Meddwl nad ydi llyfrgelloedd i chi? Mae Llyfrgell y Waun am brofi eich bod chi’n anghywir !

Mae Llyfrgell y Waun yn paratoi ar gyfer diwrnod agored a fydd yn cael ei gynnal ddydd Sadwrn yma, 7 Ebrill rhwng 10am a 2pm.

Meddai’r Cynghorydd Hugh Jones, Aelod Arweiniol Cymunedau, Partneriaethau, Diogelu’r Cyhoedd a Diogelwch Cymunedol: “Mae hwn yn gyfle gwych i chi gael gwybod pa wasanaethau y mae eich llyfrgell leol yn eu cynnig. Mae gan Lyfrgell y Waun lond lle o adnoddau y bydd y teulu i gyd yn eu mwynhau a bydd y digwyddiad hwn yn arddangos y cyfan. Rwy’n annog pawb i fynd i weld beth sydd gan eu llyfrgell leol i’w gynnig.”