Mae rhifyn 2023 o Ŵyl Wyddoniaeth DARGANFOD//DISCOVER bron yma!
Xplore! Mae Canolfan Darganfod Gwyddoniaeth a Tŷ Pawb yn dod at ei gilydd unwaith eto i gynnal gŵyl wyddoniaeth a chelf wych yng nghanol dinas Wrecsam.
Ymunwch â ni ar Awst 5ed a 6ed am strafagansa o ddeinosoriaid, robotiaid, gemau fideo, gofod allanol a llawer mwy yn y canol!
CELFYDDYDAU, MARCHNADOEDD, CYMUNED – COFRESTRWCH I DDERBYN NEWYDDION O TŶ PAWB.
‘Yr ŵyl fwyaf cyffrous rydyn ni erioed wedi’i chynnal’
Diolch i gyllid gan Gyngor Bwrdeistref Sirol Wrecsam, busnes lleol Aparito a grantiau a ddyfarnwyd i Xplore!, mae gan eleni raglen fwy nag erioed o’r blaen. Bydd yr ŵyl ddeuddydd hefyd yn cynnwys gweithdai a sioeau yn amlygu gwyddoniaeth Roald Dahl a byd anhygoel cemeg!
Dywedodd y Cynghorydd Nigel Williams, Aelod Arweiniol yr Economi ac Adfywio “Rydym wrth ein bodd ein bod yn gweithio gydag Xplore! Canolfan Darganfod Gwyddoniaeth unwaith eto i ddod â’r digwyddiad gwych hwn i ganol dinas Wrecsam. Roedd gŵyl y llynedd yn brofiad gwirioneddol lawen ac roedd yn wych gweld cymaint o deuluoedd yn crwydro ein dau leoliad ac yn mwynhau darganfod popeth gwyddoniaeth a chelf. Rydym yn falch iawn o barhau â’n partneriaeth ag Xplore! ac rydym yn edrych ymlaen at groesawu’r ŵyl hon yn ôl i strydoedd Wrecsam wrth iddi barhau i dyfu.”
Dawn Pavey, Swyddog Prosiect yn Xplore! Meddai “Mae DARGANFOD//DISCOVER yn dychwelyd i Wrecsam am y drydedd flwyddyn yn ddatganiad gwych o fuddsoddiad parhaus mewn digwyddiadau yng nghanol dinas Wrecsam.
“Mae’r ŵyl yn rhoi llwyfan i alluogi mwy o bobl i ymgysylltu â Wrecsam, nid yn unig fel cyrchfan i dwristiaid ond i brofi’n uniongyrchol y rhyngweithio cyffrous rhwng gwyddoniaeth, technoleg, peirianneg, mathemateg a’r celfyddydau. Rydyn ni’n edrych ymlaen at groesawu pawb ar gyfer yr ŵyl fwyaf amrywiol a chyffrous rydyn ni erioed wedi’i chynnal!”
Diwrnod allan gwerthfawr i’r teulu – archebwch nawr
Mae nifer o opsiynau tocyn ar gael ar gyfer yr ŵyl gyfan – gan gynnwys tocyn teulu.
Am ragor o wybodaeth am yr ŵyl, gan gynnwys amserlen lawn a thocynnau, ewch i gwefan Tŷ Pawb
Gweler ein tudalen Rhaglen i gael rhagor o wybodaeth am ddigwyddiadau sydd i ddod
