Categori: Busnes ac Addysg

Byddwch yn debygol o fod yn ymwybodol o ddigwyddiadau Dydd Llun Pawb, lle bydd traddodiad dydd Gŵyl Banc yn Wrecsam yn cael ei atgyfodi ar gyfer Tŷ Pawb.

Bydd y ganolfan £4.5 miliwn, a ariennir ar y cyd gan Gyngor Wrecsam a Chyngor Celfyddydau Cymru, yn dod ag elfen newydd i Ganol Tref Wrecsam, gan ddwyn y celfyddydau ac arddangosfeydd diwylliannol ynghyd at farchnadoedd traddodiadol y dref.

Bydd digon o adloniant ar Ddydd Llun Pawb, fydd yn nodi agor cyfleuster newydd y celfyddydau, marchnadoedd a chymunedau.

GALLWCH GAEL NEWYDDION A GWYBODAETH AR UNWAITH GAN GYNGOR WRECSAM GYDA FY NIWEDDARIADAU.

Ond rydym eisoes yn edrych y tu hwnt i’r diwrnod agor.

Mae rhaglen gyfan o arddangosfeydd eisoes wedi eu trefnu ar gyfer blwyddyn gyntaf Tŷ Pawb, sy’n cynnwys:

• Wal Pawb – gosodiad celf mawr gan yr artist Katie Cuddon
• Dydd Llun Pawb ei hun, ac arddangosfa ddilynol yn dangos llwyddiant y digwyddiad
• “Ai’r Ddaear yw Hon?” arddangosfa grŵp yn edrych ar ddyfodol ein planed o safbwynt amgylcheddol, wedi ei dwyn ynghyd gan y curadur annibynnol Angela Kingston
• Bydd Wrecsam Agored yn dychwelyd, lle all unrhyw un, waeth be fo eu hoedran neu eu cefndir, gyflwyno gwaith celf.
• Gwaith Sifft – arddangosfa o waith gan artistiaid o gymuned y Sipsiwn, Romani a Theithwyr
• Tair arddangosfa deithiol sy’n cynnwys arddangosfeydd proffil uchel gan Gasgliad Cyngor y Celfyddydau a’r Cyngor Crefft. Bydd yr enwau enwog a phoblogaidd yn yr arddangosfeydd hyn yn cael eu cyhoeddi yn fuan iawn.
• Bydd “Cymunedau Gwehyddu” (teitl gweithio) yn arddangosfa fyw a gynhelir o flaen ac yn ystod arddangosfa’r Cyngor Crefft.

Bydd yr oriel hefyd ar agor i ofodau arddangos o’r enw “gofodau rhydd” – yn y cyfnodau rhwng arddangosfeydd sefydlog, bydd rhannau o’r oriel ar gael i grwpiau cymunedol neu randdeiliaid i arddangos eu gwaith eu hunain.

Dywedodd Mark Pritchard, Arweinydd Cyngor Wrecsam: “Mae llawer o ddiddordeb wedi bod o ran beth fydd Tŷ Pawb yn ei gynnig i Wrecsam, ac mae pobl eisoes yn edrych ymlaen at Ddydd Llun Pawb.

“Rydym yn gwybod y bydd yr agoriad a dyddiau cynnar y cyfleuster newydd o ddiddordeb i’r cyhoedd, mae digwyddiadau ac arddangosfeydd eisoes wedi eu trefnu ar gyfer blwyddyn gyntaf Tŷ Pawb.

“Bydd manylion pellach ar yr arddangosfeydd unigolyn cael eu cyhoeddi fel bydd y dyddiadau’n agosáu.”

Bydd digwyddiadau yn parhau i gael eu cynnal yn Oriel Wrecsam ac yn adeilad Arcêd y De Marchnad y Bobl wrth i waith gael ei wneud ar Dŷ Pawb, gyda gweithgareddau i blant bob dydd Sadwrn gan gynnwys paentio wynebau a chrefftau.

Cynhelir dosbarthiadau darluniau bywyd yn Oriel Wrecsam bob nos Iau, a gan weithio ar y cyd gyda’r Cafe in the Corner a TWIG – mae gweithdai am ddim gyda chinio bob prynhawn dydd Mawrth.

