Categori: Busnes ac Addysg

Mae set o gofroddion newydd sbon, yn dathlu atgofion arbennig trigolion Wrecsam, i’w chynhyrchu fel rhan o’r trefniadau ar gyfer agor y gofod newydd ar gyfer y celfyddydau, marchnadoedd a diwylliant yn y dref, Tŷ Pawb.

Drwy gydol y chwe mis diwethaf, mae cannoedd o bobl Wrecsam wedi rhannu eu storïau am y dref, drwy sgyrsiau mewn siopau coffi, gweithdai mewn ysgolion a stondinau mewn gwyliau stryd, a hefyd drwy gysylltu ar-lein.

Mae’r broses hon wedi datguddio hanesion am Wrecsam sydd heb eu clywed o’r blaen, a llawer o hoff ffeithiau, golygfeydd, seiniau a hyd yn oed arogleuon o’r dref!

DYWEDWCH WRTHYM SUT RYDYCH CHI’N MEDDWL Y DYLEM NI ARBED £13M. LLENWCH YR HOLIADUR RŴAN.

Y rhain fydd yr ysbrydoliaeth i gynhyrchu 6 chofrodd newydd a fydd ar gael i’w prynu yn Tŷ Pawb, pan fydd yn agor yn Ebrill 2018.

Meddai Jo Marsh, Cyfarwyddwr Creadigol Tŷ Pawb: “Bydd Tŷ Pawb yn lle i’r gymuned gyfan ddod at ei gilydd, a bydd y set o gofroddion newydd sbon, fydd wedi’i hysbrydoli gan bobl Wrecsam ac yn dathlu holl ragoriaethau’r dref, yn dangos hynny i’r dim.

“Rydyn ni wedi cael ein cyfareddu gan y storïau a glywson ni. Maen nhw wedi gwneud i ni wenu , chwerthin, ac wedi dod ag ambell ddeigryn i’r llygad. Nid prosiect hanes oedd hwn, ond cyfle i ddatgelu’r pethau bach sy’n ei wneud yn lle mor arbennig i gynifer o bobl, ac rydyn ni’n ysu am gael rhannu’r storïau rydyn ni wedi’u casglu, a’n cofroddion newydd sbon, gyda phawb!”

Rhai o’r storïau a gasglwyd yw honno am y pencampwr bocsio Johnny Basham yn helpu bachgen ysgol i werthu papurau newydd yn y 1930au, un am gladdu miliynau o frics LEGO yn ddwfn o dan y dref i’w cadw rhag eu dinistrio, un am flaidd-ddynion yn crwydro strydoedd Wrecsam ac, wrth gwrs, atgofion lu am gic rydd Mickey Thomas!

Nawr bydd y cyhoedd yn cael cyfle i bleidleisio ar restr fer o 20 o’r storïau gorau a rannwyd, er mwyn penderfynu ar y chwe chofrodd a fydd yn cael eu cynhyrchu’n broffesiynol. Mae’r bleidlais yn cael ei chynnal nawr, a bydd yn cau ar Tachwedd 25.

Er mwyn pleidleisio, ac i gael rhagor o wybodaeth, ewch i’r gwefan hon.

Bydd y cofroddion newydd yn cael eu datgelu yn nigwyddiad agoriadol Tŷ Pawb, Dydd Llun Pawb, ar Ddydd Llun y Pasg, Ebrill 2il, 2018, a bydd holl fanylion y digwyddiad yn cael eu cyhoeddi cyn hir.

Llenwch ein holiadur rŵan, a sicrhewch eich bod chi’n dweud eich dweud am yr arbedion arfaethedig i’r gyllideb.

[button color=”” size=”large” type=”square_outlined” target=”new” link=”http://www.yourvoicewrexham.net/KMS/elab.aspx?noip=1&CampaignId=453&SessionId=7W3XW8KTF6&language=cy”]DYWEDWCH EICH DWEUD[/button] [button color=”” size=”large” type=”square_outlined” target=”new” link=”http://newyddion.wrecsam.gov.uk”]GADEWCH I BOBL ERAILL BENDERFYNU[/button]

Mae Wrecsam yn dref gyda hanes marchnad cryf a llawer o asedau hanesyddol gwych.

