Mae’r gwasanaeth ar gael yn yr ardaloedd canlynol:
Parc Caia
Hightown
Plas Madoc
Cefn Mawr
Penycae
Rhos
Southsea
Brymbo
Gwersyllt
Llai
Felly os hoffech fynd yn ôl i weithio, ond angen arweiniad i’r cyfeiriad cywir, ffoniwch un o’n Swyddfeydd Cymunedau am Waith 01978 802418 (os ydych ym Mharc Caia neu Hightown) neu 01978 820520 os ydych yn un o’r pentrefi eraill a restrwyd.
Tîm dynodedig yw Cymunedau dros Waith sy’n cynnig mentora un i un a chymorth i ddod o hyd i waith i bobl mewn ardaloedd Cymunedau yn Gyntaf sy’n wynebu rhwystrau cymhleth o ran cael mynediad i gyflogaeth neu addysg. Gall y rhwystrau hyn gynnwys problemau iechyd, gofal plant, dyled, tai, diffyg sgiliau a bod wedi’u dal yn y ‘trap budd-daliadau’.
Gallwn helpu pobl i ennill y sgiliau sylfaenol sydd eu hangen arnynt er mwyn symud tuag at gyflogaeth. Rhaglen Llywodraeth Cymru yw Cymunedau dros Waith a gefnogir gan Gronfa Gymdeithasol Ewrop, gan weithio mewn partneriaeth â Chanolfan Byd Gwaith.
Derbyniwch newyddion a gwybodaeth gan Gyngor Wrecsam yn syth bin drwy Fi Niweddariadau.
Ar hyn o bryd mae Gwasanaeth Atgyweiriadau Tai Cyngor Wrecsam yn recriwtio gweithwyr adeiladu cymwys mewn sawl crefft wahanol, gan gynnwys plastrwyr, plymwyr nwy a llafurwyr.
Mae’r Gwasanaeth Atgyweiriadau Tai Ymatebol yn rhan o Adran Economi a Thai Cyngor Wrecsam ac mae’r gwasanaeth hwn yn cyflawni gwaith atgyweirio a chynnal a chadw ar dai’r Cyngor.
Mae’r Tîm o fewn y gwasanaeth yn sicr yn un ardderchog i fod yn rhan ohono
Gyda 11,200 eiddo i’w cynnal a’u cadw ac oddeutu 1000 eiddo gwag i’w codi i safon y gellir eu gosod bob blwyddyn ar draws y fwrdeistref sirol, mae’r Gwasanaeth Atgyweirio Tai yn hynod brysur, ymatebol ac amrywiol ac mae’r Tîm o fewn y gwasanaeth yn sicr yn un ardderchog i fod yn rhan ohono.
Mae’r swyddi hyn â thelerau ac amodau da iawn, megis gweithio hyblyg, 23 diwrnod o wyliau blynyddol, cynllun pensiwn awdurdod lleol a chyflog misol gwarantedig, mae’r swyddi’n sicr yn werth eu hystyried.
Efallai y bydd cyfleoedd ar gael i hyfforddi ymhellach ac ennill rhagor o gymwysterau fel rhan o’r swydd.
“Rwy’n cael gweithio ar brosiectau gwahanol mewn eiddo gwahanol ledled y Fwrdeistref Sirol…”
Isod, mae saer, a gafodd ei recriwtio’n ddiweddar, yn egluro pam ei fod yn mwynhau gweithio i’r Gwasanaeth Atgyweiriadau:
“Mae fy swydd yn cynnwys ymweld ag eiddo’r cyngor ac mae’n rhaid i mi fynd i’r afael â phob math o waith coed, megis gwneud drysau, fframiau, cloeon, ffenestri, grisiau a gosod ceginau mewn eiddo gwag. Ymgeisiais am swydd gyda’r Cyngor oherwydd bod ganddo enw da ac roeddwn hefyd yn ymwybodol ei fod yn sefydliad o safon a byddwn yn cael cyfle i ddysgu mwy o sgiliau a hybu fy rhagolygon gyrfa. Mae’n dîm da iawn i weithio iddo. Mae awyrgylch gwaith da yna ac rwyf wir yn mwynhau’r amrywiaeth. Rwy’n cael gweithio ar brosiectau gwahanol mewn eiddo gwahanol ledled y Fwrdeistref Sirol ac felly mae’r swydd bob amser yn ddifyr.”
