Hoffech chi weithio gyda phobl ifanc?
Ydych chi’n frwdfrydig dros helpu ac ysbrydoli pobl i gyflawni a llwyddo?
Os felly, mae gennym ni 10 swydd yn un o’n timau ieuenctid a all fod yn berffaith ar eich cyfer chi!
Ers 2016, mae dros 1300 o ddisgyblion ysgol uwchradd wedi derbyn cefnogaeth gan brosiect 11-24 TRAC a gaiff ei arwain gan Gyngor Bwrdeistref Sirol Wrecsam (mewn partneriaeth â Chyngor Sir y Fflint) ar draws Wrecsam a Sir y Fflint.
Mae gwaith y tîm TRAC yn canolbwyntio ar godi dyheadau ac ymgysylltu â phobl ifanc sydd mewn perygl o fod yn NEET (ddim mewn addysg, cyflogaeth na hyfforddiant) yn y dyfodol.
Yn sgil llwyddiant parhaus y prosiect TRAC, sicrhawyd cyllid ychwanegol er mwyn ariannu 10 aelod o staff i ymuno â’r tîm i weithio gyda chynulleidfa ehangach o bobl ifanc sydd yn eu blwyddyn olaf yn yr ysgol gynradd, i’w paratoi ar gyfer yr ysgol uwchradd.
Mae’r swyddi uchod yn rhai dros dro tan 31 Gorffennaf 2022.
Cydlynydd Gwaith Ieuenctid,
JNC 18-21 £28,223 – £30,568 (pro rata),
42 wythnos y flwyddyn, 37 awr yr wythnos
5 swydd: Swyddog Lles,
NJC G05 £19,171 – £19,945 (pro rata),
42 wythnos y flwyddyn, 37 awr yr wythnos
2 swydd: Cwnselydd,
JNC 16-19 £26,718 – £28,972 (pro rata),
42 wythnos y flwyddyn, 18.5 awr yr wythnos
Cymhorthydd Gweinyddol,
NJC GO4 £18,426 – £18,795 (pro rata),
42 wythnos y flwyddyn, 18.5 awr yr wythnos
Swyddog Cyllid,
NJC GO6 £21,166 – £22,462 (pro rata),
42 wythnos y flwyddyn, 22.2 awr yr wythnos
Os ydych chi’n mwynhau amgylchedd gwaith ddynamig ac yn frwdfrydig am gefnogi pobl ifanc i oresgyn eu rhwystrau a chyflawni eu potensial yna byddem ni wrth ein boddau’n clywed gennych. Bydd gan yr ymgeiswyr llwyddiannus brofiad o weithio gyda phobl ifanc, dealltwriaeth dda o’r system addysg leol, yn berchen ar gerbyd eu hunain ac yn gallu teithio ar draws Sir Wrecsam a Sir y Fflint fel rhan o’u gwaith dyddiol.
I wneud cais
Lawrlwythwch a llenwch y ffurflen gais PDF sydd ar gael ar y dudalen we neu, os hoffech chi gael pecyn cais, cysylltwch â’r Ganolfan Gyswllt, Stryt yr Arglwydd, Wrecsam, LL11 1LG neu ffonio: 01978 292012 or email schoolshrservicecentre@wrexham.gov.uk
Dylid dychwelyd y ffurflenni cais wedi’u cwblhau i’r Ganolfan Gwasanaethau AD,
Neuadd y Dref, Wrecsam, LL11 1AY.
Mae Cyngor Wrecsam yn croesawu ceisiadau gan ymgeiswyr cymwys beth bynnag fo’u hil, rhyw, anabledd, tueddfryd rhywiol, crefydd neu oedran.
Ariennir y swyddi uchod gan Gronfa Gymdeithasol Ewrop, fel rhan o’r prosiect ‘TRAC’ 11-24 oed ehangach sy’n weithredol ar draws Gogledd Cymru.
Derbyniwch y newyddion diweddaraf ar sgamiau, galw nôl cynnyrch a materion diogelu’r cyhoedd eraill
COFRESTRWCH FI RŴAN