Rydym hefyd yn gwneud defnydd o orffennol Wrecsam fel tref marchnad drwy ddatblygu Tŷ Pawb, datblygiad celfyddydau, marchnad a chymuned newydd.

Ond rydym hefyd yn gweithio ar gais am arian fydd – os yn llwyddiannus – yn gweld hyd yn oed mwy o gyfoeth pensaernïol y dref yn dod yn ôl yn fyw, a  gwneud defnydd o asedau gorau’r hen Wrecsam i helpu i ddatblygu Wrecsam y dyfodol.

DYWEDWCH WRTHYM SUT RYDYCH CHI’N MEDDWL Y DYLEM NI ARBED £13M. LLENWCH YR HOLIADUR RŴAN.

Byddwn yn cyflwyno cais am arian Treftadaeth Treflun i Gronfa Dreftadaeth y Loteri yn fuan, fydd yn helpu i ddatblygu’r amgylchedd hanesyddol amlwg o fewn Ardal Gadwraeth Canol Tref Wrecsam.

Bydd y cynllun yn canolbwyntio ar rai o asedau hanesyddol cryfaf yng nghanol tref Wrecsam.

Mae prif elfen o’n cais yn ceisio rhoi cyfle i berchnogion adeiladau, pobl leol, asiantiaid, penseiri a chontractwyr i hyfforddi ac uwchsgilio ar gyfer adfer adeiladau hŷn a defnyddio sgiliau adeiladu traddodiadol.

Rydym hefyd yn gweithio gyda’n partneriaid i ddatblygu rhaglen hyfforddi gynhwysfawr a hygyrch i gefnogi pobl Wrecsam ddatblygu eu sgiliau a chael mynediad i gyflogaeth.

Cyflwynir cais i Gronfa Dreftadaeth y Loteri ym mis Rhagfyr ar gyfer Cynllun Treftadaeth Treflun.

Rydym yn gobeithio y bydd cais Cam 1 yn llwyddiannus, ac os felly, gallwn lunio cais Cam 2, fydd yn mynd i Gronfa Dreftadaeth y Loteri yn Ebrill 2019.

Os bydd pob dim yn mynd yn iawn, gall gwaith ddechrau ar ganol y dref erbyn yr hydref 2019.

Os yn llwyddiannus, byddai Cronfa Dreftadaeth y Loteri yn darparu arian i berchnogion adeilad i roi cyfle iddynt wella edrychiad a defnydd o’u heiddo yn sylweddol drwy waith addasu, ailosod nodweddion traddodiadol a gollwyd a gwneud gwaith atgyweirio hanfodol.

Byddai perchnogion hefyd yn cael cyfle i helpu i adfywio canol y dref drwy wneud defnydd o adeiladau gwag a ddim yn cael eu defnyddio a lloriau uchaf.

Byddai’n rhoi cyfle i ni roi cyhoeddusrwydd i gymeriad pensaernïol amlwg canol y dref a chyfannu rhaglenni cyfredol eraill sy’n ystyried adfywio canol y dref.

Rydym yn gwybod y bydd gan lawer o bobl ddiddordeb yn y prosiect hwn – mae yna lawer o waith da yn cael ei wneud yng nghanol y dref ar hyn o bryd, a bydd perchnogion adeiladau yn arbennig o awyddus i glywed beth fyddai’r prosiect yn ei olygu iddyn nhw a’u heiddo – ac yn fwy cyffredinol, adfywio canol tref Wrecsam.

Gwahoddir perchnogion a deiliaid adeiladau yng Nghanol y Dref i ddigwyddiad gwybodaeth yn Ystafell Gyfarfod 1, Neuadd y Dref, Wrecsam rhwng 3pm a 7pm ddydd Llun, 6 Tachwedd.

