Pa mor ddiogel ydych chi’n meddwl bod pobl ifanc yn teimlo yn Wrecsam? Mae gennych chi tan 14 Gorffennaf 2026 i ddweud wrthym!
Mae Senedd yr Ifanc – senedd ieuenctid Wrecsam – wedi cyhoeddi eu pedwerydd arolwg Lleisiau’n Creu Newid a hoffent glywed barn cynifer o bobl ifanc â phosibl.
Mae’r arolwg yn gofyn i bobl ifanc pa mor ddiogel maen nhw’n teimlo pan fyddant allan yng nghanol dinas Wrecsam, ac mae’n rhan o’u prosiect parhaus sy’n edrych ar ffyrdd o wneud Wrecsam yn lle mwy diogel a chroesawgar i bob person ifanc.
Gallwch gwblhau’r arolwg ar wefan Eich Llais.
Lleisiau’n Creu Newid yw ffordd newydd Senedd yr Ifanc o gynnwys mwy o bobl ifanc o Wrecsam wrth wneud penderfyniadau, gan gasglu eu barn i gefnogi gwaith Senedd yr Ifanc.
Mae Erthygl 12 o Gonfensiwn y Cenhedloedd Unedig ar Hawliau’r Plentyn yn nodi bod gan bobl ifanc yr hawl i fynegi eu barn, eu dymuniadau a’u teimladau ar bob mater sy’n effeithio arnynt; felly nawr, bob dau fis, bydd arolwg digidol yn cael ei gynnal yn gofyn unrhyw beth o gwpl o gwestiynau cyflym i ymgynghoriad llawn.
Ydych chi eisiau gwneud yn siŵr bod eich llais yn cael ei glywed fel person ifanc yn Wrecsam? I gael gwybod am arolygon yn y dyfodol, gallwch ymuno â’n rhestr bostio drwy e-bostio youngvoices@wrexham.gov.uk.
