Awdur: Beth Rogers

Oeddech chi’n gwybod bod y Siop Wybodaeth ar Stryt y Lampint yn cynnig gwasanaeth iechyd rhywiol rhad ac am ddim? Gwasanaeth iechyd rhywiol cyfrinachol yw ‘Contact’ ar gyfer pobl ifanc hyd at 25 oed. Mae’r tîm yn cynnig cyngor ac arweiniad yn ymwneud ag iechyd rhywiol a pherthnasoedd ac yn ddarparu gwahanol ddulliau atal cenhedlu gan gynnwys y bilsen bore wedyn, profion beichiogrwydd a chondomau.

 Mae’n gwbl gyfrinachol

• Nawn nhw ddim siarad gydag unrhyw un y tu allan i’r prosiect am eich ymholiad
• Mewn rhai achosion mae’n bosibl y bydd arnyn nhw angen siarad ag asiant arall os oes angen cyngor arbenigol arnoch chi. Byddan nhw bob amser yn gofyn i chi yn gyntaf
• Weithiau mae’n bosibl y bydd arnyn nhw angen cynnwys pobl eraill os ydyn nhw’n credu eich bod chi neu rywun arall mewn perygl difrifol o niwed e. pan amheuir camdriniaeth rywiol neu gorfforol neu os yw rhywun yn teimlo fel cyflawni hunanladdiad. Unwaith eto, byddan nhw’n siarad efo chi’n gyntaf

Meddai’r Cyng. Andrew Atkinson, Aelod Arweiniol Pobl – Gwasanaethau Ieuenctid a Threchu Tlodi: “Mae hwn yn wasanaeth gwerthfawr ar gyfer pobl ifanc. Mae’n darparu amgylchedd diogel a chyfrinachol lle mae pobl yn gallu derbyn gwybodaeth a dulliau atal cenhedlu os oes angen. Mae’r gwasanaeth yn cael ei redeg gan weithwyr proffesiynol sy’n poeni am ddiogelwch a lles pobl ifanc Wrecsam.”

Cadwch yn saff a chofiwch y risgiau…

Mae iechyd rhywiol a dysgu sut i edrych ar ôl eich hun yn bwysig iawn. Gall unrhyw un sy’n cael rhyw fod mewn perygl o ddal heintiau a drosglwyddir yn rhywiol (STI) neu feichiogrwydd digroeso. Nid yw rhai pobl yn dangos unrhyw symptom ac mae’r canlyniadau yn ddifrifol os nad yw heintiau yn cael eu trin. Mae’n bwysig defnyddio condomau fel nad ydych chi’n dal haint.

Rhan o’r gwasanaeth a ddarperir yn y Siop Wybodaeth yw cynnig gwasanaeth iechyd rhywiol lle gall pobl ifanc gael condomau a dulliau eraill o atal cenhedlu am ddim.

I gael mwy o wybodaeth am y gwasanaethau sydd ar gael yn y Siop Wybodaeth, ewch i wefan Wrecsam Ifanc.

Amseroedd Agor

• Dydd Llun 3pm tan 5.30pm
• Dydd Mercher 3pm tan 5.30pm
• Dydd Gwener 3pm tan 5.30pm

Mae condomau a phrofion beichiogrwydd ar gael yn ystod oriau agor y Siop Wybodaeth.

Ysgrifennwyd yr erthygl hon fel rhan o gyfres o negeseuon am Wrecsam Ifanc

Hoffet ti gyfrannu at wefan Wrecsam Ifanc? Mae Gwasanaeth Ieuenctid Wrecsam yn chwilio am ysgrifenwyr brwd i greu cynnwys diddorol ar gyfer gwefan Wrecsam Ifanc.
Os wyt ti’n gallu ysgrifennu storïau perthnasol ar destunau sy’n effeithio ar bobl ifanc, yna mae hwn yn gyfle da i ti!

Oes gennyt ti rywbeth i’w ddweud?
Fe elli di hefyd ysgrifennu negeseuon blog a’u gweld nhw’n cael eu cyhoeddi ar wefan Wrecsam Ifanc. Mae yna amrywiaeth eang o wybodaeth ar gael ar y wefan am faterion y mae pobl ifanc yn eu hwynebu bob dydd.

CYFRIF SNAPCHAT I WRECSAM.

Mae’r wefan yn edrych ar bynciau fel:
– Alcohol, cyffuriau ac ysmygu
– Addysg
– Iechyd a pherthnasau
– Tai a llety
– Lesbiaidd, Hoyw, Deurywiol a Thrawsrywiol +
– Iechyd meddwl
– Arian
– Teithio
– Gwaith a hyfforddiant
– Diogelwch ar y rhyngrwyd

Meddai’r Cynghorydd Andrew Atkinson, Aelod Arweiniol: “Mae gwefan Wrecsam Ifanc yn adnodd gwych i unrhyw un 11-25 oed. Mae’n cynnwys llwyth o wybodaeth yn ogystal â chyfle i bobl ifanc uwchlwytho a chyfrannu cynnwys. Hoffaf annog pob person ifanc i fwrw golwg ar y safle ac ystyried cyfrannu ato.”

Oes arnat ti eisiau bod yn rhan o Wrecsam Ifanc?
Os hoffet ti gymryd rhan, neu os wyt ti’n nabod rhywun sydd â diddordeb, y cwbl sydd angen ei wneud ydi llenwi a chyflwyno ffurflen ar y wefan: http://youngwrexham.co.uk/become-a-writer/

Peidiwch â cholli allan…dilynwch ni ar Snapchat.

