Erthygl Gwadd – Gogledd Cymru Actif
Buddsoddiad o £50,000 i ariannu gweithgareddau am ddim a digwyddiadau cymunedol yn ystod gwyliau’r haf.
Bydd cannoedd o blant a phobl ifanc ar draws Gogledd Cymru yn cael y cyfle i fynychu sesiynau chwaraeon a gweithgareddau am ddim yn ystod gwyliau’r haf wedi buddsoddiad o £50,000 gan Gomisiynydd Heddlu a Throsedd Gogledd Cymru Andy Dunbobbin a Chronfa Arloesedd Gogledd Cymru Actif. Mae’r cyllid wedi’i gefnogi gan fuddsoddiad Loteri Genedlaethol Chwaraeon Cymru.
Bydd Rhaglen Haf a Chwaraeon Actif yn darparu gŵyl gymunedol a hyd at chwe wythnos o weithgareddau am ddim yn ystod gwyliau’r ysgol, gan helpu plant a phobl ifanc i gadw’n actif, adeiladu hyder, gwneud ffrindiau newydd a mwynhau profiadau bositif yn agos i adra.
Mi fydd y rhaglen yn cael ei ddarparu gan dimau Actif ar draws y chwech awdurdod leol, bydd y rhaglen yn dod â gwasanaethau ieuenctid, clwbiau chwaraeon, ysgolion, cymdeithasau tai a sefydliadau cymunedol at ei gilydd i ddarparu gweithgareddau wedi’u teilwra i gymunedau lleol.
Gall sesiynau gynnwys gweithgareddau aml-chwaraeon, sesiynau ffitrwydd, gemau tîm ac cyfleoedd cynhwysol sy’n addas ar gyfer amrywiaeth o oedrannau a gallu.
Nod y rhaglen yw creu manau diogel a chroesawgar i blant a phobl ifanc yn ystod gwyliau’r haf tra’n agor ei llygid i bosibyliadau â chyfleoedd i fod yn actif yn eu cymunedau ymhell heibio’r gwyliau.
“Mae’r haf yn aml yn dod â mwy o amser rhydd i blant a phobl ifanc, ond heb ddigon o gyfleoedd gadarnhaol, gall hyn arwain at gynnydd mewn ymddygiad gwrthgymdeithasol. Mae pob person ifanc yn haeddu cael profiadau fel y rhai a ddarperir trwy Raglen Haf a Chwaraeon Actif. Drwy fuddsoddi mewn partneriaethau fel hyn, rydym yn creu mannau diogel, yn cryfhau rhwydweithiau, ac yn darparu gweithgareddau adeiladol drwy’r gwyliau haf. Mae’r gwaith yma yn hanfodol i leihau agwedd beryglus, gwella diogelwch cymunedol, a sicrhau bod pobl ifanc yn teimlo’n hyderus ac yn gysylltiedig. Rwy’n falch o weithio gyda Gogledd Cymru Actif i gyflwyno’r rhaglen hon ac edrychaf ymlaen at weld plant a phobl ifanc ledled Gogledd Cymru’n cael y cyfle i allu mynd allan, dod yn ffit, dysgu sgiliau newydd a chryfhau bond gyda’u ffrindiau.” Andy Dunbobbin Comisiynydd Heddlu a Throsedd Gogledd Cymru
“Mae’r Rhaglen Haf a Chwaraeon Actif yn enghraifft wych o bartneriaid ar draws Gogledd Cymru yn gweithio gyda’i gilydd i greu cyfleoedd cadarnhaol i blant a phobl ifanc. Bydd ein chwe tîm Actif, yn gweithio ar draws y chwech awdurdod lleol, yn arwain a cyflwyno’r rhaglen trwy ddod â phartneriaid a chymunedau lleol at ei gilydd i siapio gweithgareddau o amgylch anghenion a diddordebau lleol. Trwy’r dull sy’n seiliedig ar le, rydym yn gobeithio y bydd mwy o blant a phobl ifanc yn darganfod cyfleoedd i fod yn actif, adeiladu hyder a chadw’n actif yn eu cymunedau y tu hwnt i wyliau’r haf.” Peter Parry, Cadeirydd, Gogledd Cymru Actif
“Rydym am i bob person ifanc gael y sgiliau, yr hyder i fwynhau a datblygu mwynhad oes o chwaraeon. Mae rhagleni fel hyn yn helpu i ddarparu’r profiadau i roi sylfaeni gadarn i hyn.” Joanne Nicholas, Cyfarwyddwr Cymorth Cyflenwad System Chwaraeon a Chysylltiadau Chwaraeon Cymru
Bydd mwy o wybodaeth am y gweithgareddau sy’n digwydd ledled Gogledd Cymru yn cael ei rhannu trwy sianeli awdurdodau lleol a Gogledd Cymru Actif dros yr wythnosau nesaf.