Dywedodd yr Aelod Arweiniol Tai, y Cynghorydd David Griffiths: “Mae nifer o gyfleoedd gwaith ar gael ar hyn o bryd. Mae hwn yn gyfle i weithio â thîm prysur a phrofiadol a bydd posibilrwydd o hyfforddiant pellach a chymwysterau i’w hennill yn y dyfodol, felly, byddwn yn annog unrhyw un sydd â diddordeb yn y gwaith i edrych ar hysbysebion swyddi’r cyngor a chyflwyno ei gais cyn gynted â phosib.
I gael rhagor o wybodaeth, ewch i wefan y Cyngor i weld y swyddi gwag sydd ar gael.
Get instant news and info from Wrexham Council with a MyUpdates.
Gallwch gael newyddion a gwybodaeth gan Gyngor Wrecsam gyda Fy Niweddariadau.
Mae cyfle cyffrous i un person ar gael yn ein Tîm Rheoli Adeiladu – tîm sydd wedi hen ymsefydlu ac sydd â pharch mawr tuag ato.
Maen nhw angen Syrfëwr Rheoli Adeiladu dan Hyfforddiant sy’n frwdfrydig, yn weithiwr caled, sy’n gallu ei gymell ei hun ac sy’n canolbwyntio ar ei yrfa.
Bydd angen i ti fod â diddordeb mewn adeiladu a rheoliadau adeiladu a bod yn barod i ddysgu ac astudio i fod yn Syrfëwr Rheoliadau Adeiladu cwbl gymwys.
Mae’r cyflog yn cychwyn ar £15,014 a bydd angen i ti fod â 5 TGAU.
A oes gennyt ti ddiddordeb? Cysyllta â Dave Sharp i gael sgwrs anffurfiol ar 01978 298876.
Dyddiad Cau 11 Awst 2017 – Cyflog Cychwynnol £15,807.
Am fanylion ynglŷn â sut i wneud cais, clicia’r ddolen yma
[button color=”” size=”large” type=”square_outlined” target=”new” link=”tel://01978298876″]FFONIWCH AR EICH FFÔN SYMUDOL[/button]
Dyma Rob Clarke, mae’n masnachu ym Marchnad y Cigyddion ac mae wedi bod yno ers 11 mlynedd, sy’n hysbyseb ardderchog ar gyfer bod yn fasnachwr annibynnol yn Wrecsam.
Mae Rob yn briod, a chanddo ddau o blant bach, ac mae’n gwneud ei fywoliaeth trwy werthu DVDs a Blu Ray o’i siop “Mad4Movies” sy’n darparu ar gyfer pob oed a chwaeth. Mae hefyd yn gwerthu rhai DVDs ar-lein er nad dyma ei brif fusnes gan fod yn well ganddo gael cyswllt wyneb yn wyneb a’i gwsmeriaid.
Felly, pam mae Rob yn hoffi masnachu yn y Farchnad?
“Mae pobl Wrecsam yn gyfeillgar iawn ac rwy’n cael cyfarfod llawer ohonynt sydd bob amser yn fodlon aros a sgwrsio. Mae cymuned ardderchog yma hefyd gan fod pawb yn helpu ei gilydd a’r masnachwyr yn gwneud yn dda â’i gilydd. Rydym fel un siop fawr a dweud y gwir.
“Mae masnachu ym Marchnad y Cigyddion yn wych ac ni fyddwn yn ystyried symud gan y byddai hynny’n effeithio ar fy nghostau. Mae pobl yn gwybod lle rydw i ac rwy’n gwybod llawer am fy musnes felly gallaf eu helpu pan na fyddant yn cofio enw ffilm.”
