Categori: Busnes ac Addysg

Bydd gwasanaeth a’i rhedwyd gan weithredwr caeedig i ail-ddechrau’n rhannol o’r Flwyddyn Newydd.

O Ionawr 7, 2018, bydd gwasanaeth masnachol newydd yn rhan gyflenwi’r hen wasanaeth Rhif 6, a weithredir D Jones & Son, a darfodd busnes ar Ragfyr 16.

PEIDIWCH BYTH Â METHU CASGLIAD BINIAU – COFRESTRWCH AM WYTHNOSOL RŴAN.

Darparwyr y llwybr Rhif 4/4a (Wrecsam at Benycae trwy Ros) gan Fysiau Arriva bob awr, ac yn gweinyddu’r cymunedau yn Rhostyllen, Rhosllannerchrugog, Johnstown a Penycae, gan gynnwys y Stad Afoneitha.

Dywedodd y Cynghorydd David A Bithell, Aelod Arweiniol am yr Amgylchedd a Thrafnidiaeth: “Rwy’n falch iawn i gyhoeddi y bydd y gwasanaeth hwn yn ddechrau yn y Flwyddyn Newydd, ac yn darparu gwasanaeth i’r cymunedau a effeithiwyd.

“Serch hynny, rydym yn gydnabyddus a’r ffaith ni fydd y gwasanaeth newydd yn gweinyddu’r holl ardaloedd a oedd yn rhan o’r hen wasanaeth Rhif 6 a redwyd gan D Jones & Son, a gyda’r ymwybyddiaeth hynny, rydym yn parhau i ddiogelu darpariaeth am yr ardaloedd hynny, fel rhan o’n gynllun cyfwng am fysiau.”

Mae mwy o wybodaeth am y gwasanaethau 4 a 4a, gan gynnwys llwybrau ac amserlenni, ar gael ar wefan Arriva (dolen gyswllt Saesneg).

Peidiwch byth â methu casgliad biniau – cofrestrwch am wythnosol rŵan.

[button color=”” size=”large” type=”square_outlined” target=”new” link=” http://www.wrexham.gov.uk/welsh/env_services/recycling_waste_w/calendar.htm “] COFIWCH EICH BINIAU[/button]

Mae gwahoddiad i grwpiau cymunedol o ac o amgylch Wrecsam gymryd rhan mewn parêd i ddathlu’r hyn sy’n gwneud y dref mor arbennig, yn rhan o seremoni agoriadol swyddogol Tŷ Pawb.

Tŷ Pawb yw’r datblygiad newydd gwerth £4.5 miliwn yng nghanol Wrecsam.

Mae wrthi’n cael ei adeiladu ar safle hen Farchnad y Bobl, wedi’i gefnogi gan grant o £2.3 miliwn gan Gyngor Celfyddydau Cymru, £700,000 gan Lywodraeth Cymru ac £1.5 miliwn ychwanegol gan Gyngor Wrecsam, a bydd y datblygiad yn dwyn marchnadoedd, busnesau, theatrau, orielau, a llefydd i fwyta ac yfed ynghyd o dan un to yng nghanol y dref.

PEIDIWCH BYTH Â METHU CASGLIAD BINIAU – COFRESTRWCH AM WYTHNOSOL RŴAN.

Bydd drysau Tŷ Pawb ar agor i’r cyhoedd ddydd Llun y Pasg, 2 Ebrill 2018 ar Ddydd Llun Pawb – dathliad diwrnod o hyd gydag awyrgylch carnifal, yn cynnwys cerddoriaeth fyw, celfyddydau perfformio, crefftau, stondinau bwyd a diod a llu o weithgareddau ymarferol i ymwelwyr o bob oed.

Mae Dydd Llun Pawb yn dod â hen draddodiad yn ôl i Wrecsam, pan fyddai’r trigolion lleol yn heidio i’r dref am ddiwrnod o ddathlu ar y dydd Llun ar ôl marchnad flynyddol y gwanwyn.

Bydd Dydd Llun Pawb yn dechrau gyda pharêd a fydd yn dathlu popeth sy’n arbennig am Wrecsam.

Wrth symud drwy ganol tref Wrecsam wedi’i arwain gan seindorf, bydd y parêd yn cynnwys fersiynau enfawr o chwe Chofrodd newydd sbon am Wrecsam, a ddewiswyd fis Tachwedd gan y cyhoedd.

Gwahoddiad i grwpiau gymryd rhan

Bydd lle i 30 o grwpiau lleol ymuno â nhw, a phob un yn dathlu eu cyfraniad unigryw eu hunain i’r gymuned.

I gymryd rhan, rhaid i grwpiau cymunedol fod ar gael ddydd Llun, 2 Ebrill o hanner dydd tan 2.00pm, a bod ar gael i arlunydd lleol ddod i ymweld â nhw rhwng 15 Ionawr a 2 Mawrth 2018.

