Ydych chi’n grŵp neu’n sefydliad sy’n darparu cyfleoedd chwarae i blant yn Wrecsam?
Os felly, gallech fod yn gymwys i grant o hyd at £1000!
Mae’r grantiau’n cael eu cynnig i grwpiau a sefydliadau yn Wrecsam diolch i arian gan Lywodraeth Cymru. Y pwrpas yw gwella cyfleoedd i blant (gan gynnwys plant yn eu harddegau) gael chwarae, gyda’r nod o helpu i sicrhau bod cyfleoedd chwarae digonol ar draws y fwrdeistref sirol.
Rhoddir blaenoriaeth ar gyfer y cyllid i brosiectau sy’n dangos dulliau arloesol i wella chwarae, yn arbennig rhai sy’n datblygu ffyrdd i annog a chreu cyfleoedd ar gyfer chwarae yn yr awyr agored, gall hyn gynnwys:
- Arbrofion chwareus
- Tirlunio syml
- Gwella arwyddion
- gostegu traffig
- Digwyddiadau yn y gymuned neu hyfforddiant
Os ydych yn ansicr o beth i wneud cais amdano, cysylltwch ag aelod o staff y Tîm Datblygu Chwarae i drafod syniadau posibl.
Sefydlwyd y rhaglen grantiau tymor byr hon gan fod Llywodraeth Cymru, yn ddiweddar, wedi rhoi cyllid ar gael i gefnogi cyfleoedd chwarae i blant a Dyletswydd Digonolrwydd Chwarae Cymru , yn benodol.
Mae’r rhaglen grantiau’n agored i unrhyw sefydliadau neu grwpiau sy’n gweithio gyda phlant neu’n gweithio i’w cefnogi a chefnogi eu cyfleoedd i chwarae yn Wrecsam. Gallwch ymgeisio am hyd at £1,000, ond, yn ddibynnu ar y galw am gyllid a chynaliadwyedd y ceisiadau a dderbynnir, fe all Tîm Datblygu Chwarae CBSW benderfynu dyrannu mwy neu lai i brosiectau na’r swm y gofynnwyd amdano’n wreiddiol, lle bo hynny’n briodol.
Dywedodd y Cyng. Andrew Atkinson, Aelod Arweiniol Gwasanaethau Ieuenctid a Gwrth-dlodi: “Dyma gyfle gwych i grwpiau a sefydliadau yn Wrecsam ymgeisio am arian i gefnogi plant a’u cyfleoedd chwarae. Mae chwarae yn gwneud cyfraniad sylweddol i ffitrwydd a lles plant ac mae hwn yn gyfle ardderchog i grwpiau yn Wrecsam.”
O ganlyniad i’r amserlenni byr a’r pwysau i wario’r arian hwn, y dyddiad cau terfynol fydd dydd Gwener, 22 Chwefror 2019. Darllenwch y canllawiau grant cyn gwneud cais.
Y dyddiad cau ar gyfer ceisiadau ysgol meithrin yn 2019 yw Chwefror 22
[button color=”” size=”large” type=”square_outlined” target=”new” link=” https://www.wrexham.gov.uk/welsh/education_w/admissions_nursery.htm”] YMGEISIWCH NAWR [/button]