Gwnaethom ofyn iddo pa gyngor y byddai’n ei roi i fasnachwr newydd
“Gall masnachwyr newydd ddysgu llawer gan y masnachwyr yma. Pan ddechreuais i, cefais help gan Dîm Llinellfusnes y Cyngor oedd yn llawer iawn o gymorth i mi, ac mi wnes i hefyd wrando ar gyngor y masnachwyr hŷn, sefydledig. Mae’n rhaid i fasnachwyr newydd hefyd fod yn barod i ymrwymo’r oriau a dod i adnabod eu cynnyrch fel y gallant ei werthu yn hyderus.”
Gwnaethom ofyn i Rob a oedd ganddo unrhyw gyngor ynglŷn â hysbysebu. Dyma beth oedd ganddo i’w ddweud.
“Cyfryngau cymdeithasol yw ffrind gorau’r masnachwr ar gyfer hysbysebu”
“Nid wyf wedi gorfod defnyddio hysbysebion costus ac rwyf wedi cael fy synnu ar yr ochr orau gyda phŵer cyfryngau cymdeithasol, yn enwedig Facebook. Mae am ddim a dyma ffrind gorau’r masnachwr ar gyfer hysbysebu ac mae’n gymharol hawdd i adeiladu cynulleidfa a fydd yn fuan iawn yn dechrau rhyngweithio â chi. Bydd llawer o fy nghwsmeriaid yn dod o hyd i mi ar-lein ac yn gofyn i mi a oes gen i ffilmiau penodol, felly mae’n ddefnyddiol iawn iddyn nhw.
Mae ymweliad sydyn â siop Rob yn dangos pam y mae ei fusnes wedi bod yn boblogaidd ers cymaint o flynyddoedd. Mae ei silffoedd twt yn cynnig ystod eang o DVDs o’i deitl mwyaf cofiadwy, “Attack of the Lederhosen Zombie” i amrywiaeth eang o ffilmiau “Carry On”, o ffilmiau newydd i hen ffilmiau western. Mae hefyd yn fodlon dod o hyd i DVDs i gwsmeriaid pan nad yw’r DVD penodol ganddo yn ei stoc.
Mae gennym rai stondinau ar gael ym Marchnad y Cigyddion ac os oes gennych ddiddordeb mewn cymryd y camau cyntaf i fasnachu mewn marchnad, edrychwch ar ein erthygl flaenorol:
“Ydych chi awydd masnachu ym Marchnad y Cigyddion?”
Os ydych chi o ddifri’n ystyried bod yn fasnachwr marchnad, ffoniwch ein Tîm Marchnadoedd rŵan ar 01978 292545.
[button color=”” size=”large” type=”square_outlined” target=”new” link=”tel://01978292545″]FFONIWCH AR EICH FFÔN SYMUDOL[/button]
Mae newyddion gwych i ganol y dref gan fod y ffigurau newydd yn dangos bod niferoedd yr ymwelwyr wedi cynyddu 6% i oddeutu 77,000 o ymwelwyr yr wythnos. Casglwyd y ffigurau ar hyd Stryd yr Hôb rhwng mis Ebrill a mis Gorffennaf eleni.
Hefyd mae’r ffigurau yn dangos mai dydd Sadwrn yw’r diwrnod prysuraf o ran pobl yn y dref, gyda’r uchafbwynt oddeutu hanner dydd.
Yn dilyn dadansoddiad o berfformiad Stryd Fawr Wrecsam gan Brifysgol Metropolitan Manceinion yn ôl yn 2014, cynigiwyd nifer o argymhellion a’r llynedd, sefydlwyd grŵp llywio newydd canol tref newydd i weithredu’r cynllun 25 pwynt ar gyfer y dref.
