Mae yna gyfle olaf i gefnogi ein lluoedd arfog eleni pan fydd y Cymry Brenhinol, y Cymdeithion a’r Cadetiaid yn arfer eu hawl i Ryddid Wrecsam trwy orymdeithio trwy’r strydoedd gyda bidogau wedi’u gosod a Lliwiau yn chwifio ar 3 Medi 2022.
Derbyniwch newyddion a gwybodaeth gan eich cyngor lleol – cofrestrwch i dderbyn bwletinau ar ffurf e-bost.
Ar gyfer Ailddatganiad Rhyddid y Fwrdeistref, bydd y parêd yn ffurfio ar lawnt Llwyn Isaf ac ar ôl ymchwiliad byddant yn gorymdeithio trwy Wrecsam ar hyd y llwybr canlynol:
- Ffurfio ar lawnt Llwyn Isaf
- Sgwâr y Frenhines
- Stryt Argyle
- Stryt yr Hôb
- Stryd Fawr
- Ffordd Caer
- Senotaff y Ffiwsilwyr Brenhinol Cymreig lle cynhelir gwasanaeth coffa byr.
Bydd y gweithgareddau’n dechrau am 10.40 ar lawnt Llwyn Isaf lle bydd y Maer, y Cynghorydd Brian Cameron a’r Uwchfrigadydd Chris Barry yn archwilio’r milwyr. Bydd y saliwtio yn digwydd ar Stryt Caer.
Bydd yr orymdaith yn gadael Llwyn Isaf am 11.25 ac yn cyrraedd y Senotaff am 12.10.
Dywedodd y Maer Brian Cameron, “Unwaith eto, bydd yn fraint cael croesawu’r Cymry Brenhinol ar gyfer eu gorymdaith ailddatganiad ac rwy’n edrych ymlaen at fod yn rhan o’r digwyddiad hwn. Mae gan y Cymry Brenhinol le arbennig yn ein calonnau ac rwy’n siŵr y bydd y strydoedd yn llawn dop o bobl sydd eisiau dangos eu cefnogaeth.”
- Cofrestru -
Dywedodd Cefnogwr y Lluoedd Arfog, y Cynghorydd Beverley Parry-Jones, “Nawr, fwy nag erioed, mae angen i ni werthfawrogi faint mae ein Lluoedd Arfog yn ei aberthu i sicrhau bod ein rhyddid a’n hawliau yn cael eu diogelu. Weithiau mae hyn yn golygu gwneud yr aberth mwyaf. Rwy’n edrych ymlaen at ddangos fy ngwerthfawrogiad ar 3 Medi.”
Cafodd y Cymry Brenhinol y fraint o gael Rhyddid Wrecsam yn 2008 a bu iddynt arfer eu hawl i orymdeithio diwethaf yn 2019.
Cymrwch olwg dros ein digwyddiadau yn fis Medi:
Derbyniwch ein prif straeon dros e-bost.
[button color=”” size=”large” type=”square_outlined” target=”new” link=”https://public.govdelivery.com/accounts/UKWCBC_CY/subscriber/new?topic_id=UKWCBC_CY_5″]TANYSGRIFWYCH[/button]
