Ydych chi’n teimlo bod cymunedau wedi dod yn rhanedig? Oes llai o lefydd i gyfarfod, cymysgu a meithrin cysylltiadau?
Mae’r teimladau hyn wedi cael eu mynegi ledled y DU, ond yn aml iawn y bobl y mae’r newidiadau hyn yn effeithio arnynt fwyaf yw’r rhai sy’n teimlo nad oes ganddyn nhw lais yn yr hyn sy’n dod nesaf.
Mae’r Sgwrs Genedlaethol eisiau newid hynny.
Mae’r Comisiwn Annibynnol ar Gymuned a Chydlyniant yn gofyn i chi gymryd rhan mewn ymarfer gwrando cenedlaethol. Mae hyn yn golygu eu bod nhw eisiau clywed eich barn chi am fywyd cymunedol, a oes rhywbeth yr hoffech chi ei newid, a sut hoffech chi weld y newidiadau hynny’n cael eu gwneud.
Bydd y wybodaeth a’r syniadau a ddarparwch yn cael eu defnyddio i lunio adroddiad gydag argymhellion a fydd yn cael ei gyhoeddi ar ddiwedd y flwyddyn.
Dywedodd y Cynghorydd Paul Roberts, yr aelod arweiniol dros gyfranogiad: “Wrth i ffyrdd o fyw newid dros y blynyddoedd diwethaf, mae’r ymdeimlad traddodiadol o ‘gymuned’ yn dechrau cael ei golli. Mae bywydau gwaith prysur, technoleg sy’n cymryd lle rhyngweithio wyneb yn wyneb a dirywiad mannau cyfarfod lleol traddodiadol i gyd wedi chwarae rhan. Mae ymdeimlad o gymuned yn darparu cefnogaeth emosiynol, ymdeimlad o berthyn ac yn lleihau teimladau o ynysigrwydd, ond sut olwg sydd ar hynny yn y byd modern? Dyna pam rwy’n eich annog chi i gymryd rhan yn yr arolwg hwn, i ddweud wrthym beth fyddai’n adfer yr ymdeimlad hwnnw o gymuned i chi, eich teulu a’ch ffrindiau.”
Gallwch ddweud eich dweud am fywyd cymunedol drwy fynd i dudalen y Sgwrs Genedlaethol ar wefan Eich Llais. Bydd yr arolwg yn cau ddiwedd mis Awst.