Un o’r amcanion hyn oedd edrych ar ffyrdd o gynyddu nifer yr ymwelwyr, drwy fentrau megis gwella golwg y dref ynghyd â datblygu digwyddiadau newydd. Mae’r data o’r peiriant cyfrif electronig newydd a osodwyd ar Stryd yr Hôb wedi bod yn bwydo cyfrifiadau wythnosol i’r tîm Rheoli Canol Tref.
Mae’r dref wedi cael ei hybu gan wyliau stryd misol a digwyddiadau cymunedolts
Roedd y Cynghorydd Terry Evans, Aelod Arweiniol Economi yn falch o weld y data diweddaraf. Dywedodd
“Mae’r tîm canol tref a’r grŵp llywio wedi gweithio’n galed eleni i sicrhau bod y dref a’n marchnadoedd yn cael eu blaenoriaethu o ran golwg a chael eu hyrwyddo’n dda. Ynghyd â digwyddiadau conglfaen fel parêd Dydd Gŵyl Dewi, yr ŵyl fwyd a’r Farchnad Nadolig Fictoraidd – mae’r dref wedi ei hybu gan y gwyliau stryd fisol a digwyddiadau cymunedol sy’n cael eu cynnal yn rheolaidd drwy’r dref i gyd.”
Mae Wrecsam yn un o’r saith tref sydd wedi ei ddewis i gymryd rhan yn y Prosiect Arloesi, y prosiect 2 flynedd gan y llywodraeth i dracio gwerthiannau a nifer yr ymwelwyr yn Wrecsam. Yn ogystal â’r peiriant cyfrif nifer yr ymwelwyr, mae data gwerthiant yn cael eu casglu gan ddwsin o fusnesau ar draws canol y dref bob wythnos. Mae’r data hwn yn edrych ar newid % mewn gwerthiannau wythnosol a hefyd ar newid % mewn gwerthiannau o un flwyddyn i’r llall.
Mae’r busnesau sy’n cymryd rhan ar hyn o bryd yn y prosiect wedi’u lledaenu ar draws canol y dref ac mae eu ffigurau gwerthu (wedi’u rhoi fel canran cynnydd neu leihad) yn cael eu cyflwyno bob dydd Mercher. Mae’r tîm canol tref yn prosesu’r data ac yn dychwelyd ag adroddiad gwerthiannau i bob busnes yn dangos sut mae eu gwerthiannau wedi bod yn erbyn canol y dref. hefyd maent yn cael golwg cyffredinol o werthiannau a nifer yr ymwelwyr yn Wrecsam.
Mae swyddogion o Gyngor Bwrdeistref Sirol Wrecsam yn awr yn gobeithio gosod peiriannau cyfrif ychwanegol mewn rhannau eraill o’r dref fel y maent yn parhau i gasglu rhagor o wybodaeth i gefnogi mentrau yn y dyfodol, ac yn natblygiad y dref fel lleoliad cystadleuol.
Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.
Mae prosiectau adeiladu ar draws Gogledd Cymru yn hynod boblogaidd â’r economi leol gan fod mwy a mwy o bobl ifanc yn sicrhau hyfforddiant a chyflogaeth drwy’r prosiectau hyn.
Gall pobl ifanc nad ydynt mewn gwaith, hyfforddiant neu addysg gymryd rhan mewn rhaglen hyfforddiant “Get into Construction” a drefnir gan Ymddiriedolaeth y Tywysog a Fframwaith Adeiladu Gogledd Cymru.
Un unigolyn a gymerodd ran yn y rhaglen hon yw Christian Davies o Acton, Wrecsam sydd bellach wedi llwyddo i sicrhau swydd llawn amser â’r contractwr Wynne Construction yn adeiladu’r cyfleuster celfyddydau a marchnad newydd gwerth £4.5 miliwn yng nghanol y dref.
Yn ddiweddar, mynychodd Christian gyflwyniad gwobrau yn Wrecsam ac fe dderbyniodd ei dystysgrif.
