Mwy na £7 miliwn yn cael ei roi i fusnesau a phrosiectau lleol

Y mis hwn, dyfarnwyd £7,158,162 i bum cronfa allweddol a 24 o brosiectau yn Wrecsam fel rhan o’r rownd ddiweddaraf o grantiau Grŵp Rhanddeiliaid y Gronfa Ffyniant Gyffredin (CFfG).

Cynnwys

Cronfeydd Allweddol Prosiectau

Gwahoddwyd busnesau, sefydliadau a chymunedau lleol i wneud cais am grantiau yn amrywio o £50,000 i £700,000 i gefnogi eu twf a’u hyfywedd.

Roedd yn rhaid i geisiadau gyd-fynd ag un o flaenoriaethau buddsoddi cymuned a lleoedd, gan gefnogi busnes lleol, neu bobl a sgiliau. Roedd gan bob blaenoriaeth bum thema a 12 is-thema ac roedd angen i geisiadau ddangos sut y byddai’r prosiect yn mynd i’r afael ag o leiaf un thema ac un is-thema.

Yn ogystal â’r grantiau CFfG hyn, dyfarnwyd pum cronfa allweddol fel y gall prosiectau llai gael mynediad at gyllid hefyd. Gellir gwneud cais am y grantiau llai hyn (llai na £50,000) drwy broses ymgeisio symlach.

Dywedodd y Cynghorydd Mark Pritchard, Arweinydd Cyngor Wrecsam: “Rydym yn falch iawn o gyhoeddi bod y cwmnïau isod wedi derbyn Grantiau CFfG. Mae nifer o feini prawf i’w bodloni i fod yn llwyddiannus ac edrychwn ymlaen at weld eu prosiectau yn dwyn ffrwyth.

“Bydd y grantiau llai, y gwneir cais amdanynt drwy’r pum cronfa allweddol a restrir isod, yn golygu y bydd busnesau, sefydliadau a chymunedau lleol sy’n ceisio symiau llai o gymorth yn gallu manteisio ar y cynllun hwn hefyd, ac rwy’n eu hannog i wneud cais.”