Bydd swyddogion wrth law i drafod y cais ac i ateb cwestiynau cyffredinol, felly os oes gennych ddiddordeb, byddai yna groeso i chi fod yn bresennol.

Dywedodd y Cynghorydd Terry Evans, Aelod Arweiniol Perfformiad Economaidd ac Adfywio: “Os yn llwyddiannus, mae’r cais hwn yn gyfle gwych i Wrecsam ar gyfer ei adfywio yn y dyfodol.

“Mae gennym lawer o asedau hanesyddol gwych o fewn yr Ardal Gadwraeth ac mae’r gobaith y byddant yn cael eu hadfywio a gwneud defnydd masnachol o’r rhai nad ydynt yn cael eu defnyddio, yn addawol iawn.

“Rwy’n gobeithio’n fawr y bydd y cais hwn yn llwyddiannus ac rwy’n ddiolchgar iawn i’r swyddogion sydd wedi cyfrannu am eu holl waith.”

Llenwch ein holiadur rŵan, a sicrhewch eich bod chi’n dweud eich dweud am yr arbedion arfaethedig i’r gyllideb.

[button color=”” size=”large” type=”square_outlined” target=”new” link=”http://www.yourvoicewrexham.net/KMS/elab.aspx?noip=1&CampaignId=453&SessionId=7W3XW8KTF6&language=cy”]DYWEDWCH EICH DWEUD[/button] [button color=”” size=”large” type=”square_outlined” target=”new” link=”http://newyddion.wrecsam.gov.uk”]GADEWCH I BOBL ERAILL BENDERFYNU[/button]

Bydd uwch aelodau Cyngor Wrecsam yn trafod cynigion ar gyfer “cais twf” ar draws y rhanbarth a allai ddenu mwy na £200m o gyllid i Ogledd Cymru.

Bydd pob un o chwe awdurdod Gogledd Cymru yn gweithio ar y cais twf, gyda’r nod o roi cyllid a phwerau sydd eu hangen i’r ardal i roi hwb i’r economi ar draws y rhanbarth.

Bydd uwch aelodau o Gyngor Wrecsam yn trafod y cais twf rhanbarthol mewn cyfarfod o’r Bwrdd Gweithredol yfory.

GALLWCH GAEL NEWYDDION A GWYBODAETH AR UNWAITH GAN GYNGOR WRECSAM GYDA FY NIWEDDARIADAU.

Yn ogystal â’r cais ei hun, bydd hyn hefyd yn amlinellu sut bydd pob un o chwe awdurdod lleol Gogledd Cymru yn cydweithio ar y cais, gyda’r nod o’i gyflwyno i awdurdodau yng Nghaerdydd a Llundain.

Mae manylion llawn beth gaiff ei drafod yn y Bwrdd Gweithredol ar gael yma.

Beth yw cais twf?

Gyda faint o fuddsoddiad maen nhw’n ei gyflwyno a faint o waith sydd angen ei wneud i’w bodloni, gall ceisiadau twf edrych braidd yn gymhleth.

Ond nod bargeinion twf yw darparu cyllid, rhyddid a phwerau i ranbarthau sydd eu hangen arnynt i roi hwb wedi’i gydlynu iddynt.

Maen nhw’n gweld ardaloedd yn cael mwy o gyfrifoldeb am y penderfyniadau sy’n effeithio arnyn nhw, a darpariaeth cyllid gan y llywodraeth.

Mae prosiectau tebyg, sydd eisoes wedi cael sylw ar draws y wlad, yn cynnwys Pwerdy Gogledd Lloegr, Bargen Rhanbarth Dinas Bae Abertawe a Bargen Rhanbarth Prif Ddinas Caerdydd.

“Cyfle gwych”

Dywedodd Mark Pritchard, Arweinydd Cyngor Wrecsam: “Mae’r cais twf yn gyfle gwych i Ogledd Cymru ac i ni yn Wrecsam.

