Rydym am atgoffa ein trigolion bod yr amseroedd cau yn newid i oriau’r gaeaf ym mis Hydref mewn dwy o’r canolfannau ailgylchu gwastraff y cartref.
O fis Hydref, bydd canolfannau ailgylchu Y Lodge, Brymbo a Phlas Madog yn cau yn gynharach am 4pm. Mae’r oriau gaeaf hyn yn parhau tan fis Mawrth 2025.
Nid yw canolfan ailgylchu Lôn y Bryn yn newid ei hamseroedd gweithredu ar gyfer y gaeaf ac mae’n cau am 8pm drwy gydol y flwyddyn.
Mae amseroedd agor llawn i’w gweld isod.
- Cofrestru -
Lôn y Bryn, Ystâd Ddiwydiannol Wrecsam LL13 9UT
Oriau agor: 8am – 8pm trwy gydol y flwyddyn
Y Lodge, Brymbo, Wrecsam LL11 5NR
Oriau agor:
- Mis Mawrth 9am – 6pm
- Mis Ebrill tan Awst 9am – 8pm
- Mis Medi 9am – 6pm
- Mis Hydref tan Chwefror 9am – 4pm
Banc Wynnstay, Plas Madoc, Wrecsam LL14 3ES
Oriau agor:
- Mis Mawrth 9am – 6pm
- Mis Ebrill tan Awst 9am – 8pm
- Mis Medi 9am – 6pm
- Mis Hydref tan Chwefror 9am – 4pm
Mae’r tair canolfan ailgylchu ar agor bob dydd ac eithrio Dydd Nadolig.
Syniadau ar gyfer ymweld â’r canolfannau ailgylchu
Didolwch eich ailgylchu cyn gadael
Didolwch y deunyddiau gwahanol cyn i chi deithio i’ch canolfan ailgylchu lleol, er mwyn sicrhau eu bod yn barod i’w taflu’n syth i’r baeau cywir. Dyma un o’r prif ffyrdd y gallwch ein helpu.
Os na fyddwch chi’n didoli eich ailgylchu cyn i chi gyrraedd, byddwch ar y safle’n hirach nag sydd angen a bydd hyn yn arafu eich ymweliad.
Dewch â dull adnabod gyda chi bob amser
Dim ond preswylwyr Wrecsam gaiff ddefnyddio ein canolfannau ailgylchu, felly pan fyddwch chi’n cyrraedd y safleoedd, gofynnir i chi ddangos dull adnabod i ni fod yn sicr eich bod yn byw yn lleol.
Cofiwch ddod â rhywbeth gyda chi i ni ei wirio a’i fod wrth law er mwyn cyflymu’r broses.
Dim deunyddiau y gellir eu hailgylchu yn y sgip gwastraff cyffredinol
Os byddwch chi’n dod ag unrhyw fagiau du i’r canolfannau ailgylchu, sicrhewch fod unrhyw boteli plastig, caniau ac ati sydd wedi cael eu rhoi ynddynt mewn camgymeriad yn cael eu tynnu allan ac yn cael eu rhoi gyda’ch ailgylchu ymyl palmant, neu mae modd iddynt gael eu hailgylchu yn y banciau ailgylchu yn y ganolfan ailgylchu.
Unrhyw beth i’w ailddefnyddio?
Gallwch roi eitemau i’r siop ailddefnyddio yn unrhyw un o’n tair canolfan ailgylchu; siaradwch gydag un o’n cynorthwywyr a fydd yn eich cyfeirio i’r man cywir.
Nôl gynwysyddion ailgylchu newydd
Oeddech chi’n gwybod y gallwch chi archebu offer ailgylchu trwy ein ffurflen ar-lein ac yna ei gasglu o’r ganolfan ailgylchu o’ch dewis?
Unwaith y byddwch wedi cyflwyno’r archeb byddwch yn cael cyfeirnod ac e-bost cadarnhau, a bydd angen i chi gasglu’r cynwysyddion.
Bydd angen i chi hefyd ddangos ID sy’n cyfateb i’r wybodaeth a ddarperir ar eich ffurflen.
Byddwch yn cael 5 diwrnod i gasglu’r eitemau o’r dyddiad a archebwyd.
Os hoffech archebu offer i’w ddosbarthu neu dalu am fin gwastraff gardd neu wastraff cyffredinol newydd, defnyddiwch y ffurflen hon.
Gallwch ddarganfod mwy am ymweld â’r canolfannau ailgylchu ar ein gwefan.