Mae’r cerddor a’r adroddreg straeon Jacqui Bloor hefyd yn rhedeg cyfres o weithdai galw heibio Cerddoriaeth Piccolo yn Oriel Wrecsam rhwng 10am a hanner dydd bob dydd Llun a dydd Gwener, i fabanod a phlant bach hyd at 5 oed.

Derbyniwch newyddion a gwybodaeth gan Gyngor Wrecsam yn syth bin drwy Fi Niweddariadau.

[button color=”” size=”large” type=”square_outlined” target=”new” link=”http://www.wrexham.gov.uk/welsh/user_register_w/register_w.cfm”]COFRESTRWCH FI[/button]

Mae busnesau traddodiadol canol y dref a fu’n gwasanaethu cymunedau ers canrifoedd, megis siop y pobydd, y cigydd, y gwerthwr pysgod a’r gwerthwr llysiau, yn cael amser caled ar strydoedd mawr Prydain y dyddiau yma, gyda nifer ohonyn nhw’n methu â chystadlu â chwmnïau archfarchnadoedd mawrion.

Ond yn Wrecsam, mae siop gigydd draddodiadol yng nghanol y dref yn herio’r duedd ac yn parhau i wasanaethu’r un gymuned ag y mae wedi’i gwasanaethu ers pedair cenhedlaeth.

Mae gan siop gigydd Hugh John Jones ar Stryt Henblas gysylltiadau hirfaith â phobl Wrecsam – yn llawer hwy na’r cadwyni selsig y tu ôl i’r cownter!

GALLWCH GAEL NEWYDDION A GWYBODAETH AR UNWAITH GAN GYNGOR WRECSAM GYDA FY NIWEDDARIADAU.

Giles Jones a Russell Jones (dim perthynas i’w gilydd) sy’n rhedeg siop y cigydd, gyda chefnogaeth dau aelod arall o staff.

Mae’r siop yn gwerthu amrywiaeth o gig porc, cig eidion, cig oen a dofednod – yn ogystal â helgig adeg y Nadolig – ac mae mwyafrif y cigoedd yn dod o ffynonellau o fewn 30 milltir i Wrecsam, ac eithrio cig oen y glastraeth o Ynys Môn.

Sefydlwyd y busnes gan hen daid Giles, sef Hugh John Jones, ym 1886, ac mae wedi bod yn y dref ers hynny. Ym Marchnad y Cigydd y safai’r siop yn wreiddiol, cyn symud i Stryt Henblas yn 2010.

Bu tad Giles, a enwyd hefyd yn Hugh John Jones, yn rhedeg y siop am dros 50 mlynedd, ac roedd hefyd yn wyneb adnabyddus i ddilynwyr Clwb Pêl-droed Wrecsam fel “John the Bell”, yn ôl y sôn, oherwydd ei arfer o ganu cloch law swnllyd i ysgogi’r cefnogwyr yn ystod hanner amser mewn gemau cartref ac oddi cartref.

Dywedodd Giles bod cysylltiadau maith y busnes â phobl Wrecsam wedi arwain at ennill cwsmeriaid ffyddlon – y mae rhai ohonyn nhw’n dilyn ôl traed cenedlaethau cynharach eu teuluoedd.

“Mae pobl wedi bod yn dod yma ers cenedlaethau”

Meddai:  “Rydyn ni’n nabod pawb – ac mae pawb yn ein nabod ninnau.

“Mae gennym ni bobl sydd wedi bod yn dod yma ers cenedlaethau – mae gennym ni gwsmeriaid o’r drydedd genhedlaeth.  Rydw i o’r bedwaredd genhedlaeth ac mae fy nau fab wedi bod yn fy helpu.”

Ychwanegodd: “Rydyn ni’n 131 mlwydd oed – ond dydyn ni ddim yn edrych mor hen â hynny!”

Mae’r busnes wedi dirywio rhywfaint yn y blynyddoedd diweddar wrth i Ganol Tref Wrecsam newid – ond mae Giles yn dal i fod yn dawel hyderus ynglŷn â dyfodol y dref a’r busnes.

Meddai Giles: “Mae pethau’n well yng nghanol y dref ar hyn o bryd nag y buon nhw, ond mae angen i rywbeth ddigwydd.”