Bydd yr arlunydd yn eu helpu i ddylunio a chreu deunyddiau ar gyfer y parêd. Nid os angen talu ac mae pobl o bob oed, diddordeb a gallu’n cael eu hannog i gymryd rhan.

Ar gyfer y rhai hynny nad ydynt yn aelodau o unrhyw grŵp, ond a hoffai ymuno â’r parêd, bydd nifer o weithdai cyhoeddus hefyd yn cael eu cynnal.

Bydd mwy o fanylion am ddigwyddiadau’r diwrnod yn cael eu datgelu yn y Flwyddyn Newydd.

Dylai grwpiau sydd â diddordeb mewn cymryd rhan ym mharêd Dydd Llun Pawb gysylltu ag enquiries@typawb.wales cyn dydd Gwener, 22 Rhagfyr.

Dywedodd y Cynghorydd Hugh Jones, Aelod Arweiniol Cymunedau, Partneriaethau, Gwarchod y Cyhoedd a Diogelwch Cymunedol:  “Pwrpas Tŷ Pawb ydi gwasanaethu a dathlu cymuned Wrecsam ac fe fydd Dydd Llun Pawb yn ategu hynny.

“O ddewis yr enw hyd at greu’r dodrefn, mae nifer o bobl wedi cefnogi datblygiad y ganolfan o’r cychwyn cynaf, a bydd parêd anferthol i ddathlu cyfraniadau arbennig cymaint o bobl i’r dref yn ffordd wych o ddiolch iddyn nhw wrth agor y drysau!”

Peidiwch byth â methu casgliad biniau – cofrestrwch am wythnosol rŵan.

[button color=”” size=”large” type=”square_outlined” target=”new” link=” http://www.wrexham.gov.uk/welsh/env_services/recycling_waste_w/calendar.htm “] COFIWCH EICH BINIAU[/button]

Datgelwyd y chwe hoff stori am Wrecsam – yn ôl eich pleidleisiau chi!

Yn dilyn pleidlais gyhoeddus, lle pleidleisiodd 200 o bobl yn ôl rhestr fer o 25 stori ryfedd a rhyfeddol am Wrecsam, rydym yn falch iawn o ddatgelu pa straeon a ddewiswyd fel y chwech uchaf.

Bydd y chwe stori yn cael eu gwneud yn ddarnau o waith celf am Wrecsam gan chwe gwahanol artist, a fydd ar gael i’w prynu ar Ddydd Llun Pawb – diwrnod agoriadol Tŷ Pawb – ar 2 Ebrill.

Mae tîm Oriel Wrecsam/Tŷ Pawb wedi ymgymryd â misoedd o ymgynghori er mwyn darganfod beth mae’r cyhoedd yn credu i fod y straeon mwyaf diddorol i gynrychioli Wrecsam. Roedd y 25 stori yn amrywio o fod yn bartïon stryd gwyllt, enillydd Miss World, i gelc anferth o friciau Lego a gladdwyd o dan y dref.

Yr un mwyaf poblogaidd, gyda 23% o’r pleidleisiau yw treftadaeth Cymraeg ein tref, a sbardunodd ddychymyg y cyhoedd. Fel dywedodd Hannah Wright, a rannodd ei stori gyda ni, “Mae’r Gymraeg yn berthnasol, yn draddodiadol, yn gyfredol ac yn ddiwylliannol.”

Mae’r rhestr gyflawn o’r chwe stori fuddugol, gan gasglu 89% o’r holl bleidleisiau fel y ganlyn:

• Stori 20 (23% o’r pleidleisiau) – ‘Yr iaith Gymraeg’
• Stori 7 (13%) –    ‘Byd bach’ – Dim ots lle ewch chi yn y byd, mae’n ymddangos fel y byddwch o hyd yn cyfarfod rhywun o Wrecsam!
• Stori 22 (13%) – ‘Bywyd ymroddedig i eraill: Marjorie Dykins’
• Stori 25 (11%) – ‘Croeso i Wrecsam: Croesawu’r Byd’
• Stori 1 (10%) –    ‘Clwb Pêl-droed Wrecsam: Clwb i achub bywydau!’
• Stori 24 (9%) –    ‘Y dref sy’n gwneud!’

Byddwn nawr yn dyrannu artist yr un, a ddatgelon ni’r mis ddiwethaf, i’r chwe stori  – Sophia Leadill, John Merrill, Marcus Orlandi, Nicholas Pankhurst, Martha Todd a Bedwyr Williams.

Bydd yr artistiaid yn cynhyrchu prototeip i gofio, yn seiliedig ar y stori a ddyrannwyd iddynt ar gyfer agoriad Tŷ Pawb a’r parêd Dydd Llun Pawb, ddydd Llun 2 Ebrill, 2018.

