Bydd y Gwasanaeth Coffa yn arbennig iawn eleni gan y byddwn yn coffáu 100 mlynedd ers diwedd y Rhyfel Byd Cyntaf.
Cynhelir y Gwasanaeth ger Cofeb y Ffiwsilwyr Brenhinol Cymreig ym Modhyfryd ddydd Sul, 11 Tachwedd am 10.55am.
Am 10.59 bydd y biwglwr yn canu’r “Caniad Olaf” a chynhelir dau funud o dawelwch.
Estynnir gwahoddiad i chi ddod i’r digwyddiad teimladwy hwn i gofio’r rhai hynny a frwydrodd ac a fu farw yn ystod y Rhyfel Byd Cyntaf, yr Ail Ryfel Byd, a’r holl ryfeloedd sydd wedi rhygnu ymlaen ers hynny.
Mae’r Gorchymyn Gwasanaeth ar gael i’w lawrlwytho yma, a bydd copïau ar gael ar y diwrnod hefyd.
Dylai aelodau o’r cyhoedd nodi y bydd ffensys yn cael eu gosod am 10.30am yn y lleoliadau canlynol er mwyn i’r parêd allu parhau yn ddiogel ac i ddiogelu’r ardal:
- Cofrestru -
- Stryt Caer (gerllaw hen dafarn y Feathers)
• Stryt Holt (wrth ymyl tafarn y Welch Fusilier)
• Ffordd Caer (wrth ymyl cylchfan Ffordd Caer/Ffordd Powell)
Bydd mynediad i Faes Parcio Bodhyfryd ger Byd Dŵr, felly, ar gael tan 10.30am.
Bydd cyfleusterau ar gael ar gyfer pobl oedrannus, anabl neu fethedig i ddilyn y gwasanaeth y tu mewn i’r Neuadd Goffa, os dymunent.
[button color=”” size=”large” type=”square_outlined” target=”new” link=”https://news.wrexham.gov.uk/wp-content/uploads/2018/11/Remembrance-Day-Order-of-Service-2018.pdf”]LAWRLWYTHO’R GORCHYMYN GWASANAETH[/button]