“Mae’r cynllun hwn wedi bod yn ddewis ardderchog i mi. Roeddwn i’n arfer hawlio budd-daliadau a chefais wybod am y cynllun drwy’r Ganolfan Waith. Roedd y cwrs yn amrywiol ac roedd cyfle i ddysgu mewn amgylchedd dosbarth yn ogystal â gweithio ar y safle. Roedd y cwrs yn ddiddorol iawn ac yn llawn hwyl, rwyf wedi llwyddo i sicrhau swydd llawn amser felly rwyf ar ben fy nigon. Rwyf wedi mwynhau gweld pawb eto heddiw. Roedd rhaid i ni wneud cyflwyniad byr ac roeddwn yn eithaf nerfus am hynny.
(Christian Davies, Thomas Morris, Jonathon Rowe, Alleisha Carey, Gavin Ansonia, James Newnes gyda’r Cynghorydd Phil Wynn).
Roedd y Cynghorydd Phil Wynn, Aelod Arweiniol Addysg hefyd yn bresennol i longyfarch pawb a gymerodd ran. Dywedodd::
“Pleser o’r mwyaf oedd gweld a chlywed am lwyddiant y prosiect hwn, braf yw clywed am hanesion pobl ifanc wedi iddynt adael yr ysgol a symud ymlaen i fyd hyfforddiant neu gyflogaeth. Rwyf yn llwyr gefnogi’r Fframwaith a gobeithiaf ei weld yn mynd o nerth i nerth.”
Rhaid diolch i “Fframwaith Adeiladu Gogledd Cymru” am yr holl gyfleoedd hyn, mae’r fframwaith hefyd wedi derbyn canmoliaeth yn ddiweddar gan arweinwyr diwydiant. Crëwyd y Fframwaith yn 2014, ac ers hynny mae wedi darparu dull cost effeithiol i ganfod contractwyr i adeiladu ysgolion newydd ac adeiladau sector cyhoeddus eraill, yn ogystal â darparu buddion ar gyfer busnesau is-gontractio lleol a chymunedau.
“Crëwyd 29 o swyddi newydd parhaol”
Mae’r buddion i economi Gogledd Cymru yn cynnwys mwy na 7,800 awr o brofiad gwaith, 29 o swyddi parhaol newydd wedi’u creu ar gyfer unigolion di-waith, roedd 8,800 o ddisgyblion yn rhan o’r digwyddiadau ymgysylltu a 30 o leoliadau gwaith wedi’u sicrhau ar gyfer unigolion nad ydynt mewn cyflogaeth, addysg neu hyfforddiant, mewn partneriaeth ag Ymddiriedolaeth Y Tywysog.
Cynhelir y Fframwaith gan Gyngor Sir Ddinbych.
Dewch i wybod mwy am y prosiect hyfforddi hwn yn eich Canolfan Waith leol.
Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.
Ydych chi erioed wedi ystyried masnachu ar eich pen eich hun ond ddim yn siŵr lle i gychwyn? Os felly, mae gennym stondinau marchnad ar gael ym Marchnad y Cigyddion a allai fod yn lleoliad perffaith i chi gychwyn masnachu.
Mae stondinau ar gael o £10.00 y dydd am y 2 fis cyntaf. Dim ond £55.00 yr wythnos ydi hynny, ac mae stondinau llai ar gael am £30.00 yr wythnos!
Dywedodd y Cynghorydd Terry Evans, Aelod Arweiniol Datblygu Economaidd ac Adfywio:
“Mae hyn yn gychwyn gwych i ddechrau busnes ar gyfer unrhyw un sydd yn chwilio am gyfle i gyrraedd y farchnad ond sydd efallai yn nerfus am arwyddo cytundeb ymrwymiad tymor hir. Mae’r cyfraddau yn arbennig o gystadleuol a’u bwriad yw annog masnachwyr newydd mewn i ganol y dref. Gyda’r cyfleusterau celfyddydau a’r farchnad yn agor y gwanwyn nesaf, mae hwn yn gyfle cyffrous i fod y masnachu yn y farchnad yn Wrecsam.
