyn, bydd eu rhaglen yn tynnu sylw at y straeon, y creadigrwydd a’r diwydiannau sydd wedi siapio Wrecsam dros amser, a’r bobl a’r sefydliadau sy’n ei gyrru ymlaen heddiw.
Mae’r dathliadau hyn hefyd yn cefnogi cais Wrecsam i ddod yn Ddinas Diwylliant y DU 2029, gan ddangos sut mae’r ddinas yn hyrwyddo achlysuron diwylliannol mawr fel Dydd Gŵyl Dewi i ddod â chymunedau at ei gilydd, cefnogi talent a busnesau lleol, a chroesawu ymwelwyr i ganol y ddinas.
