Mae 6 Ebrill 2024 yn agosáu, sef dyddiad cyflwyno cyfraith sy’n nodi bod rhaid i bob busnes, elusen a sefydliad sector cyhoeddus ddidoli eu gwastraff i’w ailgylchu.
Bydd y gyfraith hon hefyd yn berthnasol i bob casglwr a phrosesydd gwastraff ac ailgylchu sy’n rheoli gwastraff o fath domestig o weithleoedd.
Dywedodd y Cynghorydd Terry Evans, Aelod Arweiniol yr Amgylchedd: “O 6 Ebrill 2024 ymlaen, bydd rhaid i bob busnes yn Wrecsam ddidoli papur a chardfwrdd, gwydr, plastigau, cartonau a metelau, a bwyd wrth ailgylchu. Mae’r gyfraith newydd hon yn cael ei chyflwyno i wella’r ffordd y mae gwastraff yn cael ei gasglu a’i wahanu yng Nghymru o ran ansawdd a swm, a bydd angen i chi wneud yn siŵr bod eich sefydliad yn paratoi ar gyfer y newidiadau sydd ar ddod.”
Pa wastraff sydd angen ei wahanu
Bydd angen gwahanu’r deunyddiau canlynol i’w casglu ar wahân:
- Cofrestru -
- Bwyd
- Papur a cherdyn
- Gwydr
- Metelau, plastig a chartonau
- Tecstilau sydd heb eu gwerthu
- Cyfarpar trydanol ac electronig gwastraff bach sydd heb eu gwerthu (sWEEE)
Bydd gwaharddiad hefyd ar:
- Anfon unrhyw wastraff bwyd (o ba faint bynnag) i garthffosydd
- Gwastraff a gesglir ar wahân sy’n mynd i beiriannau llosgi a safleoedd tirlenwi
- Pob gwastraff pren sy’n mynd i safleoedd tirlenwi
I bwy mae’r gyfraith yn berthnasol
Bydd angen i bob busnes, elusen a sefydliad sector cyhoeddus wahanu eu gwastraff.
Mae’r rhain yn cynnwys:
- Safleoedd amaethyddol
- Lletygarwch a thwristiaeth – bwytai, bariau, tafarndai, gwasanaethau gwely a brecwast, gwestai, gwersylloedd a pharciau carafanau, llety gwyliau, a safleoedd trwyddedig
- Meysydd sioe
- Gorsafoedd gwasanaeth a gorsafoedd petrol
- Lleoliadau adloniant a chwaraeon gan gynnwys canolfannau hamdden
- Trafnidiaeth – gorsafoedd bysiau, gorsafoedd rheilffordd, porthladdoedd, meysydd awyr a hofrenfeydd
- Cartrefi gofal a nyrsio
- Fferyllfeydd, meddygfeydd, deintyddfeydd, a lleoliadau gofal sylfaenol eraill
- Safleoedd adeiladu
- Ffatrïoedd a warysau
- Garejis ceir
- Addysg – prifysgolion, colegau ac ysgolion
- Canolfannau garddio
- Adeiladau treftadaeth
- Llyfrgelloedd ac amgueddfeydd
- Swyddfeydd a gweithdai
- Mannau addoli
- Carchardai
- Marchnadoedd a gwyliau yn yr awyr agored
Yr unig weithle sydd â dwy flynedd ychwanegol i gydymffurfio yw’r GIG ac ysbytai preifat.
Mwy o wybodaeth ar gael yma: https://www.llyw.cymru/ailgylchu-yn-y-gweithle (dolen gyswllt allanol).
Gallwch hefyd ddysgu mwy ar dudalen y Busnes o Ailgylchu Cymru WRAP Cymru.
Cariad at Goed – Digwyddiad Dydd y Cariadon Arbennig ym Mharc Acton – Newyddion Cyngor Wrecsam