Felly os ydych chi awydd mynd gam ymhellach, ffoniwch y tîm Marchnadoedd: 01978 292545 neu fel arall ffoniwch 01978 667000 i gael gwybod mwy.
Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.
‘Os ydych am gyrraedd unrhyw le mewn bywyd, rhaid i chi ddarllen llawer o lyfrau’ Roald Dahl
Ni allem fod wedi dweud hyn yn well ein hunain!
Mae gwaith ymchwil yn dangos bod oedran darllen plant yn tueddu i ostwng dros wyliau’r haf, dyma ffordd syml i gynnal neu wella perfformiad darllen eich plentyn!
Am y 18fed flwyddyn yn olynol, bydd Sialens Ddarllen yr Haf yn dod i’ch llyfrgell leol ac eleni, bydd Asiantwyr Anifeiliaid yn dod hefyd!
Mae’r digwyddiad am ddim hwn yn herio’ch plentyn i ddarllen chwe llyfr yn ystod gwyliau’r haf ac ymweld â’r llyfrgell o leiaf deirgwaith. Bob tro byddant yn mynd i’r llyfrgell, byddant yn cael gwobrau am y llyfrau maent wedi eu darllen hyd yma gyda medal fel y wobr olaf!
Gall unrhyw blentyn ysgol gynradd gymryd rhan, y cyfan mae angen iddynt ei wneud yw ymuno â’r llyfrgell (dim ond prawf o gyfeiriad sydd ei angen arnynt, a dyna ni!) ac oeddech chi’n gwybod, os yw eich plentyn ym Mlwyddyn 4 ac yn byw yng Nghymru, eu bod yn aelod yn awtomatig? Gofynnwch yn ysgol eich plentyn neu yn eich llyfrgell leol i gael rhagor o wybodaeth am fenter Pob Plentyn yn Aelod o’r Llyfrgell!
Mae hefyd llawer o bethau i’w gwneud ar-lein er mwyn i’ch plentyn gael mwy o’r sialens. Yn summerreadingchallenge.org.uk gall eich plentyn chwarae gemau, rhoi cynnig ar gystadlaethau, defnyddio’r adnodd didoli llyfrau i ddod o hyd i lyfrau newydd i’w darllen, a sgwrsio am y llyfrau rydych wedi eu darllen.
Felly, pwy sydd wedi peintio’r graffiti ar wal y llyfrgell? Pam mae pethau’n mynd ar goll? Am beth ydyn ni’n sôn? Ymunwch â Sialens Ddarllen yr Haf i gael gwybod…!
Derbyniwch newyddion a gwybodaeth gan Gyngor Wrecsam yn syth bin drwy Fi Niweddariadau.
Mae yna newyddion da i ganol tref Wrecsam, gyda’r cyhoeddiad bod y gr?p ystadau a leolir ym Manceinion, MRC Property wedi prynu’r adeilad mawr ar Sgwâr Henblas.
Roedd y safle, sy’n cysylltu â’r hen siop T J Hughes ac yn rhedeg ar draws Sgwâr Henblas, wedi colli ei siop BHS ym mis Awst y llynedd, ar ôl i’r siop gadwyn genedlaethol fynd i ddwylo’r gweinyddwyr ynghynt yn yr haf.
Roedd cangen Swyddfa’r Post, siop deganau The Entertainer ac Evans clothing yn yr adeilad hefyd.
Mae Adran Tai ac Economi’r Cyngor wedi gweithio’n galed gydag MCR ers i’r cwmni gyfnewid ar y safle i edrych ar denantiaid posibl.
Cynhelir sgyrsiau pellach i drafod y cyfleoedd ar gyfer y safle hwn o ran adfywio rhan allweddol o’r dref.
“Falch iawn o’r ffydd a ddangosir yng nghanol tref Wrecsam”
Croesawodd y Cynghorydd Terry Evans, Aelod Arweiniol Datblygu Economaidd ac Adfywio Cyngor Wrecsam y newyddion bod y cytundeb ar y safle wedi’i gwblhau.