Ychwanegodd bod y busnes wedi gallu manteisio ar Wyliau Stryd rheolaidd bob mis, trwy gynnal barbeciw awyr agored yn gwerthu rholiau a brechdanau cig rhost.

“Mae pethau wedi gwella yn yr ychydig fisoedd diwethaf, ac rydyn ni’n gweithio’n galed i wella ymhellach.

“Mae BHS wedi cael ei brynu ac unwaith y bydd y gwaith ar Farchnad y Bobl wedi’i gwblhau, fe fydd pethau’n edrych yn well.

“Un peth fyddai o fudd mawr i ni fyddai parcio am ddim am hanner awr ar Stryt Caer a’r Stryd Fawr, er mwyn i bobl allu gyrru cyn agosed i’r siopau ag sy’n bosib”.

Aeth yn ei flaen i ddweud bod y siop gigydd yn parhau i fod yn optimistaidd er gwaethaf y duedd ar i lawr yn ffyniant canol y dref yn y blynyddoedd diwethaf.

“Rydyn ni’n dal ati ac yn gwneud ein gorau glas i fod yn ffyddiog.”

Dywedodd y Cynghorydd Terry Evans, Aelod Arweiniol Perfformiad Economaidd ac Adfywio Cyngor Wrecsam: “Mae’n glod i fusnesau traddodiadol fel Siop Gigydd Hugh John Jones eu bod wedi gallu dal ati wrth i’r stryd fawr ac arferion cwsmeriaid newid.

“Mae wedi bod yn amser caled ar y stryd fawr yn ddiweddar – rydyn ni wedi gweld hynny yn Wrecsam fel ym mhob man arall yn y DU. Ac mae wedi bod yn arbennig o galed ar fusnesau traddodiadol sy’n delio mewn cynnyrch, gan fod cwsmeriaid wedi troi at archfarchnadoedd mawrion.

“Ond mae Giles a’r tîm yn Siop Gigydd Hugh John Jones wedi llwyddo i ddod drwyddi a pharhau i wasanaethu pobl Wrecsam, yr un fath ag y gwnaeth eu cyndadau am 131 o flynyddoedd.

“Dymuniadau gorau iddyn nhw am y 131 blynedd nesaf!”

Derbyniwch newyddion a gwybodaeth gan Gyngor Wrecsam yn syth bin drwy Fi Niweddariadau.

[button color=”” size=”large” type=”square_outlined” target=”new” link=”http://www.wrexham.gov.uk/welsh/user_register_w/register_w.cfm”]COFRESTRWCH FI[/button]

Cwestiwn: A ddylai pobl ifanc gael dweud eu dweud ar faterion lleol pwysig? Addysg, cludiant, pethau sy’n effeithio ar eu bywydau pob dydd?

Wrth gwrs y dylen nhw!

Dylid gwrando ar bob aelod o’r gymdeithas, gan gynnwys pobl ifanc. Yn aml iawn mae pobl ifanc yn dod â safbwyntiau newydd ac unigryw i’r bwrdd.

Os ydych chi rhwng 11 a 25 mlwydd oed ac os oes gennych chi gysylltiad â Bwrdeistref Sirol Wrecsam (yn byw, yn derbyn addysg neu’n gweithio yma), fe allwch chi helpu i wneud yn siŵr bod barn pobl ifanc yn cael ei chlywed gan Gyngor Wrecsam a chyrff eraill sy’n gwneud penderfyniadau.

Sut medde chi? Drwy ymuno â Senedd yr Ifanc.

GALLWCH GAEL NEWYDDION A GWYBODAETH AR UNWAITH GAN GYNGOR WRECSAM GYDA FY NIWEDDARIADAU.

Meddai’r Cynghorydd Paul Rogers, Aelod Arweiniol Gwasanaethau Ieuenctid a Gwrthdlodi: “Mae’r Senedd yn chwarae rhan hanfodol i helpu’r Cyngor ddeall y pethau sy’n bwysig i bobl ifanc, ac mae’n dylanwadu cryn dipyn ar y gwaith rydym ni’n ei wneud.

“Mae’r Senedd yn ein cynorthwyo wrth wneud penderfyniadau fel cyngor, ac yn ein helpu i ddeall sut mae pobl ifanc yn teimlo amdanynt.”

“Beth sydd ynddo i mi?”

