Mae gwerthu tybaco anghyfreithlon yn broblem fawr yng Nghymru, ac yma yn Wrecsam rydym yn cefnogi ymgyrch genedlaethol newydd Llywodraeth Cymru, “Dim esgus. Byth.”, sydd â’r nod o roi diwedd ar hyn.
Mae gwerthu tybaco yn anghyfreithlon yn rhoi sigaréts yn nwylo plant yn ogystal ag yn niweidio iechyd y cyhoedd, busnesau lleol a gall gyfrannu at droseddau cyfundrefnol difrifol.
Nod yr ymgyrch yw annog pobl i gamu ymlaen a gadael i Safonau Masnach wneud eu gwaith i gael gwared â thybaco anghyfreithlon o’n cymunedau, a’u cadw oddi wrth ein plant, ein teulu a’n ffrindiau.
Dim esgus. Byth. Helpwch ni i yrru’r fasnach hon allan o Wrecsam
Meddai Roger Mapleson, Arweinydd Safonau Masnach a Thrwyddedu, “Mae ysmygu’n niweidio iechyd yn ddifrifol a dydi masnachwyr tybaco anghyfreithlon ddim yn meddwl ddwywaith am werthu i blant.
“Os gwyddoch chi am rywun sy’n gwerthu’r cynnyrch hwn, rhowch wybod am y peth drwy ddilyn y ddolen isod a helpu gyrru’r fasnach hon allan o Wrecsam.”
Beth yw tybaco anghyfreithlon?
Mae yna nifer o wahanol fathau o dybaco anghyfreithlon ac mae’n cyfeirio at sigaréts a phecynnau tybaco rholio â llaw anghyfreithlon. Y mathau mwyaf cyffredin yw:
- Tybaco go iawn rhad sydd wedi’i smyglo i’r DU heb dalu tollau arno (yn aml, mae’r ysgrifen ar y pecyn mewn iaith dramor a does yna ddim rhybuddion iechyd arno).
- Cynnyrch ffug sy’n edrych fel brandiau enwog ond sy’n cael eu gwneud yn anghyfreithlon.
- Sigaréts gwyn rhad (cheap whites) sy’n cael eu masgynhyrchu mewn un wlad a’u smyglo i mewn i wlad arall.
- Sigaréts sy’n cael eu gwerthu fesul un yn lle mewn pecynnau.
Mae’n rhestr eithaf maith, ond os nad ydych chi’n siŵr o rywbeth, rhowch wybod amdano.
Mae gwerthwyr anghyfreithlon yn defnyddio nifer o ddulliau o werthu tybaco anghyfreithlon. Y ffyrdd mwyaf cyffredin o werthu yw:
- mewn siopau
- mewn cartrefi preifat
- mewn tafarndai a chlybiau
- dros y cyfryngau cymdeithasol
- o gist car
- ar y stryd
Un arwydd da bod y tybaco yn anghyfreithlon yw’r pecyn. Os nad yw’r ysgrifen ar y pecyn yn Saesneg, os nad yw’r pecyn yn wyrdd plaen ac os nad oes yna rybuddion iechyd arno, mae’n debygol iawn ei fod yn anghyfreithlon. Hefyd, mae prisiau rhad a brandiau anhysbys yn arwyddion go dda.
Gallwch roi gwybod am unrhyw un sy’n gwerthu tybaco anghyfreithlon heb roi’ch enw drwy ddilyn y ddolen hon.
Derbyniwch y newyddion diweddaraf ar sgamiau, galw nôl cynnyrch a materion diogelu’r cyhoedd eraill
[button color=”” size=”large” type=”square_outlined” target=”new” link=”https://wrexham.gov.uk/welsh/user_register_w/register_w.cfm”] COFRESTRWCH FI RŴAN [/button]
