Pam prynu os gallwch fenthyg?
Ar Benthyca a Thrwsio yn Nhŷ Pawb, gallwch gael mynediad i’r hyn sydd ei angen arnoch heb wario gormod. Mae’n ffordd gost-effeithiol ac ecogyfeillgar o gael yr eitemau sydd eu hangen arnoch, yn union pryd y mae eu hangen arnoch.
O beiriannau gwnïo i offer gwersylla, offer i gyflenwadau parti, mae yna ddigon o eitemau defnyddiol y gallwch eu llogi am gost fach (o’i gymharu â’r hyn y byddech chi’n ei dalu i brynu’r eitem newydd eich hun).
Beth bynnag yw’r tywydd, beth bynnag yw’r achlysur, byddwch chi’n dod o hyd i rywbeth i helpu i wneud y gorau o’r mis sydd i ddod.
Sut mae’n gweithio
Mae’n hawdd ymuno â Benthyca a Thwsio:
- Cofrestrwch a phorwch ar-lein neu yn yr uned yn Nhŷ Pawb (angen prawf adnabod)
- Archebwch yr eitem sydd ei hangen arnoch (am gost fach)
- Casglwch hi o’r uned neu’r loceri dynodedig
- Dychwelwch hi mewn pryd – syml!
Beth sydd ar gael?
Offer glanhau swmpus – Casglwch beiriant glanhau trylwyr heb orfod prynu offer drud y byddwch chi’n ei ddefnyddio unwaith! Rhentwch offer glanhau o ansawdd uchel pan fydd ei angen arnoch.
Citiau cerdded ac offer gwersylla Dug Caeredin – Angen offer ar gyfer antur? Mae citiau ar gael, perffaith ar gyfer gwibdeithiau neu deithiau Dug Caeredin. (Gofynnwch am gyfleoedd gwirfoddoli ar gyfer credydau Dug Caeredin o fewn yr Uned Benthyca a Thwsio).
Pecynnau parti a gemau – Cynllunio parti? Benthycwch becynnau parti hwyliog a gemau awyr agored – oherwydd dylai dathliadau fod yn gyffrous, nid yn ddrud!
“Lleihau gwastraff diangen”
Dywedodd y Cynghorydd Terry Evans, Aelod Arweiniol yr Amgylchedd: “Mae gan Benthyca a Thrwsio amrywiaeth o eitemau ar gael i’w llogi am gost fach, a all fod yn ddefnyddiol os oes angen i chi ddefnyddio rhywbeth am gyfnod byr o amser yn unig. Mae’r cynllun benthyca a dychwelyd yn helpu i leihau gwastraff diangen ac yn arbed gorfod talu pris llawn am rywbeth na fydd ei angen arnoch yn aml iawn.”
Mwy na benthyca’n unig!
Gyda chymorth trwy gyllid Ffyniant Gyffredin Llywodraeth y DU, mae Cyngor Wrecsam yn gweithio gyda Benthyg Cymru, Caffi Trwsio Cymru, Lend Engine, Refurbs a Groundwork Gogledd Cymru i gyflawni’r prosiect.
Mae Benthyca a Thrwsio yn ganolbwynt ar gyfer cynaliadwyedd a chreadigrwydd. Ymunwch â ni ar gyfer gweithdai uwchgylchu neu dewch i’r Caffi Atgyweirio i ddysgu sgiliau newydd, trwsio eitemau, a lleihau gwastraff.
Pryd alla i ddod?
Mae’r uned yn Nhŷ Pawb. Yr oriau agor yw dydd Mawrth i ddydd Gwener 11.30am i 2.30pm, a dydd Sadwrn 10.30am i 3.30pm.
Mae ar cau ar ddydd Llun a dydd Sul.
Darllenwch fwy: Lansio prosiect Benthyca a Thrwsio yn Nhŷ Pawb! – Newyddion Cyngor Wrecsam
Derbyniwch y newyddion a’r wybodaeth ddiweddaraf yn syth i’ch mewnflwch.
