Sesiwn galw heibio
Bydd sesiwn galw heibio hefyd yn Nhŷ Pawb ddydd Mawrth, 13 Ionawr rhwng 2pm a 3pm – pan fydd swyddogion y cyngor wrth law i ateb unrhyw ymholiadau sydd gennych.
Mae Cyngor Wrecsam wedi lansio ymgynghoriad ar ei Orchymyn Diogelu Mannau Cyhoeddus (GDMC) yng nghanol y ddinas, y mae’n ei ddefnyddio i helpu i fynd i’r afael ag ymddygiad gwrthgymdeithasol.
Mae’r gorchymyn diweddaraf wedi bod ar waith ers 2023 ac mae’n ofyniad cyfreithiol i adnewyddu, addasu neu newid GDMCau bob 3 blynedd. Mae’r GDMC yn cynnwys gwaharddiadau ynghylch agweddau ar ymddygiad gwrthgymdeithasol a defnyddio alcohol a sylweddau yn gyhoeddus, sy’n caniatáu i swyddogion dirprwyedig gymryd camau gorfodi ar draws ardal benodol o’r ddinas.
Nid ydym yn cynnig unrhyw newidiadau i’r GDMC – dim ond ymestyn y gorchymyn am dair blynedd arall.
Bydd yr ymgynghoriad ar agor hyd at 18 Ionawr.
Dysgwch fwy a rhannwch eich barn…
Dywedodd y Cynghorydd Paul Roberts, Aelod Arweiniol Cyngor Wrecsam dros Ddiogelwch Cymunedol: “Gall GDMC fod yn ddefnyddiol wrth ddelio â mathau penodol o ymddygiad gwrthgymdeithasol, ac mae un wedi bod ar waith yng nghanol y ddinas ers sawl blwyddyn.
“Rydym nawr yn ystyried ymestyn y gorchymyn am dair blynedd arall, ond cyn gwneud hyn, hoffem wybod beth mae pobl yn ei feddwl… ydyn nhw’n credu bod y GDMC yn ddefnyddiol, ac ydyn ni wedi cael y cydbwysedd yn gywir? Rhowch bum munud o’ch amser i rannu eich barn, os gwelwch yn dda.”