Rydym ni wedi egluro pam bod y Senedd yn ddefnyddiol i’r Cyngor, ond beth sydd ynddo i chi? Pam ddylech chi roi o’ch amser?

Meddai Caroline Bennett, sy’n gweithio yng ngwasanaeth ieuenctid y Cyngor: “Gall ymuno â’r Senedd fod yn wobrwyol iawn.

“Mae’n hwyl, yn magu hyder ac yn darparu cyfle i gymryd rhan mewn digwyddiadau a gweithgareddau unigryw.

“Er enghraifft, mae rhai o’r aelodau yn mynd i Lundain yn yr hydref ar gyfer Wythnos Senedd y DU.

“Byddan nhw’n cynrychioli Wrecsam ac yn cymryd rhan yn y drafodaeth Make your Mark yn Nhŷ’r Cyffredin ar y materion pwysicaf sy’n effeithio ar bobl ifanc.

“Mae cymryd rhan yn y Senedd hefyd yn edrych yn dda ar eich CV pan fyddwch chi’n ymgeisio am swydd neu le mewn prifysgol. Mae’n dangos bod gennych chi ddiddordeb yn y byd ehangach ac arnoch chi eisiau bod yn rhan o’r gymdeithas.

“Mae’n ffordd wych i gyfarfod pobl newydd ac mae’n sefydliad cyfeillgar a phleserus i fod yn rhan ohono.”

“Iawn. Rydych chi wedi gwerthu’r syniad i mi. Beth sydd angen i mi ei wneud?”

Mae yna oddeutu 30 o lefydd ar gael ar y funud.

I fod yn gymwys, mae’n rhaid i chi fod rhwng 11 a 25 oed.

Mae’n rhaid i chi hefyd fod â chysylltiad â Bwrdeistref Sirol Wrecsam a mynychu cyfarfod ar ddydd Llun cyntaf pob mis.

Am fwy o wybodaeth cysylltwch â’n gwasanaeth ieuenctid ar 01978 317961 neu youngvoices@wrexham.gov.uk

Mae ar Wrecsam eich angen chi 🙂

Derbyniwch newyddion a gwybodaeth gan Gyngor Wrecsam yn syth bin drwy Fi Niweddariadau.

[button color=”” size=”large” type=”square_outlined” target=”new” link=”http://www.wrexham.gov.uk/welsh/user_register_w/register_w.cfm”]COFRESTRWCH FI[/button]

Gwnaethom bicio i mewn i gwrdd â’r fasnachwraig annibynnol Emma Wilson, yr ysbrydoliaeth â’r pobydd cacennau gwych y tu ôl i Emz Cakes ar Stryt Caer yng nghanol y dref.

Mae Emma wedi rhedeg y Becws a’r Ystafelloedd Te hynod lwyddiannus ers 2014 ac, er yn wreiddiol o Gaer, mae hi wrth ei bodd yn Wrecsam ac yn falch ei bod wedi ymgartrefu yma.

Mae Emma’n disgrifio ei siop fel un “addas iawn i blant” ac mae ganddi “gornel y plant” i gadw’r plant bach yn ddiddan. Wrth i ni siarad, daeth nifer o famau gyda chadeiriau gwthio i mewn am goffi yn y bore a gwneud eu hunain yn gartrefol ar unwaith gan gadarnhau’r statws fel lle addas i blant!

GALLWCH GAEL NEWYDDION A GWYBODAETH AR UNWAITH GAN GYNGOR WRECSAM GYDA FY NIWEDDARIADAU

Yn wreiddiol roedd yn gweithio gartref, yn gwneud cacennau i archeb cyn symud i mewn i’w heiddo ar Stryt Caer lle mae hi bellach yn pobi pob un o’i chacennau. Mae hi hefyd yn cyflogi 4 o staff, tri yn llawn amser ac un yn rhan amser, i weini ei chacennau blasus naill ai gyda choffi, ysgytlaeth, neu “cake shakes” lle rydych yn dewis cacen ag ysgytlaeth neu fel rhan o’i the prynhawn arbennig. Mae rhai cwsmeriaid yn dod i’r dref dim ond i gael te prynhawn yn Emz Cakes – ffaith y mae Emma yn arbennig o falch ohoni.

