Y mis hwn, llwyddodd Cyngor Wrecsam i erlyn aelod o’r cyhoedd am adael cerbyd yn y fwrdeistref sirol.
Nid oedd y preswylydd o Wrecsam yn bresennol yn y llys, ond gorchmynnwyd iddo dalu dirwy o £660, gordal llys o £264 a chostau o £346 ar ôl i’r drosedd gael ei phrofi yn ei absenoldeb.
Adroddwyd bod y car wedi’i adael, felly cymerodd Cyngor Wrecsam reolaeth arno, ei symud ac yna ei ddinistrio ar ôl sawl ymgais i gysylltu â’r perchennog.
Dywedodd y Cynghorydd David A Bithell, yr aelod arweiniol dros yr amgylchedd: “Dyma’r tro cyntaf i Gyngor Wrecsam erlyn am y math hwn o drosedd ac rwy’n falch ein bod wedi gallu datrys y mater ac adennill y costau y bu’n rhaid eu cymryd o arian cyhoeddus.
“Mae hyn yn dangos bod y cyngor yn cymryd y mater o gerbydau wedi’u gadael o ddifrif ac, os nad yw ymdrechion i gysylltu â pherchennog y car yn llwyddo, y byddwn yn cymryd y camau angenrheidiol.”
Derbyniwch y newyddion a’r wybodaeth ddiweddaraf yn syth i’ch mewnflwch.