Dywedodd y Cynghorydd Evans: “Pan aeth BHS i ddwylo’r gweinyddwyr, roedd yn amlwg yn newyddion trist iawn i’r stryd fawr ar draws y DU.
“Mae’r amser a’r tueddiadau yn newid ar draws y wlad, ac nid Wrecsam fydd yr unig dref sy’n gorfod newid gyda nhw. Rydym yn falch iawn bod MCR wedi penderfynu rhoi eu ffydd yng nghanol tref Wrecsam, a buddsoddi yng nghanol y dref”.
Dywedodd llefarydd am MCR: ‘Mae caffael Sgwâr Henblas yn ychwanegiad cyffrous at ein portffolio manwerthu sy’n ehangu’n gyson.
“Fel busnes, rydym wedi gweld llwyddiant blaenorol gydag adnewyddu asedau dirwasgedig, a thrwy weithio ar y cyd â Chyngor Wrecsam, rydym yn hyderus y gallwn ddarparu adnodd cymysg i’r ardal sy’n cyd-fynd â Phrif Gynllun cynhwysfawr Canol y Dref.’
Prif Gynllun Canol y Dref
Yn Ebrill 2016, mabwysiadodd Cyngor Wrecsam ei Brif Gynllun Canol Tref – rhywbeth sy’n dangos sut mae’r cyngor eisiau i’r dref ddatblygu yn y dyfodol.
Ychwanegodd y Cynghorydd Evans: “Roedd y Prif Gynllun yn gwneud pwysigrwydd Stryt Henblas a Sgwâr Henblas yn amlwg iawn, felly mae’n wych gweld yr addewid o ddatblygiad newydd yn y rhan honno o’r dref.”
“Rydym bob amser wedi dweud bod y rhan hon o’r dref yn hanfodol, gan ffurfio canol y dref draddodiadol ynghyd â’r Stryd Fawr, Stryt Siarl, Stryt y Rhaglaw, Stryt yr Hôb a Stryt Caer.”
Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.
Mae economi Wrecsam wedi cael hwb diolch i bartneriaeth lwyddiannus rhwng Cyngor Wrecsam a busnes lleol.
Mae RW Hough & Sons Ltd, sydd wedi’u lleoli yng Nghaergwrle, yn gwneud gwaith i wella stoc dai Cyngor Wrecsam ar hyn o bryd.
Mae’r gwaith yn rhan o brosiect moderneiddio mawr y Cyngor i sicrhau bod ei stoc dai yn cyrraedd Safon Ansawdd Tai Cymru Llywodraeth Cymru erbyn 2020.
Mae’n ofynnol i’r holl gontractwyr sy’n gwneud gwaith gwella tai i’r Cyngor ymrwymo i gynlluniau Buddiannau Cymunedol. Mae hyn er mwyn sicrhau y gall yr economi leol gael y budd mwyaf posibl o’r buddsoddiad a wneir yn y prosiect moderneiddio tai.
Perthynas lwyddiannus
Mae Ian Nash (Cyfarwyddwr, RW Hough & Sons) yn esbonio sut mae eu partneriaeth â’r Cyngor wedi bod o fudd i Wrecsam:
“Rydym wedi datblygu perthynas lwyddiannus yn gweithio gyda Chyngor Wrecsam ar ei raglen foderneiddio tai yn ddiweddar. Rydym wedi cynnal gwaith Inswleiddio waliau allanol ac ail-doi ar eiddo yn Acton a Choedpoeth, yn ogystal â phlastro ceginau ac ystafelloedd ymolchi newydd.
“Yn ystod y cyfnod o waith yma o waith, roeddwn yn rhentu gofod swyddfa ym Mhlas Pentwyn, Coedpoeth, cyfleuster a ddefnyddir yn eang yn y gymuned.