“pobl hyfryd – dyna pam rydw i’n aros yma”

Dywedodd Emma:

“Mae gen i gnewyllyn da o gwsmeriaid sy’n cynnwys mamau a theuluoedd ond rydym bellach yn gweld mwy o dwristiaid gan fod y tîm twristiaeth yn Wrecsam wedi gwneud cymaint i hyrwyddo’r ardal. Mae gan Wrecsam bobl hyfryd – dyna pam rydw i’n aros yma.

“mae pobl wrth eu boddau efo nhw”

Gallwch eistedd y tu mewn neu’r tu allan hefyd gan fod seddi o flaen y siop ac mae tair o siediau pwrpasol wedi eu paentio’n llachar yng nghefn y siop – ia dyna chi siediau – ac eglurodd Emma fod pobl wrth eu boddau efo nhw, mae’r plant yn meddwl eu bod yn wych ac os ydych chi eisiau ychydig o breifatrwydd mae hyd yn oed llenni y gallwch eu cau.

Mae mwy i Emz Cakes na chacennau er hynny, fel y darganfyddom ni drwy edrych o gwmpas y siop. Mae ystod lawn o bethau ar werth sydd wedi cael eu cynhyrchu gan grefftwyr ac artistiaid lleol o botiau o bicls i galonnau pren. Pan oedd yn dechrau arni, darganfu Emma ei bod yn anodd dod yn adnabyddus, felly drwy gadw cynnyrch lleol, mae’n gallu helpu busnesau llai i gamu ar yr ysgol.

Mae hi hefyd yn darparu ar gyfer partïon plant lle gall plant bach addurno cacennau bach cyn iddynt roi eu dannedd ynddynt a gallwch hefyd logi ei heiddo rhwng 5 a 7pm ar gyfer digwyddiadau ac mae hynny wedi bod yn boblogaidd ar gyfer cawodydd babanod!

Mae Emma wedi’i chyffroi’n fawr gan Tŷ Pawb, y cyfleuster celfyddydau a marchnad sy’n agor y gwanwyn nesaf. Mae’n sicr ganddi ddigon o weledigaeth i weld y potensial am gwsmeriaid newydd ac eisoes yn cynllunio i weld sut y gall hi wneud y gorau o’r cyfle.

“Rydych angen eich cyffyrddiad eich hun”

Gofynnom i Emma pa gyngor oedd ganddi i unrhyw un a oedd yn dymuno sefydlu busnes yn Wrecsam ac nid oedd ei hateb yn ein synnu o gwbl:

“Rhaid i chi edrych ar yr hyn y byddwch yn ei gynnig ac a yw’n ddigon gwahanol i wneud i bobl fod eisiau ei brynu. Rydych angen eich cyffyrddiad eich hun a rhaid i chi fod yn barod i weithio’n galed a bod yn hyblyg. Gallaf weithio 80 awr ar rai wythnosau prysur gan fod bob amser rhywfaint o waith gweinyddol sydd angen ei wneud. Ond mae hynny’n iawn, gan ei fod yn sicr werth yr ymdrech.”

A beth am hysbysebu – a yw Emma’n defnyddio cyfryngau cymdeithasol fel pob un o’n masnachwyr annibynnol eraill?

Ydi mae hi, ac mae hi’n sicr yn argymell hynny i fasnachwyr eraill:

“Rydw i’n defnyddio Instagram, Twitter a Facebook ac rwy’n credu ei bod yn hanfodol i fasnachwyr bach fod ar y Cyfryngau Cymdeithasol – mae’n rhad ac am ddim a dyna’r ffordd i gael pobl i glywed eich enw.”

Mae Emz Cakes ar agor o 10.30 tan 4.30 o ddydd Llun i ddydd Sadwrn ac rydym yn gwybod y bydd y ddynes llawn menter yma yn creu argraff arnoch felly beth am bicio i mewn am goffi a chacen y tro nesaf y byddwch yn y dref.

Does gennym ni ddim amheuaeth y bydd Emz Cakes o gwmpas am amser hir iawn ac rydym yn dymuno llwyddiant parhaus iddi yng nghanol y dref.