[button color=”” size=”large” type=”square_outlined” target=”new” link=” https://newyddion.wrecsam.gov.uk/cyfrif-snapchat-i-wrecsam/”] DILYNWCH NI AR SNAPCHAT [/button]

Mae bariau ar draws Wrecsam yn cefnogi’r ymgyrch Gofynnwch am Angela, sy’n annog pobl i ofyn am gymorth os nad ydynt yn teimlo’n ddiogel pan fyddant yn mynd i gyfarfod rhywun.

Os ydych yn teimlo’n ddiamddiffyn, y cyfan sy’n rhaid i chi ei wneud yw mynd at y bar a gofyn am Angela, yna mae staff yn cael eu rhybuddio am y sefyllfa a gallant helpu.

Mae’r fenter yn anelu i leihau trais rhywiol a bregusrwydd drwy gynnig ffordd gall i gwsmeriaid gael cymorth gan staff er mwyn eu helpu os na fyddant yn teimlo’n ddiogel oherwydd camau, geiriau neu ymddygiad unigolyn.

CYFRIF SNAPCHAT I WRECSAM.

Ar ôl cael rhybudd, yna gall staff gynnig galw am dacsi, cysylltu â ffrindiau neu deulu neu sicrhau bod yr unigolyn sy’n achosi’r gofid yn gadael yr adeilad.

‘Syml ond effeithiol’

Dywedodd yr arolygydd Paul Wycherley, “Mae hwn yn gynllun syml ond effeithiol sy’n rhoi grym i aelodau’r cyhoedd ofyn am gymorth os ydynt yn teimlo’n fregus, drwy ganiatáu iddynt godi eu pryderon gyda staff. Efallai eu bod yng nghwmni rhywun nad ydynt yr hyn yr oeddent yn ymddangos a’u bod eisiau gadael yn ddiogel a heb ffwdan. Bydd y fenter hon yn hwyluso hyn a gobeithio yn atal sefyllfaoedd rhag mynd yn fwy difrifol. Wrth gwrs, lle bydd sefyllfaoedd yn datblygu rydym yn gwybod y bydd staff y bar yn galw’r heddlu”.

Ar gael mewn lleoliadau ar draws Wrecsam, anogir pobl i edrych allan am y posteri ‘Gofynnwch am Angela’.

Peidiwch â cholli allan…dilynwch ni ar Snapchat.

[button color=”” size=”large” type=”square_outlined” target=”new” link=” https://newyddion.wrecsam.gov.uk/cyfrif-snapchat-i-wrecsam/”] DILYNWCH NI AR SNAPCHAT [/button]

Mae gan Wasanaeth Llyfrgell Wrecsam adnodd newydd sy’n eich tywys drwy’r broses o wneud cais am gredyd cynhwysol a hefyd yn mynd a chi drwy’r porth swyddi.

Mae’n ganllaw cam wrth gam syml sy’n helpu gyda:

• Credyd Gynhwysol – y broses a sut i wneud cais
• Paru â Swyddi – dysgu sgiliau cyfrifiadurol, sut i chwilio am swyddi, creu ac uwchlwytho CV
• Sgiliau ar gyfer cyflogaeth – sgiliau ar gyfer cyfweliad a pharatoi ar gyfer swydd newydd

Yn ogystal â hyn, gallwch ddysgu sgiliau cyfrifiadurol sylfaenol fel sut i ddefnyddio llygoden.   Mae’r wefan yn cynnwys gwybodaeth am baratoi ar gyfer cyfweliad, argymhellion ar sut i ysgrifennu CV a llawer mwy.   Mae pob adran wedi’i rhannu’n fodiwlau a gallwch weld pa fodiwlau ‘da chi wedi’u cwblhau.  Mae’r adnodd gwerthfawr yma ar gael ar dudalennau gwe’r llyfrgell www.wrecsam.gov.uk/llyfrgelloedd (dilynwch y ddolen gwasanaethau ar-lein) a gallwch ei ddefnyddio gartref neu yn y llyfrgell ond byddwch angen cerdyn llyfrgell dilys er mwyn gallu gwneud hynny.

Mae Credyd Cynhwysol yn fudd-dal i’ch cefnogi chi os ‘da chi ar incwm isel neu allan o waith. Mae’n fudd-dal sy’n cael ei dalu bob mis i’ch helpu chi gyda’ch costau byw. Mae’n rhaid i chi wneud cais am Gredyd Cynhwysol ar-lein.

CYFRIF SNAPCHAT I WRECSAM.

“Adnodd defnyddiol, rhad ac am ddim”.

Meddai’r Cynghorydd Hugh Jones, Aelod Arweiniol dros Bobl – Cymunedau, Partneriaethau, Diogelu’r Cyhoedd a Diogelwch Cymunedol: “Mae hwn yn adnodd rhad ac am ddim defnyddiol fydd yn gallu helpu pobl wrth iddyn nhw geisio gwneud cais am gredyd cynhwysol.  Mae’n bosibl ei ddefnyddio yn y cartref neu yn y llyfrgell ac mae’n mynd â chi gam wrth gam drwy’r broses. Os ‘da chi’n cael trafferthion gwneud cais am gredyd cynhwysol, mae’r adnodd ar-lein hwn yn sicr yn werth edrych arno.”

I ddefnyddio’r canllaw bydd angen i chi fod yn aelod o’r llyfrgell.  Does dim rhaid talu i fod yn aelod o lyfrgelloedd Wrecsam. Gallwch ymuno yma, neu ewchi i’ch llyfrgell leol. Cofiwch fynd â phrawf o’ch enw a’ch cyfeiriad efo chi.

Peidiwch â cholli allan…dilynwch ni ar Snapchat