“Er bod llawer o botensial gwych, mae angen rhagor o fuddsoddiad cyn y gallwn ei ddatgloi go iawn a manteisio arno. Byddai rhoi’r pwerau ychwanegol sydd eu hangen arnom i ni, a’n helpu i gyflawni beth fyddai gyfwerth â £200m mewn cyllid i’r ardal, yn hwb cadarnhaol iawn i Wrecsam.

“Rwy’n edrych ymlaen at drafod y cais twf yn y Bwrdd Gweithredol.”

Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.

[button color=”” size=”large” type=”square_outlined” target=”new” link=”http://www.wrexham.gov.uk/welsh/user_register_w/register_w.cfm”]COFRESTRWCH FI[/button]

Newyddion da oedd clywed fod prosiect treftadaeth mawr wedi llwyddo i gael dros £800,000 gan gronfa genedlaethol.

Cafodd cais rownd gyntaf Ymddiriedolaeth Dreftadaeth Brymbo am gyllid i symud ei brosiect enfawr ymlaen, gan wneud defnydd o nodweddion hanesyddol anhygoel Brymbo i adfywio, ei gymeradwyo gan Gronfa Dreftadaeth y Loteri yn gynharach y mis hwn.

Rydym wedi sôn am yr Ymddiriedolaeth Dreftadaeth yn y blog o’r blaen – gan gynnwys cefnogaeth a roddwyd iddo yn ddiweddar gan Gyngor Wrecsam trwy gyfrwng benthyciad o £170,000.

Nod yr Ymddiriedolaeth yw creu atyniad i ymwelwyr, canolfan addysg a lleoliad llawn bwrlwm o’r enw Ardal Dreftadaeth Brymbo trwy adfer adeiladau diwydiannol sy’n weddill a chloddio’r Goedwig Ffosiliau gerllaw ym Mrymbo.

GALLWCH GAEL NEWYDDION A GWYBODAETH AR UNWAITH GAN GYNGOR WRECSAM GYDA FY NIWEDDARIADAU.

Bu Bwrdd Ymddiriedolwyr Cronfa Dreftadaeth Y Loteri yn ystyried cais yr Ymddiriedolaeth y mis ddiwethaf gan ddewis ei gefnogi er gwaethaf cystadleuaeth frwd o bob cwr o’r DU.

Bydd y dyfarniad hwn yn galluogi’r Ymddiriedolaeth i ddod ag amrywiaeth lawn o weithwyr proffesiynol dylunio, peirianneg a chyfreithiol sydd eu hangen i roi cynigion costau llawn at ei gilydd, cyn yr ail gyfnod ymgeisio ar ddiwedd 2019.

Os bydd y cais hwnnw yn llwyddiannus bydd y gwaith adeiladu yn dechrau yn 2020 a bydd y cyfleusterau yn agor flwyddyn yn ddiweddarach.

Mae’r Ymddiriedolaeth wedi’i sefydlu gan aelodau o Grŵp Treftadaeth Brymbo i symud y prosiect ymlaen, ac enillodd statws elusennol ym mis Awst eleni.  Mae’r Ymddiriedolaeth wedi ennill bron i £2m gan gangen arall o’r Loteri Genedlaethol – Y Loteri Fawr – i ddatblygu cyfres o dirweddau cyn-ddiwydiannol ym Mrymbo a’r cyffiniau, ac mae newydd gyflwyno cais am £1.1m i ddatblygu’r gwaith o ailwampio adeilad y Siop Peiriannau Gwaith Dur y flwyddyn nesaf.

Dywedodd y Cynghorydd Hugh Jones, Aelod Arweiniol Cymunedau, Partneriaethau, Gwarchod y Cyhoedd a Diogelwch Cymunedol: “Mae hwn yn newyddion ardderchog a hoffwn longyfarch Ymddiriedolaeth Treftadaeth Brymbo am gyflawni hyn.

“Ni ellir gorbrisio pwysigrwydd asedau hanesyddol ac archeolegol Brymbo. Mae’r goedwig ffosiliau o bwys byd-eang, heb sôn am arwyddion amlwg treftadaeth ddiwydiannol yr ardal, gan gynnwys Gwaith Dur Brymbo.