Dywedodd y Cynghorydd Terry Evans, Aelod Arweiniol Datblygu Economaidd ac Adfywio:

“Dylai Emma fod yn falch iawn o’r hyn y mae hi wedi ei gyflawni mewn cyfnod mor fyr. Mae ei gwaith caled a’i syniadau llawn menter yn sicr wedi talu ar eu canfed ac rwy’n dymuno’n dda iawn iddi ar gyfer y dyfodol.” future.”

Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau

[button color=”” size=”large” type=”square_outlined” target=”new” link=”http://www.wrexham.gov.uk/welsh/user_register_w/register_w.cfm”]COFRESTRWCH FI[/button]

Rydym eisoes wedi edrych ar nifer o fusnesau o amgylch y dref ar y blog hwn, gan gynnwys Café in the Corner, Mad4Movies, Just Desserts, Wrexham.com a King Street Coffee.

Dywedodd llawer o’r rhai a gafodd eu cyfweld fod gwerthiant yn dda a mynegwyd positifrwydd am y gwelliannau i ganol y dref.

Ac mae mwy o newyddion da i ganol y dref gan fod y nifer uchaf erioed o ymwelwyr wedi ymweld â chanol y dref mewn un wythnos yr haf hwn.

GALLWCH GAEL NEWYDDION A GWYBODAETH AR UNWAITH GAN GYNGOR WRECSAM GYDA FY NIWEDDARIADAU.

Daeth mwy na 100,000 o ymwelwyr i ganol y dref yn ystod wythnos ym mis Awst, gan gyrraedd yr uchafbwynt yn ystod gwyliau haf yr ysgolion.

Cyrhaeddodd nifer yr ymwelwyr ar y stryd fawr 102,487 yn ystod yr wythnos yn cychwyn dydd Sul, Awst 13, gyda’r nifer o ymwelwyr uchaf mewn diwrnod – 17,462 – ddydd Sadwrn, Awst 19.

Caiff y nifer o ymwelwyr ei gyfrif gan beiriant cyfrif cerddwyr newydd ar gornel Stryt yr Hôb a Stryt Y Rhaglaw.

“arwydd pellach o hyder yng nghanol ein tref”

Dywedodd y Cynghorydd Terry Evans, Aelod Arweiniol Perfformiad Economaidd ac Adfywio: “Rwy’n falch iawn o weld fod y ffigwr wythnosol wedi pasio 100,000 – mae hynny’n wych am un wythnos.

“Rydym fel arfer yn disgwyl nifer dda o ymwelwyr yn ystod gwyliau’r haf, ond mae hyn yn wirioneddol ardderchog, ac rwy’n gobeithio ei fod yn arwydd pellach o hyder yng nghanol ein tref ac yn anogaeth i’r rheiny sy’n masnachu, neu sydd am fasnachu, yn Wrecsam.

“Bydd ffigyrau mwy manwl gennym erbyn diwedd y chwarter a bydd y ffigyrau hynny yn gymorth i ni edrych pa effaith uniongyrchol mae’r lefel uchel yma o ymwelwyr wedi ei gael ar fasnachwyr ac incwm cyffredinol, felly gallwn ddisgwyl canfyddiadau diddorol pan ddaw’r ffigyrau hynny yn ôl.”

Yn dilyn dadansoddiad o berfformiad Stryd Fawr Wrecsam gan Brifysgol Metropolitan Manceinion yn ôl yn 2014, cynigiwyd nifer o argymhellion a’r llynedd, sefydlwyd grŵp llywio newydd canol tref newydd i weithredu’r cynllun 25 pwynt ar gyfer y dref.

Un o’r amcanion hyn oedd edrych ar ffyrdd o gynyddu nifer yr ymwelwyr, drwy fentrau megis gwella golwg y dref ynghyd â datblygu digwyddiadau newydd.  Mae’r data o’r peiriant cyfrif electronig newydd a osodwyd ar Stryd yr Hôb wedi bod yn bwydo cyfrifiadau wythnosol i’r tîm Rheoli Canol Tref.

Mae’r busnesau sy’n cymryd rhan ar hyn o bryd yn y prosiect wedi’u lledaenu ar draws canol y dref ac mae eu ffigurau gwerthu (wedi’u rhoi fel canran cynnydd neu leihad) yn cael eu cyflwyno bob dydd Mercher. Mae’r data yn cael eu prosesu ac anfonir adroddiad gwerthiannau i bob busnes yn dangos sut mae eu gwerthiannau wedi bod yn erbyn canol y dref. Hefyd maent yn cael golwg cyffredinol o werthiannau a nifer yr ymwelwyr yn Wrecsam.

