Cyflwynwyd arwyddion meysydd parcio blaenorol yn Wrecsam a’r cyffiniau yn 2013, ac er iddynt ddod yn ôl ar-lein yn 2019, roedd y wybodaeth a gyflwynwyd yn gynnil iawn (Lleoedd / Dim Lleoedd).
Fel rhan o’r prosiect, rydym wedi uwchraddio’r holl arwyddion trydan ynghyd â’r dechnoleg sy’n cyfrif nifer y lleoedd yn ein meysydd parcio, fydd yn caniatáu cyfrif yn gywir a nifer gywir o leoedd yn cael eu harddangos ar yr arwyddion ar gyfer pob maes parcio’r cyngor.
Byddwn nawr hefyd yn gallu diwygio’r arddangosfeydd LED mewn amser real pe bai digwyddiad neu reswm nad yw’r meysydd parcio ar gael. Ein nod yw i’r arwyddion fod yn gwbl weithredol yn yr wythnosau nesaf.
Fel rhan o’r prosiect hwn, rydym hefyd wedi uwchraddio’r holl beiriannau talu ac arddangos yn ein meysydd parcio. Mae gan y rhain sgriniau cyffwrdd ar gyfer trafodion y gallwn eu defnyddio ar gyfer arddangos gwybodaeth hefyd pan fyddant yn segur, fel hyrwyddo digwyddiadau a gweithgareddau lleol. Mae’r rhain i gyd wedi’u gosod ac yn weithredol.
Dywedodd arweinydd Cyngor Wrecsam, y Cynghorydd Mark Pritchard: “Mae’r gwaith hwn yn cael ei wneud gyda’r nod o sicrhau ein bod yn gyngor modern a gwydn wrth ddarparu technoleg sy’n gyfredol ac yn cwrdd â disgwyliadau preswylwyr ac ymwelwyr.”
