Fel rhan o’n hymrwymiad i wneud teithio cynaliadwy yn fwy hygyrch, rydym yn falch o gynnig atebion gwefru cyfleus a fforddiadwy i drigolion.
Rydym yn gweithio mewn partneriaeth â Costelloes i ddarparu, gweithredu a chynnal a chadw dros 140 o bwyntiau gwefru cerbydau trydan ledled y fwrdeistref sirol, ac os ydych chi’n byw yn Wrecsam gallwch gael 20% o’u defnyddio.
Gostyngiad o 20% – sut mae’n gweithio?
I fanteisio ar y gostyngiad o 20%, does ond angen i chi fynd draw i wefan Costelloes a dilyn y camau syml i wneud cais.
Yna, ar ôl i chi gwblhau’r camau hyn, byddwch yn gallu defnyddio’r Ap Clenergy i ddechrau a thalu am ostyngiad ar draws ein rhwydwaith.
“Menter gadarnhaol iawn”
Dywedodd y Cynghorydd David A Bithell, Dirprwy Arweinydd sy’n gyfrifol am newid yn yr hinsawdd: “Rydyn ni eisiau cefnogi pobl i newid i ddefnyddio cerbydau trydan, ac mae’r gostyngiad o 20% ar ddefnyddio ein gwefrwyr ar gyfer trigolion Wrecsam yn fenter gadarnhaol iawn.
“Rydyn ni’n ystyried ychwanegu hyd yn oed mwy o bwyntiau gwefru o ansawdd uchel a dibynadwy i’n rhwydwaith hefyd, a fydd yn galluogi pobl i deimlo’n fwy hyderus wrth wneud y penderfyniad i newid.”
Ble mae’r gwefrwyr?
Mae map sy’n nodi’r holl wefrwyr sydd ar gael yn Wrecsam (a gweddill y DU i’r rhai ohonoch sy’n teithio) i’w weld ar wefan neu ap zapmap.
Dim gwefrydd yn agos atoch chi?
Os ydych chi’n teimlo y byddai eich ardal leol neu eich stryd chi yn elwa o wefrydd cerbydau trydan cyhoeddus, rhowch wybod i ni drwy e-bostio decarbonisation@wrexham.gov.uk a byddwn yn asesu eich cais i weld a yw’n addas.
Glanhau’r tŷ’n drylwyr? Peidiwch ag anghofio am y Siop Ailddefnyddio – Newyddion Cyngor Wrecsam
