March 2024 FOCUS Wales announce Janice Long tribute with BBC Wales

Erthygl Gwadd – FOCUS Wales

Mae FOCUS Wales yn falch o gyhoeddi digwyddiad arddangos arbennig iawn ar ddydd Sadwrn yr ŵyl gyda darllediad byw o sioe BBC Introducing Wales a fydd yn rhoi teyrnged i’r diweddar Janice Long a oedd yn ddarlledwraig wych gyda’r BBC. Bydd y digwyddiad ymlaen ar 11 Mai yn Tŷ Pawb, Wrecsam a thrwy gydweithio â’r BBC, mae tîm yr ŵyl wedi cyd-guradu amrywiaeth arbennig o artistiaid yr oedd Janice yn eu caru. Bydd Cara Hammond, Laura J Martin, Pixy Jones, a Kidsmoke, i gyd yn perfformio ar y noson, a fydd yn cael ei chyflwyno gan gydweithiwr a chyfaill annwyl i Janice, y darlledwr Adam Walton.

Cyhoeddwyd hefyd y bydd “y dywysoges pop techno” Sam Quealy yn perfformio, sydd wedi bod yn swyno cynulleidfaoedd ledled y byd gyda’i chaneuon sy’n plygu’r genre a’i sioeau byw gwyllt. Mae TWST ar y rhestr berfformwyr hefyd ar ôl rhyddhau ei hail albwm Off World, yn ogystal â’r band garej o Galway, Shark School.

Artistiaid newydd eraill sydd wedi’u cyhoeddi fel perfformwyr yng Ngŵyl FOCUS Wales yw:

Bydd yr artistiaid newydd hyn yn ymuno â’r prif berfformwyr a oedd eisoes wedi’u cyhoeddi ar gyfer eleni sef perfformwyr fel Spiritualized, The Mysterines, The Royston Club, Deerhoof, Adwaith, Antony Szmierek, a llawer mwy. Mae Gŵyl FOCUS Wales ymlaen ar 9,10,11 Mai yng Nghanol Dinas Wrecsam. Mae pasiau a thocynnau ar gyfer yr ŵyl ar werth rŵan ar www.focuswales.com