Ers cael ei lansio yn ystod hydref y llynedd, mae Cynllun Ar-lein Llysgenhadon Twristiaeth Wrecsam bellach wedi casglu dros 200 o unigolion o amgylch Wrecsam, a chyn belled â’r Unol Daleithiau, fel llysgenhadon swyddogol!
Mae myfyrwyr sy’n astudio twristiaeth a lletygarwch yng Ngholeg Cambria hefyd wedi cwblhau’r modiwlau ar-lein fel rhan o’u rhaglenni dysgu, ac ers y Nadolig, mae dros 30 o fyfyrwyr a thiwtoriaid bellach yn llysgenhadon swyddogol.
Cynhelir cynllun Llysgenhadon Twristiaeth Wrecsam ar-lein ac mae wedi’i gynllunio’n bennaf i gefnogi’r rhai sy’n gweithio yn y diwydiant lletygarwch lleol i ddysgu mwy am y maes y maent yn gweithio ynddo, fel y gallant rannu’r wybodaeth â’r ymwelwyr maent yn ymgysylltu â nhw. Yn ei dro, mae’r cwrs rhad ac am ddim hefyd ar gael i unrhyw aelod o’r cyhoedd sydd â diddordeb yn Wrecsam ac mae wedi ennyn diddordeb ledled y byd!
Cyflwynwyd tystysgrifau i’r myfyrwyr llwyddiannus gan Faer Wrecsam, y Cynghorydd Andy Williams ym Masn Trefor, wrth ymyl Dyfrbont Pontcysyllte.
- Cofrestru -
Angharad Jarvis represents Coleg Cambria on the Wrexham Tourism Partnership and supported the launch of the ambassador scheme last year. She said; “It’s been a fantastic scheme to date and although I’ve lived and worked in Wrexham all my life, I’ve learnt a lot of information about the wider area that we’ve been able to pass onto our learners. In turn, many learners have embraced the modules and the knowledge they’ve gained has started to help shape their wider knowledge of Wrexham which will help them in their careers after college”.
Mae Angharad Jarvis yn cynrychioli Coleg Cambria ar Bartneriaeth Twristiaeth Wrecsam a bu iddi gefnogi lansiad y cynllun llysgenhadon y llynedd. Meddai; “Mae wedi bod yn gynllun gwych hyd yma ac er fy mod wedi byw a gweithio yn Wrescam drwy gydol fy mywyd, rwyf wedi dysgu llawer am yr ardal ehangach ac rydym wedi gallu rhannu’r wybodaeth hon gyda’n dysgwyr. Yn eu tro, mae nifer o fyfyrwyr wedi elwa o’r modiwlau ac mae’r hyn y maent wedi’i ddysgu wedi dechrau helpu i lywio’u gwybodaeth ehangach am Wrecsam, a fydd yn eu helpu yn eu gyrfaoedd yn dilyn eu cyfnod yn y coleg.”
Sut i ddod yn Llysgennad Twristiaeth
Er mwyn dod yn llysgennad, mae angen i gyfranogwyr gyflawni tri modiwl ‘efydd’ cychwynnol, ac mae modiwlau ‘arian’ ac ‘aur’ dewisol bellach ar gael.
Gwahoddir Llysgenhadon Aur i gyflwyniad blynyddol gan y Maer i ddathlu eu cyflawniadau. Gallwch gofrestru ar gyfer y cwrs rhad ac am ddim yma.
Meddai’r Cynghorydd Andy Williams, Maer Wrecsam, “Roedd hi’n bleser llwyr cwrdd â’r myfyrwyr a dysgu am eu gwaith a’u hymrwymiad i ddod yn llysgennad twristiaeth. Mewn gwirionedd, os ydym ni am barhau i symud ymlaen fel cyrchfan dwristiaeth gystadleuol, angerdd a sgiliau’r dysgwyr hyn fydd dyfodol ein diwydiant twristiaeth – felly hoffwn eu llongyfarch am gyflawni hyn!”
Fe atgoffir busnesau hefyd bod modd iddynt hwythau ddod yn ‘Fusnesau sy’n Llysgenhadon Swyddogol ar gyfer Wrecsam’ drwy helpu mwy na 50% o’u gweithlu i gyflawni tystysgrif efydd.
Derbyniwch y newyddion a’r wybodaeth ddiweddaraf yn syth i’ch mewnflwch.
Efallai yr hoffech hefyd ddarllen Mwy na 70 o fusnesau yn nigwyddiad brecwast diweddaraf Cynghrair Merswy a’r Ddyfrdwy
