Roedd Freedom Leisure, un o brif ymddiriedolaethau hamdden elusennol nid-er-elw y DU, sy’n rheoli dros 120 o leoliadau hamdden a diwylliannol ar ran partneriaid cleient ledled Cymru a Lloegr, wrth eu bodd o groesawu’r Farwnes Tanni Grey-Thompson DBE i’w Gynhadledd Genedlaethol yn ddiweddar, ble wnaeth Wrecsam gipio dwy wobr fawreddog!
Un o uchafbwyntiau’r digwyddiad oedd cydnabyddiaeth a dathliad o gydweithwyr am eu cyfraniadau a chyflawniadau pwysig. Anrhydeddodd Freedom Leisure y timau hyn am eu hymroddiad, creadigrwydd ac ymrwymiad diwyro wrth wasanaethu eu cymunedau drwy ddarparu gwasanaeth cwsmeriaid rhagorol, gwerth cymdeithasol a gwasanaethau hamdden a diwylliannol o ansawdd.
Gwnaeth ardal Wrecsam ddal gafael ar ei choron “Partneriaeth y Flwyddyn” sy’n cynnwys y Byd Dŵr, Canolfan Hamdden a Gweithgareddau Gwyn Evans, Canolfan Hamdden a Gweithgareddau y Waun, a Stadiwm Queensway. Hefyd, cipiodd Gwyn Evans yr acolâd o’r “Ganolfan Sydd Wedi Gwella Fwyaf” yng Nghymru a Gogledd Lloegr.
Dywedodd Andy Harris, Rheolwr Rhanbarthol dros Gymru a Gogledd Lloegr: “Rydym ni wrth ein boddau o dderbyn y gwobrau hyn ar ran Freedom Leisure. Gwnaeth partneriaeth Freedom Leisure Wrecsam gyda Chyngor Bwrdeistref Sirol Wrecsam ddechrau yn 2016, ac mae cyfranogiad blynyddol ar draws ein canolfannau hamdden yn Wrecsam wedi cynyddu gan 25%, gyda thros 1 miliwn o ymweliadau y llynedd. Rydym ni’n hynod o falch o’r gwasanaeth Iechyd a Llesiant yr ydym yn ei gynnig, sydd wedi cael ei gefnogi drwy raglenni buddsoddi cyfalaf helaeth, gyda chanolbwynt clir bod ein cydweithwyr yn darparu gwasanaeth cwsmeriaid o ansawdd.
Dywedodd y Farwnes Tanni Grey-Thompson, sef y prif siaradwr a chyflwynydd y gwobrau:
“Noson fendigedig o ddathlu. Mae’r sector yn gwneud pethau mor gadarnhaol i fywydau pobl. Mae ysbryd tîm grêt i’w weld yn disgleirio drwodd.”
Dywedodd Ivan Horsfall Turner, Prif Swyddog Gweithredol Freedom Leisure
Y canlynol am y digwyddiad: “Rydym ni’n hynod o falch o’r gwaith anhygoel y mae ein timau o gydweithwyr yn ei wneud o ddydd i ddydd i hyrwyddo iechyd a llesiant oddi fewn i’r cymunedau yr ydym yn eu gwasanaethu.
Mae’r Gynhadledd Genedlaethol yn rhoi cyfle i ni ddod at ein gilydd, dathlu ein llwyddiannau ac archwilio llwybrau newydd i gyfoethogi bywydau unigolion a theuluoedd ymhellach a llunio llwybr at ddyfodol hyd yn oed gwell wrth faethu iechyd a llesiant cymunedol.
Derbyniwch y newyddion a’r wybodaeth ddiweddaraf yn syth i’ch mewnflwch
Efallai yr hoffech hefyd ddarllen Canolfannau Hamdden Freedom Leisure yng Nghymru yn Cymryd Camau Breision Tuag Effeithlonrwydd Ynni Gwell