“Mae’r cyfleoedd sy’n codi o adfywio trwy dreftadaeth yn addawol iawn, ac rwy’n gobeithio fod hyn yn nodi dechrau cyfnod llwyddiannus iawn a phrosiect boddhaol i ardal Brymbo.”

Meddai’r Cynghorydd Paul Rogers, aelod arweiniol ar gyfer Brymbo: “Mae hwn yn newyddion gwych – mae pawb yn y Prosiect Treftadaeth wedi rhoi oriau o waith caled dros y blynyddoedd diwethaf.

“Nid yw’n rhywbeth sydd wedi dechrau’n ddiweddar ac aeth llawer o waith i mewn i baratoi’r cais hwn i sicrhau ei lwyddiant – ac mae pawb yn y prosiect yn haeddu cael eu llongyfarch am eu hymdrechion.

“Rwy’n siŵr y bydd y prosiect hwn o fudd enfawr i Frymbo.”

Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.

[button color=”” size=”large” type=”square_outlined” target=”new” link=”http://www.wrexham.gov.uk/welsh/user_register_w/register_w.cfm”]COFRESTRWCH FI[/button]

Mae staff a phlant ym Meithrinfa Ddydd Caego yn Wrecsam yn hapus iawn ar ôl clywed y newyddion eu bod wedi derbyn Gwobr Genedlaethol y Cynllun Cyn-ysgol Iach a Chynaliadwy gan Lywodraeth Cymru.

Mae’r wobr yn golygu eu bod wedi llwyddo i ddangos eu bod wedi cyflawni camau gweithredu sy’n ymdrin ag ystod eang o faterion iechyd gan gynnwys maeth ac iechyd y geg, gweithgaredd corfforol, chwarae egnïol, iechyd meddwl ac emosiynol, lles a pherthnasoedd, yr amgylchedd, diogelwch, hylendid ac iechyd a lles yn y gweithle.

Hefyd maent wedi ennill gwobr “Boliau Bach” fel cydnabyddiaeth o’r bwyd gaiff ei weini yn y feithrinfa. Mae ganddynt fan awyr agored gwych i blant chwarae a dysgu yn ogystal â safonau uchel o ran diogelwch a hylendid.

GALLWCH GAEL NEWYDDION A GWYBODAETH AR UNWAITH GAN GYNGOR WRECSAM GYDA FY NIWEDDARIADAU.

Dywedodd Nerys Bennion, Swyddog Cyn-Ysgolion Iach Cyngor Wrecsam:

“Mae Meithrinfa Ddydd Caego wedi dangos fod iechyd a lles cyffredinol plant a staff ar frig yr agenda. Mae amgylchedd y feithrinfa yn hyfryd y tu mewn a’r tu allan. Maent wedi croesawu pob menter sydd ar gael i wella iechyd a lles y feithrinfa i sicrhau fod y profiad i’r staff a’r plant yn hynod o arbennig. Rwy’n siŵr y byddant yn parhau i hyrwyddo amgylchedd iach a hapus ar gyfer y plant a fydd yn derbyn eu gofal yn y dyfodol.”

Dywedodd Gemma Walsh, Goruchwyliwr y Feithrinfa:

“Rydym yn credu fod y cynllun hwn wedi bod o fudd i’r staff a’r plant drwy ddod â’r holl wybodaeth ynghyd. Rydym yn falch iawn o’r llwyddiant hwn ac eisiau diolch i Nerys Bennion am ei chefnogaeth drwy gydol y cyfnod.”

Yn y llun mae (chwith-dde) Jac Cain, Dyfan Jones, Lilyanna Forrestor, Bertie Mills, Gemma Walsh, Barney Evans

Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau

[button color=”” size=”large” type=”square_outlined” target=”new” link=”http://www.wrexham.gov.uk/welsh/user_register_w/register_w.cfm”]COFRESTRWCH FI[/button]