Gydag ychydig dros wythnos i fynd tan y bydd ail gymal Taith Prydain Merched 2024 yn cyrraedd Wrecsam, dyma grynodeb i chi o’r hyn y gallwch ei weld a’i wneud ar y diwrnod.
Bydd 15 tîm i’w gweld ar y llinell gychwyn ar Stryt Caer (y tu allan i Adeiladau’r Goron) ac mae disgwyl i’r beicwyr adael oddeutu 11am i gyfeiriad cylchfan Ffordd Powell. Disgwylir iddynt gyrraedd yn ôl i ganol y ddinas oddeutu 3.15pm ar hyd Stryt y Twtil.
Pentref y Daith – Taith Prydain Merched 2024
Tra bo’r ras yn cael ei chynnal, fe fydd yna Bentref Taith Prydain yn Llwyn Isaf a fydd yn cynnwys sioe gampau BMX ynghyd â gweithgareddau eraill. Gallwch ddarllen mwy am y sioe yma – Fe fydd yna sioe gampau BMX yn cael ei chynnal yn Llwyn Isaf pan fydd Wrecsam yn llwyfannu Taith Prydain Merched 2024
Yn yr un modd â phob digwyddiad mawr, fe fydd yna gyfyngiadau ffyrdd a pharcio ar waith a gallwch ddarllen y cyfan am y rhain yma – Mai 2024 – Taith Prydain Merched – manylion am gau ffyrdd a meysydd parcio yng nghanol y ddinas
- Cofrestru -
Os nad ydych chi’n gyfarwydd â chanol y ddinas rydym wedi llunio canllaw defnyddiol ynglŷn â beth i’w wneud, lle i fwyta ac ymweld yn ystod eich ymweliad. Mae yna fwy o fanylion am hynny yma Ymweld â chanol dinas Wrecsam am y tro cyntaf? Beth i’w wneud a ble i fynd…
Meddai’r Cynghorydd Nigel Williams, Aelod Arweiniol yr Economi ac Adfywio, “Rydym ni’n paratoi ar gyfer ras gyffrous ac rydw i’n edrych ‘mlaen at fod yng nghychwyn a diwedd Cymal 2 yma yng nghanol dinas Wrecsam.
“Gobeithio y daw pawb allan i’w cefnogi nhw ar hyd y llwybr ac y bydd y rhai sydd yng nghanol y ddinas yn manteisio ar bopeth sydd ar gael ar y diwrnod. Mae’r Sioe Gampau BMX yn argoeli i fod yn ddigwyddiad difyr a chyffrous iawn a bydd yn helpu i basio’r oriau tra y bydd y ras yn cael ei chynnal o amgylch Wrecsam a’r dalgylch.
Llwybr ras Taith Prydain Merched 2024:
Cymal 1 – Dydd Iau 6 Mehefin 2024: Y Trallwng i Landudno
Cymal 2 – Dydd Gwener 7 Mehefin 2024: Wrecsam
Cymal 3 – Dydd Sadwrn 8 Mehefin 2024: Warrington
Cymal 4 – Dydd Sul 9 Mehefin 2024: Manceinion Fwyaf: Canolfan Feicio Genedlaethol i Leigh
Derbyniwch y newyddion a’r wybodaeth ddiweddaraf yn syth i’ch mewnflwch
Efallai yr hoffech chi hefyd ddarllen – Taith Prydain Merched – gwybodaeth am barcio a chau ffyrdd 6/7 Mehefin 2024
