Mae’r Nadolig bob amser yn gyfnod prysur yn y canolfannau ailgylchu, felly mae’n syniad da iawn i drefnu eich ymweliad o flaen llaw i’w wneud mor hawdd a di-straen â phosibl.
Rydym yn gwerthfawrogi y gall y Nadolig fod yn gyfnod sy’n achosi llawer o straen beth bynnag, a’ch bod yn debygol o fod eisiau mynd i mewn ac allan o’r cyfleusterau cyn gynted â phosibl. Dyma pam mae hi’n well paratoi a chael popeth sydd ei angen arnoch yn barod o flaen llaw.
Dyma rai pethau y gallwch ei wneud cyn cychwyn sydd wir yn ein helpu, ond sydd hefyd yn ei gwneud yn gyflymach a mwy esmwyth i chi hefyd…
Didolwch eich ailgylchu cyn gadael
Didolwch y deunyddiau gwahanol cyn i chi deithio i’ch canolfan ailgylchu lleol, er mwyn sicrhau eu bod yn barod i’w taflu’n syth i’r baeau cywir. Dyma un o’r prif ffyrdd y gallwch ein helpu.
Os na fyddwch chi’n didoli eich ailgylchu cyn i chi gyrraedd, byddwch ar y safle’n hirach nag sydd angen a bydd hyn yn arafu eich ymweliad.
Dewch â dull adnabod gyda chi bob amser
Dim ond preswylwyr Wrecsam gaiff ddefnyddio ein canolfannau ailgylchu, felly pan fyddwch chi’n cyrraedd y safleoedd, gofynnir i chi ddangos dull adnabod i ni fod yn sicr eich bod yn byw yn lleol.
Cofiwch ddod â rhywbeth gyda chi i ni ei wirio a’i fod wrth law er mwyn cyflymu’r broses.
Dewch i weithio ym maes gofal cymdeithasol, er mwyn eich cymuned.
“Ceisiwch osgoi’r cyfnodau prysur lle bo’n bosibl”
Dywedodd y Cyng. David A. Bithell, Aelod Arweiniol yr Amgylchedd a Chludiant: “Mae gan lawer ohonom fwy o wastraff na’r arfer dros gyfnod y Nadolig, sy’n golygu bod y canolfannau ailgylchu yn brysurach yn gyffredinol o’i chymharu ag adegau eraill o’r flwyddyn. Pan fyddwch yn mynd i un o’r canolfannau ailgylchu, gwnewch yn siŵr bod eich dull adnabod yn barod gennych, a bod eich deunyddiau wedi’u didoli o flaen llaw yn barod i’w taflu’n syth i’r baeau cywir, gan y bydd hyn wir yn helpu i gyflymu eich ymweliad. Dylech hefyd feddwl am amseriad eich ymweliad a cheisio osgoi’r amseroedd prysur lle bo’n bosibl. Diolch.”
Oriau Agor
Lôn y Bryn, Ystâd Ddiwydiannol Wrecsam LL13 9UT
8am – 8pm
Y Lodge, Brymbo, Wrecsam LL11 5NR
9am – 4pm
Banc Wynnstay, Plas Madoc, Wrecsam LL14 3ES
9am – 4pm
Noder y bydd y tri chanolfan ail-gychu ar gau ar ddiwrnod Nadolig.
Dim deunyddiau y gellir eu hailgylchu yn y sgip gwastraff cyffredinol
Gyda mesurau Covid-19 ar waith, mae hi’n llawer anoddach i ni symud deunyddiau ailgylchadwy sydd wedi’u taflu i’r sgip gwastraff cyffredinol ar ein safleoedd, felly mae hi’n bwysig iawn sicrhau nad ydych chi’n dod ag unrhyw fagiau du allai gynnwys unrhyw ddeunyddiau y gellir eu hailgylchu.
Os byddwch chi’n dod ag unrhyw fagiau du i’r canolfannau ailgylchu, sicrhewch fod unrhyw boteli plastig, caniau ac ati sydd wedi cael eu rhoi ynddynt mewn camgymeriad yn cael eu tynnu allan ac yn cael eu rhoi gyda’ch ailgylchu ymyl palmant, neu mae modd iddynt gael eu hailgylchu yn y banciau ailgylchu yn y ganolfan ailgylchu.
Unrhyw beth i’w ailddefnyddio?
Gallwch roi eitemau i’r siop ailddefnyddio yn unrhyw un o’n tair canolfan ailgylchu; siaradwch gydag un o’n cynorthwywyr a fydd yn eich cyfeirio i’r man cywir.
Mae’r siop ailddefnyddio ar agor yn ddyddiol rhwng 9am – 4:30pm, ond bydd yn cau ar gyfer y Nadolig ar ddydd Mercher, Rhagfyr 21. Ystyriwch hyn os ydych yn cynllunio galw heibio.
Yna bydd y siop yn ail-agor yn y flwyddyn newydd ar ddydd Mawrth, 4 Ionawr.
Helpu’r siop ailddefnyddio (a gadewch i’r siop eich helpu chi) yn Nadolig hwn
Nodyn i’ch atgoffa o reolau’r ganolfan Ailgylchu
Mae nifer o amodau yn ein canolfannau ailgylchu i sicrhau bod staff a’r cyhoedd yn ddiogel. Dilynwch y 10 rheol ganlynol i gadw pawb yn ddiogel.
[button color=”” size=”large” type=”square_outlined” target=”new” link=” https://fynghyfrif.wrecsam.gov.uk/cy/service/care_jobs_in_wrexham”]DOD O HYD I SWYDDI GOFALU LLEOL[/button]
