Ydych chi, neu ydych chi’n adnabod rhywun sy’n dalentog ac sydd ag unrhyw fath o anabledd?
Os ydych chi, yna ymgeisiwch i fod yn rhan o Sioe Adloniant Amrywiol Wrecsam sydd yn gyfle gwych i ddangos amrywiaeth y talent ac angerdd ar draws y Fwrdeistref Sirol. Mae’n gyfle i’r rheini nad ydynt fel arfer yn cael perfformio ar lwyfan, ac mae pawb yn cael eu hannog i ymgeisio am gyfle i berfformio.
Mae ceisiadau bellach ar agor ar gyfer perfformiadau unigol neu grŵp ac mae croeso i bawb o unrhyw oedran neu gefndir i ymgeisio. Y gobaith yw y bydd sioe i fod yn falch ohoni yn cael ei chynnal yng Nghanolfan Chwaraeon a Chymdeithasol Brymbo ddydd Sadwrn 25 Ionawr 2025.
Mae’r digwyddiad, er budd Dynamic Wrexham sydd yn codi arian ar gyfer bws mini newydd, ac mae’n cael ei drefnu gan ein Dirprwy Faer, Cynghorydd Tina Mannering.
- Cofrestru -
Meddai Tina, “Fy mreuddwyd i yw gweld pobl eraill yn disgleirio os nad ydynt wedi cael cyfle i wneud hynny hyd yn hyn. Mae hwn yn gyfle gwych i ddangos eich talentau a thalentau grwpiau yr ydych chi’n ymwneud â nhw. Mae’n argoeli i fod yn noson wych ac rydw i’n edrych ymlaen at ymweld â’r rhai sy’n cymryd rhan dros yr wythnosau a misoedd nesaf a gweld fy hun pa mor amrywiol a thalentog ydi Wrecsam.
“Mae hefyd yn gyfle gwych i godi arian ar gyfer sefydliad teilwng iawn, Dynamic, sydd yn gwneud cymaint gyda phlant a phobl ifanc o bob gallu.
I gymryd rhan, defnyddiwch y Cod QR yn y poster isod neu dilynwch y ddolen hon.
Sioe Adloniant Amrywiol Wrecsam
Efallai yr hoffech hefyd ddarllen Digwyddiadau i gofio Trychineb Pwll Glo Gresffordd 1934
Derbyniwch y newyddion a’r wybodaeth ddiweddaraf yn syth i’ch mewnflwch