Mae’r tîm nawr yn gobeithio gosod peiriannau cyfrif ychwanegol mewn rhannau eraill o’r dref fel y maent yn parhau i gasglu rhagor o wybodaeth i gefnogi mentrau yn y dyfodol, ac yn natblygiad y dref fel lleoliad cystadleuol.

Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.

[button color=”” size=”large” type=”square_outlined” target=”new” link=”http://www.wrexham.gov.uk/welsh/user_register_w/register_w.cfm”]COFRESTRWCH FI[/button]

Dewch i gwrdd ag Andrea Hughes, masnachwraig marchnad annibynnol sy’n rhedeg
‘Making Memories’ ym Marchnad y Cigyddion.

Agorodd Andrea ei stondin y llynedd ar ôl gweithio yn y byd addysg am dros 30 mlynedd a hyd yma mae wedi bod yn benderfyniad da gan fod busnes wedi bod yn gyson iawn.

“Shabby chic hen ffasiwn”

Mae Andrea yn cynnig amrywiaeth o anrhegion personol y mae’n eu disgrifio fel “shabby chic hen ffasiwn”. Mae ei stondin yn llawn anrhegion ar gyfer digwyddiadau fel priodasau, penblwyddi, penblwyddi priodas a babanod sydd newydd eu geni. Gellir rhoi enwau, dyddiadau neu benillion ar unrhyw rai o’r rhain er mwyn eu gwneud ychydig yn fwy arbennig.

Roedd prisiau Andrea i gyd yn rhesymol iawn ac yn sicr mae rhywbeth ar gyfer pawb faint bynnag y gallant ei wario.

GALLWCH GAEL NEWYDDION A GWYBODAETH AR UNWAITH GAN GYNGOR WRECSAM GYDA FY NIWEDDARIADAU.

Mae Andrea hefyd yn hapus i adael i gwsmeriaid logi addurniadau bwrdd ac ategolion ar gyfer digwyddiadau arbennig, yn arbennig priodasau sy’n gymorth mawr i ostwng cost y diwrnod mawr i gyd.

“Hyfryd a Theyrngar Iawn”

Dywedodd Andrea:

“Mae pobl Wrecsam wedi bod yn hyfryd a theyrngar iawn ers i mi fod yma. Mae hefyd yn wych fod cymaint o bobl yn awyddus i gefnogi masnachwyr lleol ac annibynnol. Mae gennym amrywiaeth o anrhegion sy’n addas i bob oed, o io-ios pren wedi eu personoleiddio i’r ffrâm llun delfrydol hwnnw all fod â phennill personol wedi ei ychwanegu ar gyfer 50fed Penblwydd Priodas rhywun.”

Gofynnom i Andrea am hysbysebu ac, fel y masnachwyr annibynnol eraill yr ydym wedi siarad â nhw, mae’n ffafrio Facebook a’i gwefan ei hun.
Mae’r ddau ar gael yma:

www.facebook.com/makingmemories7666

www.makingmemoriesbyandrea.co.uk

Dywedodd y Cynghorydd Terry Evans, Aelod Arweiniol Datblygu Economaidd ac Adfywio:

“Mae’n wych i glywed am fasnachwyr lleol annibynnol sy’n creu busnesau llwyddiannus yng nghanol y dref ac sy’n amlwg yn cael eu gwerthfawrogi gan eu cwsmeriaid sy’n fwy na hapus i ymweld dro ar ôl tro. Pob lwc Andrea, rwy’n gobeithio y bydd y dyfodol yn parhau’n un cadarnhaol i chi.”

Os ydych am ymweld â “Making Memories” mae ym Marchnad y Cigyddion yng nghanol tref Wrecsam a bydd Andrea yn sicr o roi croeso cynnes i chi a’ch helpu i ddewis yr anrheg berffaith ar gyfer achlysur arbennig.

Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.

[button color=”” size=”large” type=”square_outlined” target=”new” link=”http://www.wrexham.gov.uk/welsh/user_register_w/register_w.cfm”]COFRESTRWCH FI[/button]