Fel y gwyddoch, oherwydd y tywydd cynnes yn ystod yr wythnosau diwethaf, rydym wedi bod yn gofyn i drigolion roi eu biniau a’u deunyddiau ailgylchu allan i’w casglu yn gynharach.
Er mwyn osgoi unrhyw ddryswch, dylai trigolion roi eu cynwysyddion gwastraff allan i’w casglu erbyn 6am trwy gydol mis Awst. Yn ddelfrydol, dylech eu rhoi allan y noson cynt.
Bydd y casgliadau’n dychwelyd i’r amser gwreiddiol o 7.30am o fis Medi ymlaen.
Dywedodd y Cynghorydd David A Bithell, Dirprwy Arweinydd ac Aelod Arweiniol dros yr Amgylchedd: “Er mwyn gwneud pethau’n gliriach i drigolion, rydym yn gofyn iddynt baratoi eu biniau a’u deunyddiau ailgylchu i’w casglu am 6am yn ystod mis Awst. Diolchwn i bawb am eu dealltwriaeth yn ystod y tywydd cynnes rydym wedi bod yn ei brofi.”
Gallwch dderbyn gwybodaeth ac argymhellion ailgylchu yn syth i’ch mewnflwch.