“Rydym yn cyflogi tua 50 o weithwyr, y maen nhw i gyd yn byw yn sir Wrecsam. Mae prentis modern wedi ymuno â ni hefyd, Chloe Nash, sy’n astudio yng Ngholeg Cambria, ac rydym wedi rhoi profiad gwaith i ddau fyfyriwr, hefyd o Goleg Cambria. Rydym hefyd wedi gwneud defnydd llawn o gyfleusterau lleol, gan brynu nwyddau gan fusnesau lleol a defnyddio siopau a gorsafoedd petrol lleol ac ati.
“Yn ogystal â’r buddion economaidd hyn, mae ein partneriaeth gyda Chyngor Wrecsam wedi arwain at nifer o brosiectau cymunedol llwyddiannus.
“Rydym wedi rhoi rhodd i Gartref Plant Tapley yn Acton drwy wneud gwaith adnewyddu i’r ardd weithgareddau.
“Rydym hefyd wedi cwblhau ardal o waith ar y adeilad Dechrau Deg ym Mharc Caia ac wedi cymryd rhan mewn gweithgareddau Diwrnod Agored yng Nghoedpoeth ac Acton i roi cyfle i denantiaid lleol ddod i drafod y gwaith sy’n cael ei wneud ar eu heiddo.
“Mae rhoi rhywbeth cadarnhaol i’r cymunedau rydym yn gweithio ynddyn nhw wedi bod yn flaenoriaeth i ni ac rydym yn falch iawn o’r hyn rydym wedi gallu ei wneud diolch i’n partneriaeth gyda Chyngor Wrecsam.”
Aelodau staff RW Hough & Sons: Somyot Khankaeo, Matthew Smullen, Chloe Nash (Prentis Modern), Geraint W. Jones, Geraint O Jones, Martin Hough
Mae Cyngor Wrecsam yn buddsoddi £54m, y swm mwyaf erioed, ar waith gwella tai yn 2017/18.
Mae hyn yn cynnwys grant Lwfans Atgyweiriadau Mawr £7.5m gan Lywodraeth Cymru i gefnogi cyflawniad Safon Ansawdd Tai Cymru.
Mae’r gwelliannau’n cynnwys cynnig cegin ac ystafell ymolchi newydd i’r holl denantiaid, os yw’n ofynnol iddynt gyrraedd Safon Ansawdd Tai Cymru. Mae gwelliannau mewnol ac allanol eraill megis systemau gwres canolog newydd, ailweirio trydanol ac ynysu waliau allanol hefyd yn cael eu gwneud i eiddo sydd angen y gwaith.
Mae’r buddsoddiad wedi arwain nifer o gynlluniau Mantais Gymunedol llwyddiannus, gan gynnwys contractwyr y cyngor yn cymryd dros 60 o brentisiaid.
Mae dros 70 o staff wedi cael cyflogaeth lawn neu ran amser a dros £63,000 wedi cael ei roi fel arian parod neu mewn nwyddau i sefydliadau neu brosiectau yng Nghymru.
Meddai’r Aelod Arweiniol Tai, y Cynghorydd David Griffiths: “Dyma’r drydedd flwyddyn yn olynol i ni dorri’r record am fuddsoddi mewn gwella ein stoc tai cymdeithasol. Rydym yn moderneiddio cartrefi tenantiaid ar draws y fwrdeistref sirol ac mae’n hanfodol bod cymaint o’r buddsoddiad hwn â phosibl yn dod yn ôl i’n heconomi leol a’n cymunedau.
“Rwy’n falch iawn ein bod wedi gallu datblygu partneriaethau llwyddiannus gyda nifer o fusnesau lleol a bod cyfleoedd gyrfa a chyfleusterau cymunedol wedi elwa o ganlyniad.”
Gallwch ddarganfod mwy am Manteision Cymunedol a Safon Ansawdd Tai Cymru ar wefan y cyngor.
Gallwch gael newyddion a gwybodaeth gan Gyngor Wrecsam gyda Fy Niweddariadau.
