O’r wythnos nesaf, bydd gwaith peirianneg sylweddol yn cael ei wneud yng nghanolfan ailgylchu Plas Madoc i wella’r safle. Rydyn ni’n disgwyl i’r gwaith hwn gymryd tua saith wythnos i’w gwblhau.
Rydyn ni’n falch o roi gwybod y bydd trigolion Wrecsam yn dal i allu ymweld â’r cyfleuster yn ystod y cyfnod hwn, ond i helpu i gadw pawb yn ddiogel rydyn ni wedi cyflwyno system archebu dros dro sy’n ei gwneud yn ofynnol i chi drefnu eich ymweliad nesaf ymlaen llaw.
Sut i drefnu eich ymweliad nesaf
Gallwch drefnu eich ymweliad nesaf yn hawdd drwy lenwi’r ffurflen ar-lein ar ein gwefan – www.wrecsam.gov.uk/ArchebuPlasMadoc
Dywedodd y Cynghorydd Terry Evans, Aelod Arweiniol yr Amgylchedd: “Tra bod y gwaith yn digwydd – i gadw mynediad yn ddiogel ac yn esmwyth – bydd angen i chi archebu slot amser i ymweld â chanolfan ailgylchu Plas Madoc.
“Pan fyddwch chi’n cyrraedd, dangoswch eich e-bost cadarnhau ar eich ffôn clyfar. Gall trigolion nad oes ganddynt ffôn clyfar ddod â chopi print o’ch cadarnhad yn lle, ond ceisiwch osgoi hyn os yn bosibl.”
Rhai pethau pwysig i’w cofio:
- Yn anffodus, ni fydd y safle yn gallu cymryd teiars, pridd na rwbel yn ystod y cyfnod hwn (ond gallwch chi fynd â’r rhain i’n canolfannau ailgylchu eraill yn Lôn y Bryn a Brymbo)
- Bydd angen i drigolion ddangos prawf eu bod nhw’n byw yn y fwrdeistref sirol o hyd (fel bil cyfleustodau gyda’u cyfeiriad arno)
- Byddwch yn dal i allu casglu cynwysyddion ailgylchu wedi’u harchebu ymlaen llaw, leinwyr compost a sachau glas
- Y slot amser hwyraf y gallwch ei archebu yw 15 munud cyn amser cau
- Ni fydd trigolion Sir Ddinbych yn gallu defnyddio’r safle dros dro, ond gallant ddefnyddio canolfan ailgylchu Lôn y Bryn
Angen help i archebu?
Gall unrhyw breswylwyr sydd angen ychydig o gymorth i archebu eu slot amser ymweld â Cysylltu â Wrecsam yn Llyfrgell Wrecsam, neu galw 01978 298989, a gall ein staff eich helpu drwy’r broses.
Nodyn atgoffa oriau agor
Fel bob amser, ym mis Medi, bydd canolfannau ailgylchu Plas Madoc a Brymbo (The Lodge) yn cau yn gynharach am 6pm.
Nid yw oriau gweithredu canolfan ailgylchu Lôn y Bryn yn newid ac mae’n cau am 8pm drwy gydol y flwyddyn.
Gallwch gael manylion llawn amseroedd gweithredu ein canolfannau ailgylchu ar ein gwefan – Canolfan ailgylchu gwastraff y cartref | Cyngor Bwrdeistref Sirol Wrecsam
