Ydych chi’n awyddus i fod yn ffit erbyn yr haf?
Rydym yn gwybod fod digonedd o bobl yn hoffi bod yn ffit yn ystod misoedd yr haf, yn arbennig wrth i’r tywydd gynhesu.
Gyda hynny mewn golwg, bydd ein partneriaid o ‘Freedom Leisure’ – sy’n cynnal ein canolfannau hamdden a gweithgaredd yn Y Byd Dŵr, Y Waun, Gwyn Evans a Queensway, a phum canolfan aml-ddefnydd – yn lansio cynnig i helpu pobl fynd i’r afael â ffitrwydd yn ystod yr haf.
Heini ar Gyfer yr Haf
O heddiw (ddydd Gwener, 14 Gorffennaf), bydd holl gyfleusterau Freedom Leisure yn cynnal ymgyrch ffitrwydd blynyddol Heini ar Gyfer yr Haf am gyfnod cyfyngedig.
Yn ystod yr ymgyrch, bydd cyfle i chi fynd i’r bum canolfan hamdden a gweithgareddau, tri phwll nofio a mwy na 100 o ddosbarthiadau dros 30 diwrnod – am £25 yn unig.
Ac yn hyd yn oed gwell – bydd pawb sy’n cofrestru ar gyfer yr ymgyrch yn cael eu rhoi mewn raffl fawr i ennill mis ychwanegol ar y cynllun am ddim, gyda chwe enillwr yn cael eu dewis; felly mae hyd yn oed fyw o gymhelliad i gofrestru!
Cymerwch olwg yma i weld y Telerau ac Amodau llawn.
Darganfyddwch beth sy’n gweithio i chi
Pan mae’n dod i fyw yn iach, nid yw popeth yn gweithio i bawb – ac nid yw pawb yn chwilio am yr un canlyniadau.
Dyna’r rheswm ein bod ni eisiau rhoi cyfle i chi gael blas ar amrywiaeth o bethau i weld beth sy’n gweithio i chi.
“Rhowch gynnig arni”
Dywedodd y Cyng. Andrew Atkinson, Aelod Arweiniol Gwasanaethau Ieuenctid a Gwrthdlodi, sydd â chyfrifoldeb dros Hamdden: “Rydym yn gwybod bod nifer o bobl, am lawer o resymau, ddim yn hoff o fynd i’r gampfa neu gymryd rhan mewn unrhyw fath o ymdrech ffitrwydd wedi’i drefnu – er eu bod nhw’n awyddus i gadw’n ffit a chymryd rhan mewn ymarfer corff.
“Mae digonedd ar gael ar safleoedd ‘Freedom Leisure’, a hoffem roi cyfle i bobl roi cynnig ar bethau gwahanol i weld beth sy’n gweithio iddyn nhw.
“Bydd yr ymgyrch Heini ar Gyfer yr Haf yn gyfle gwych iddyn nhw gael blas ar bethau gwahanol a gweld a oes unrhyw beth yr hoffent gymryd rhan ynddo yn y tymor hir – ac yn helpu tuag at gadw’n ffit ar gyfer yr haf.”
Cysylltwch â ni
Am fwy o wybodaeth am yr ymgyrch Heini ar Gyfer yr Haf, cysylltwch â ni ar
Y Byd Dŵr: 01978 297300
Y Waun: 01691 778666
Gwilym Evans: 01978 269540
Queensway: 01978 355826
Neu dilynwch y ddolen hon i gofrestru eich diddordeb.
A fydd angen cludiant i’r ysgol arnoch ym mis Medi? Gwnewch gais ar-lein rŵan
[button color=”” size=”large” type=”square_outlined” target=”new” link=” https://admissions.wrexham.gov.uk/CitizenPortal_Live/Account/Login?ReturnUrl=%2FCitizenPortal_Live%2F%E2%80%9D”] GWNEWCH GAIS AR-LEIN RŴAN [/button]
