Mae Cwilt Rhyfeddod Wrecsam bellach yn 150 mlwydd oed, ac mae Llyfrgell Wrecsam yn rhoi cyfle i bawb ymuno â’r dathliadau.
O ddydd Iau, 9 Gorffennaf, tan ddydd Sadwrn, 11 Gorffennaf, bydd y llyfrgell yn cynnal cyfres o ddigwyddiadau sy’n tynnu sylw at hanes hynod o ddiddorol y Cwilt Rhyfeddod, a elwir hefyd yn Gwilt Teiliwr Wrecsam.
Mae’r dathliad yn dechrau gydag ysgolion lleol yn cael eu gwahodd i weld yr arddangosfeydd fore dydd Iau a dydd Gwener. Mae’r rhain yn cynnwys replica chwarter maint o’r Cwilt Rhyfeddod gwreiddiol a chwiltiau eraill sydd wedi’u cynhyrchu yn lleol.
Bydd digwyddiadau wedyn yn agor i bawb! Edrychwch ar y rhestr o ddigwyddiadau am ddim isod ac yna cysylltwch â’r llyfrgell i gadw eich lle.
Digwyddiadau am ddim i bawb
Dydd Iau 9 Gorffennaf
2-3pm
Bydd yr artist tecstilau enwog, Bethan Hughes, yn siarad am le cwiltio mewn byd modern.
Dydd Gwener 10 Gorffennaf
1-4pm
Bydd yr artist lleol, Rachel Harris, yn siarad am ac yn arddangos y grefft draddodiadol o Gwiltio mewn Ffrâm.
Dydd Sadwrn 11 Gorffennaf
10am-12pm
Dewch i helpu Rachel Harris ac Emily Ashworth i greu Cwilt Llyfrgell.
Dydd Sadwrn 11 Gorffennaf
2-3pm
Ymunwch â’r awdur lleol David Ebsworth a’i ffrindiau i glywed am hanes diddorol y Cwilt Rhyfeddod ei hun.
Sut i gadw lle am ddim
Mae’r rhain yn ddigwyddiadau am ddim, ond mae’n rhaid i chi gadw lle.
Os hoffai eich ysgol ymweld yn ystod sesiwn yr ysgolion, nodwch fod lleoedd yn gyfyngedig a rhaid eu cadw ymlaen llaw.
Cadwch eich lle drwy e-bostio library@wrexham.gov.uk neu ffonio 01978 292090.
