Rhagwelir y bydd tymereddau uchel eithriadol yn parhau am y dyddiau nesaf, felly, byddwn yn parhau i ddechrau casglu biniau ychydig yn gynnar am weddill yr wythnos hon, er mwyn helpu ein timoedd i osgoi rhan boethaf y dydd.
Rhowch eich biniau neu’ch ailgylchu allan yn gynnar (yn ddelfrydol y noson cynt), fel bod popeth yn barod i’w gasglu erbyn 6am.
Dywedodd y Cynghorydd David A Bithell, Aelod Arweiniol Cyngor Wrecsam dros yr Amgylchedd: “Disgwylir i’r tywydd poeth barhau, a bydd y mesurau cynnar hyn yn helpu ein timau.
“Byddwn yn cadw llygad ar y rhagolwg tywydd, ac os bydd hi’n parhau’n boeth, efallai y bydd angen i ni barhau i gasglu’n gynnar am weddill yr wythnos nesaf; fodd bynnag, byddwn yn rhoi’r wybodaeth ddiweddaraf i bawb.”
Diolch am eich cymorth – mae ein criw yn ei werthfawrogi’n fawr.