Dywedodd y Cynghorydd Hugh Jones, Aelod Arweiniol Cymunedau, Partneriaethau, Gwarchod y Cyhoedd a Diogelwch Cymunedol: “Dw i’n falch iawn o weld bod pobl Wrecsam wedi pleidleisio ar y straeon hyn a ddewiswyd i’w cynrychioli fel rhan o Ddydd Llun Pawb – ac mae’n arbennig o ddymunol gweld bod yr un mwyaf poblogaidd yn seiliedig ar dreftadaeth Cymraeg y dref.”

“Dw i’n sicr nad ydw i ar fy mhen fy hun pan ddwedaf fy mod i’n edrych ymlaen at weld beth fydd ein hartistiaid yn ei gynhyrchu ac yn ei ddatgelu ar Ddydd Llun Pawb.”

Yn ddiweddar cafodd rhai o ddisgyblion ysgol gynradd y cyfle i weld eu hanes lleol gyda’u llygaid eu hunain pan ddaeth arddangosfa deithiol Amgueddfa Wrecsam i ymweld â’u hysgol.

Daeth arddangosfa deithiol o Amgueddfa Wrecsam i ymweld â phlant o Ysgol Gynradd Wirfoddol Bronington a Gynorthwyir, i arddangos darnau arian o Gasgliad Bronington, o’r 15fed ganrif.

Mae’r daith yn rhan o brosiect Yn Gudd yn y Gororau Amgueddfa Wrecsam ac mae wedi ei hariannu gan brosiect Hel Trysor: Hel Straeon Cronfa Dreftadaeth y Loteri mewn cydweithrediad ag Amgueddfa Genedlaethol Cymru.

PEIDIWCH BYTH Â METHU CASGLIAD BINIAU – COFRESTRWCH AM WYTHNOSOL RŴAN.

Mae’r darnau arian hyn yn dyddio’n ôl i’r 15fed Ganrif. Canfuwyd y darnau hyn, ynghyd â modrwy aur a saffir, gan ddarganfyddwyr metel, wedi’u claddu yn ardal Whitewall.

Mae’r darnau arian yn dyddio o deyrnasiad Edward I i Edward IV. Claddwyd y casgliad yn fwriadol tua’r flwyddyn 1465 – er nid ydym yn gwybod pwy gladdodd y casgliad na pham.

Mae’r ymweliad gan Amgueddfa Wrecsam yn dilyn misoedd o waith gan Ysgol Gynradd Wirfoddol Bronington a Gynorthwyir a fu’n cyflawni prosiectau ar y darnau arian ac yn ysgrifennu cerdd am y canfyddiadau yn gynharach yn ystod y flwyddyn academaidd.

“Hynod ddiolchgar i Amgueddfa Wrecsam”

Dywedodd Angela Birkinshaw, Pennaeth Ysgol Gynradd Wirfoddol Bronington a Gynorthwyir: “Roeddwn yn falch iawn ein bod wedi llwyddo i gael y darnau arian i’r ysgol ac rwyf yn hynod ddiolchgar i Amgueddfa Wrecsam a phawb a fu’n rhan o’r prosiect am sicrhau bod y plant yn cael cyfle i weld y darnau arian gyda’u llygaid eu hunain.

“O ystyried bod yr ysgol yn agos iawn at fan lle canfuwyd y darnau arian yn wreiddiol, roedd yn bwysig iawn bod y disgyblion yn cael cyfle i ddysgu mwy am hanes yr ardal gyfagos, a hynny yn eu hysgol eu hunain.

Ychwanegodd Mrs Birkinshaw: “Rwyf hefyd yn falch bod cynrychiolwyr o Amgueddfa Wrecsam wedi bod wrth law i roi syniad i’r plant o arwyddocâd y casgliad.

“Roedd y plant wedi mwynhau’r diwrnod yn fawr iawn, yn ogystal â’r cyfle i weld y darnau arian a’u llygaid eu hunain – nid pawb sy’n cael cyfle i weld arteffactau o bwysigrwydd hanesyddol.”

Dywedodd y Cynghorydd Hugh Jones, Aelod Arweiniol Cymunedau, Partneriaethau, Gwarchod y Cyhoedd a Diogelwch Cymunedol: “Braf yw gweld bod disgyblion Ysgol Gynradd Wirfoddol Bronington a Gynorthwyir wedi cael cyfle i weld y darganfyddiadau hanesyddol a phwysig hyn gyda’u llygaid eu hunain ac rwyf yn falch bod y plant wedi croesawu’r arddangosfa â brwdfrydedd.”

Peidiwch byth â methu casgliad biniau – cofrestrwch am wythnosol rŵan.

[button color=”” size=”large” type=”square_outlined” target=”new” link=” http://www.wrexham.gov.uk/welsh/env_services/recycling_waste_w/calendar.htm “] COFIWCH EICH BINIAU[/button]