Seremoni Flynyddol er cof am drasiedi waethaf Wrecsam, sef trychineb Pwll Glo Gresffordd.
Eleni, fe fydd hi’n 90 mlynedd ers y drychineb a effeithiodd ar Wrecsam gyfan, gan y bu farw rhywun o bron pob pentref yn y fwrdeistref sirol.
Er mwyn nodi a chofio’r garreg filltir hon, mae yna sawl digwyddiad yn cael ei gynnal ac mae nifer ohonynt yn rhad ac am ddim.
Arddangosfa Gelf:
Dydd Llun 2 Medi – dydd Llun 30 Medi, 10.00am – 4.00pm (Ar gau ddyddiau Mercher a Sul), The Drawing Board, 17 Stryt yr Arglwydd, Wrecsam
- Cofrestru -
Arddangosfa o waith celf a grewyd yn arbennig i nodi Trychineb Gresffordd.
Mynediad am ddim
Arddangosfa Hanesyddol
Dydd Llun 16 – dydd Sadwrn 21 Medi 10.00am – 3.00pm, Prosiect Achub y Glowyr, 3 Ffordd Maesgwyn, Wrecsam
Dysgwch am brofiadau y rhai a effeithiwyd gan Drychineb Pwll Glo Gresffordd a’i waddol hyd heddiw. Dewch draw i Brosiect Achub y Glowyr i fwynhau’r arddangosfa hanesyddol i nodi 90 mlynedd ers y drychineb.
Mynediad am ddim
Gosodiad celf o golomennod:
16 Medi – 22 Medi, 10.00am – 4.00pm, Eglwys San Silyn, Wrecsam
Er mwyn nodi bywydau’r rhai a fu farw yn Nhrychineb Gresffordd, fe fydd yr Eglwys yn creu 266 o golomennod yn hedfan, a bydd enw pob glöwr arnynt a byddant yn rhaeadru i lawr yn ddramatig y tu mewn i dŵr yr Eglwys.
Mynediad am ddim
Cyfres addysg ieuenctid:
Dydd Iau 19 – dydd Sadwrn 22 Medi 10:00am – 4:00pm, Tŷ Pawb, Wrecsam
Mae Tîm Cenhadaeth Ddinesig Prifysgol Wrecsam wedi gweithio gydag ysgolion cynradd lleol ar draws Wrecsam i gyflwyno gweithdy am Drychineb Pwll Glo Gresffordd sydd yn cefnogi ymgysylltu pobl ifanc gyda hanes lleol. Dysgodd disgyblion am y drychineb, y bywydau a gollwyd a’r effaith ar gymuned ehangach Wrecsam.
Maen nhw wedi llunio gwaith celf yn seiliedig ar y drychineb gan ddefnyddio deunyddiau megis siarcol a chopïau o bapurau newydd o’r cyfnod, a byddant yn cael eu harddangos mewn arddangosfa yng nghanolfan Tŷ Pawb ar y dyddiadau uchod.
Mynediad am ddim
Gwylnos yng ngolau cannwyll:
21 Medi, 6.00pm, Prosiect Achub y Glowyr, 3 Ffordd Maesgwyn, Wrecsam
I nodi 90 mlynedd ers y drychineb, fe fydd Canolfan Glowyr Wrecsam yn goleuo 266 o ganhwyllau, pob un wedi’i siapio fel Lamp Davy, i gofio am bob bywyd a gollwyd.
Mae croeso i bawb fynychu, i fyfyrio a choffáu’r foment. Am 2:08am ar 22 Medi fe fydd pob cannwyll yn cael ei diffodd.
Mynediad am ddim
Noson yng nghanolfan Tŷ Pawb:
Nos Sadwrn 21 Medi, 7.00pm, Tŷ Pawb, Wrecsam
Noson o gerddoriaeth fyw gyda bandiau o gymunedau glo Wrecsam a DENNIS, band Pres o Durham a fydd yn perfformio yn y neuadd fwyd ar gyfer y noson o gerddoriaeth a fydd yn addas i’r teulu yn dilyn gêm Wrecsam v Crawley.
Gwasanaethau Coffa:
Dydd Sul 22 Medi am 11.00am, Cofeb Pwll Glo Gresffordd, Bluebell Lane, Pandy
Dydd Sul 22 Medi am 5.00pm, Eglwys yr Holl Saint, Gresffordd
Mae Gwasanaeth Coffa Flynyddol wedi cael ei chynnal ar 22 Medi am 11am i gofio’r rhai a fu farw. Fel y gwnaethpwyd i nodi 60, 70 ac 80 mlynedd ers y drychineb, bydd gwasanaeth yn cael ei chynnal yn Eglwys yr Holl Saint, Gresffordd. Mae croeso i bawb.
Digwyddiadau tocynnau yn unig
Gresffordd: I’r Goleuni ‘Nawr:
21 a 22 Medi, 8.00pm, Eglwys San Silyn, Wrecsam
Mwynhewch opera gymunedol newydd sbon New Sinfonia gyda cherddoriaeth gan Jon Guy a geiriau gan Grahame Davies, yn seiliedig ar hanes Trychineb Pwll Glo Gresffordd gan dynnu sylw at ymdeimlad cryf Wrecsam o gymuned yn y gorffennol a’r presennol.
Mae hefyd yn cynnwys gwaith newydd sbon gan Evrah Rose. Fe fydd côr cymunedol NEW Voices a cherddorfa ieuenctid NEW Academi yn ymuno â nhw.
Cyngerdd cymunedol:
Nos Wener, 20 Medi, 7.30pm – 9.30pm, Eglwys San Silyn, Wrecsam
Cyngerdd yn llawn sêr cerddorol lleol i godi arian i gefnogi gwaith ailwampio Canolfan Achub y Glowyr. ‘Helpu i achub adeilad a adeiladwyd i achub bywydau.’
Perfformiadau gan:
- Côr Meibion y Fron
- Band Pres Lles Llai
- Clywedog Steel Pans
- Band Pres Dinas Wrecsam
Mae’r digwyddiadau wedi cael eu trefnu gan New Sinfonia
Efallai yr hoffech hefyd ddarllen Sioe gerddorol fawreddog “Tattoo Cymru” yn dod i Neuadd William Aston ym mis Tachwedd
